Imran Khan arrest : ఇమ్రాన్​ ఖాన్​ అరెస్ట్​కు పోలీసులు యత్నం.. కనిపించని మాజీ ప్రధాని!

Imran Khan arrest : పాకిస్థాన్​ మాజీ ప్రధానమంత్రి ఇమ్రాన్​ ఖాన్​ చుట్టు ఉచ్చు బిగుస్తోంది! తాజాగా.. ఇమ్రాన్​ ఖాన్​ను అరెస్ట్​ చేసేందుకు పోలీసులు ఆయన నివాసానికి వెళ్లారు. కానీ ఆయన అక్కడ కనిపించలేదు.

అరెస్ట్​ ఎందుకు..?

ఇస్లామాబాద్​లోని అధికారులు.. ఆదివారం మధ్యాహ్నం తర్వాత లాహోర్​లోని ఇమ్రాన్​ ఖాన్​ నివాసానికి వెళ్లారు. ఇమ్రాన్​ ఖాన్​ మద్దతుదారులు సైతం అదే సమయంలో ఆయన నివాసం వద్దకు వెళ్లారు. పోలీసులకు వ్యతిరేకంగా నిరసనలు, నినాదాలు చేశారు. ఈ క్రమంలో ఆ ప్రాంతంలో ఉద్రిక్త పరిస్థితులు నెలకొన్నాయి.

Imran Khan Pakistan news : అనంతరం.. పోలీసుల బృందం.. ఇమ్రాన్​ ఖాన్​ ఇంట్లోకి వెళ్లింది. కానీ ఆయన అక్కడ కనిపించ లేదు.

"లొంగిపోవడానికి ఇమ్రాన్​ ఖాన్​ అంగీకరించడం లేదు. కోర్టు నోటీసులతోనే పోలీసులు ఇమ్రాన్​ ఖాన్​ నివాసానికి వెళ్లాము. కానీ అక్కడ ఆయన కనిపించలేదు," అని ఇస్లామాబాద్​ పోలీసుల బృందం పేర్కొంది.

Imran Khan latest news : విదేశాల నుంచి అందుకున్న బహుమతుల వివరాలను పాకిస్థాన్​ అధికారులు ఎప్పటికప్పుడు బయటపెట్టాల్సి ఉంటుంది. కాగా.. తన హయాంలో అందుకున్న గిఫ్ట్​లకు సంబంధించిన లెక్కల వివరాలను చెప్పడంలో ఇమ్రాన్​ ఖాన్​ విఫలమైనట్టు ఆరోపణలు ఉన్నాయి. వాటిని అమ్మేసి, ఆయన లబ్ధిపొందారన్నది ప్రధాన ఆరోపణ.

ప్రభుత్వంపై ఒత్తిడి..

ఆర్థిక సంక్షోభంతో కొట్టుమిట్టాడుతున్న పాకిస్థాన్​లో ఈ ఏడాది అక్టోబర్​ తర్వాత ఎన్నికలు జరగాల్సి ఉంది. కాగా.. మధ్యంతర ఎన్నికలు జరపాల్సిందిగా ప్రభుత్వంపై ఓవైపు ఇమ్రాన్​ ఖాన్​ ఒత్తిడి చేస్తుంటే, ఆయన్ని అరెస్ట్​ చేసేందుకు పోలీసులు వెళ్లడం చర్చలకు దారి తీసింది. ప్రభుత్వంపై ఒత్తిడి తెచ్చే ప్రయత్నాల్లో భాగంగా.. తన పార్టీ ఎంపీల చేత రాజీనామా చేయించారు. రెండు రాష్ట్రాల్లో పార్టీ ప్రభుత్వంలో ఉండగా.. వాటీని రద్దు చేశారు.

Imran Khan arrest latest updates : తాజా పరిస్థితులపై ఇమ్రాన్​ ఖాన్​ పార్టీ పీటీఐకి చెందిన వైస్​ ఛైర్మన్​ షా మెహ్మూద్​ ఖురేషీ స్పందించారు. పోలీసుల నుంచి నోటీసులు అందాయని, కానీ అందులో అరెస్ట్​ గురించి ఎలాంటి వివరాలు లేవని పేర్కొన్నారు. తమ న్యాయవాదుల బృందంతో చర్చించి, తదుపరి చర్యలు తీసుకుంటామని స్పష్టం చేశారు.