PM Modi : ‘బ్యాక్​ టు యాక్షన్​’- వరుస సమావేశాలతో ప్రధాని మోదీ బిజీ బిజీ!

PM Modi latest news : సుదీర్ఘ కాలం పాటు జరిగిన 2024 లోక్​సభ ఎన్నికలు, కన్యాకుమారి ట్రిప్​ తర్వాత.. ప్రధానమంత్రి నరేంద్ర మోదీ మళ్లీ అధికారిక సమావేశాలతో ఆదివారాన్ని బిజీబిజీగా గడపబోతున్నారు. మూడోసారి ప్రభుత్వంలోకి వచ్చిన అనంతరం మొదటి 100 రోజుల్లో చేయాల్సిన పనులు సహా.. దేశంలో హీట్​వేవ్​ పరిస్థితులపై కీలక చర్చలు జరపనున్నారు.

మోదీ.. బ్యాక్​ ఇన్​ యాక్షన్​..

జూన్​ 5న ప్రపంచ పర్యావరణ దినోత్సవం జరగనుంది. ఈ నేపథ్యంలో జరిగే వార్షిక ఈవెంట్​ సెలబ్రేషన్స్​ సన్నాహకాలను ఫైనలైజ్​ చేయనున్నారు మోదీ. 'భూమి పునరుద్ధరణ, డిసెర్టిఫికేషన్​, కరవు' థీమ్​తో ఈ ఏడాది ప్రపంచ పర్యావరణ దినోత్సవం జరగనుంది. ఈ ఈవెంట్​ని సౌదీ అరేబియా హోస్ట్​ చేయనుంది.

ఇక ఆదివారం మోదీ చేపట్టనున్న సమావేశాల్లో.. హైలైట్​ ఒకటి ఉంది. లోక్​సభ ఎన్నికల పోలింగ్​ ముగిసిన తర్వాత వెలువడిన ఎగ్జిట్​ పోల్స్​లో.. మోదీ మళ్లీ ప్రధాని అవుతారని అంచనాలు మరింత పెరిగాయి. ఈ నేపథ్యంలో.. అధికారంలోకి వచ్చిన మొదటి 100 రోజుల్లో చేయాల్సిన పనులపై తన టీమ్​తో ఆదివారమే కీలక చర్చలు జరపనున్నారు మోదీ. ఇది అనేక గంటల పాటు జరుగుతుందని తెలుస్తోంది. ఏ లక్ష్యాలు పెట్టుకోవాలి? ఎలాంటి యాక్షన్​ ప్లాన్​ ఎంచుకోవాలి? వంటివి ఈ సమావేశంలో చర్చించనున్నారు.

2024 Lok Sabha elections exit polls : ఎన్నికల క్యాంపైనింగ్​లోకి అడుగుపెట్టే ముందు.. తన సీనియర్​ దౌత్యవేత్తలతో చర్చించారు మోదీ. మోదీ3.0కి సిద్ధంగా ఉండాలని.. ప్రభుత్వంలోకి వచ్చిన మొదటి 100 రోజుల్లోనే పలు కీలక నిర్ణయాలు తీసుకోవాల్సిన పరిస్థితి ఏర్పడుతుందని అన్నారు. అందుకు తగ్గట్టుగా రెడీ అవ్వాలని సూచించారు. మరి.. 2024 లోక్​సభ ఎన్నికల్లో గెలిస్తే.. మోదీ ఎలాంటి కీలక నిర్ణయాలు తీసుకుంటారో అని సర్వత్రా ఆసక్తి నెలకొంది.

లోక్​సభ ఎన్నికల ఎగ్జిట్​ పోల్స్​ ఫలితాలు..

ఏప్రిల్ 19న ప్రారంభమైన లోక్​సభ ఎన్నికల ఏడు దశల మారథాన్ పోలింగ్ ప్రక్రియ జూన్ 1 శనివారంతో ముగిసింది. జూన్ 1న ఎన్నికల పోలింగ్ ముగిసిన తరువాత, శనివారం సాయంత్రం 6.30 నుంచి వివిధ సంస్థలు, న్యూస్ చానళ్లు తమ ఎగ్జిట్ పోల్స్ అంచనాలను వెల్లడించాయి. వాటిలో ఇండియా టుడే-యాక్సిస్ మై ఇండియా, ఏబీపీ- సీ-ఓటర్, న్యూస్ 24-టుడేస్ చాణక్య, రిపబ్లిక్ టీవీ- పీఎంఏఆర్క్యూ-మ్యాట్రిజ్, టైమ్స్ నౌ- బుల్స్ ఐ, ఎన్డీటీవీ ఇండియా- జన్ కీ బాత్, టీవీ9 భారతవర్ష్- పోల్స్టార్ట్ తదితర జాతీయ న్యూస్ ఛానళ్లు, ఏజెన్సీలు ఉన్నాయి.

2024 లోక్​సభ ఎన్నికల్లో బీజేపీ నాయకత్వంలోని ఎన్డీయే ఘన విజయం సాధిస్తుందని రిపబ్లిక్ టీవీ- పీ మార్క్ నిర్వహించిన ఎగ్జిట్ పోల్ అంచనా వేసింది. ఎన్డీయే కు 359 సీట్లు, ఇండియా కూటమికి 154 సీట్లు, ఇతరులకు 30 సీట్లు వస్తాయని పేర్కొంది. అలాగే, ఇండియా న్యూస్ - డీ డైనమిక్స్ ఎగ్జిట్ పోల్స్ అంచనాల ప్రకారం ఎన్డీయేకు ఈ ఎన్నికల్లో 371 స్థానాలు, ఇండియా కూటమికి 125 సీట్లు వస్తాయి. పూర్తి వివరాల కోసం ఇక్కడ క్లిక్​ చేయండి.