Rain alert : 5 రోజుల పాటు దేశవ్యాప్తంగా భారీ వర్షాలు..

Telangana rain alert : భానుడి భగభగలకు అల్లాడిపోయిన దేశ ప్రజలకు భారత వాతావరణశాఖ (ఐఎండీ) గుడ్​ న్యూస్​ చెప్పింది. రానున్న ఐదు రోజుల పాటు దేశవ్యాప్తంగా అనేక రాష్ట్రాల్లో భారీ వర్షాలు కురుస్తాయని వెల్లడించింది.

భారీ నుంచి అతి భారీ వర్షాలు..

ఐఎండీ ప్రకారం.. ఒడిశా, అసోం, ఆంధ్రప్రదేశ్​, మేఘాలయ, ఝార్ఖండ్​, మిజోరం, పశ్చిమ్​ బెంగాల్​, సిక్కిం, ఉత్తర్​ ప్రదేశ్​, హిమాచల్​ ప్రదేశ్​లలో శుక్రవారం నుంచి 5 రోజుల పాటు భారీ నుంచి అతి భారీ వర్షాలు పడతాయి. మిగిలిన రాష్ట్రాల్లో.. అక్కడక్కడా తేలికపాటు, మోస్తరు వర్షాలు పడే అవకాశం ఉంది.

Rains in India : ఈ నెల 26 వరకు ఒడిశాలోని కొన్ని ప్రాంతాల్లో భారీ నుంచి అతి భారీ వర్షాలు పడతాయి. అసోం, మేఘాలయలో 26, 27 తేదీల్లో భారీ వర్షాలు పడతాయి. నాగాలాండ్​, మణిపూర్​, మిజోరంలో 27 వరకు ఉరుములతో కూడిన వర్షపాతం నమోదవుతుంది. పశ్చిమ్​ బెంగాల్​లోని హిమాలయ ప్రాంతంతో పాటు సిక్కింలో 26న, ఝార్ఖండ్​ 25, 26 తేదీల్లో వర్షాలు పడతాయి.

జమ్ముకశ్మీర్​, హిమాచల్​ ప్రదేశ్​, ఉత్తరాఖండ్​, ఉత్తర్​ ప్రదేశ్​లలో 27 వరకు, పంజాబ్​, హరియాణ, ఛండీగఢ్​, దిల్లీ, తూర్పు రాజస్థాన్​లో 25 నుంచి 27 వరకు వానలు కురుస్తాయి. ముఖ్యంగా.. ఉత్తరాఖండ్​, హిమాచల్​ప్రదేశ్​లలోని కొన్ని ప్రాంతాల్లో ఉరుములు మెరుపులతో కూడిన భారీ వర్షాలు పడే అవకాశం ఉంది.

Heavy rains in Hyderabad : ఇక కర్ణాటక తీర ప్రాంతంలో 27 వరకు, ఆంధ్రప్రదేశ్​ తీర ప్రాంతంలో 24 వరకు, తెలంగాణలో 25 వరకు, కేరళ మాహేలో 27 వరకు కొన్ని చోట్ల తేలికపాటు, ఇంకొన్ని చోట్ల అతి భారీ వర్షాలు పడే సూచనలు కనిపిస్తున్నాయి.