PM Modi US visit live : బైడెన్​ దంపతులతో మోదీ ‘స్టేట్​ డిన్నర్​’

మోదీ అమెరికా పర్యటన నేపథ్యంలో ఓ ప్రకటన వెలువడనుంది. ఉక్రెయిన్​ భూభాగ సమగ్రతకు భారత్​ అమెరికాలు మద్దతిస్తున్నట్టు ఆ ప్రకటన పేర్కొంది. ఉత్తరకొరియా మిసైల్​ లాంచ్​లను వ్యతిరేకిస్తున్నట్టు పేర్కొంది.

స్టేట్​ డిన్నర్​కి ముందు.. అమెరికా కాంగ్రెస్​లో ప్రసంగించారు ప్రధాని మోదీ. ఆ తర్వాత.. కాంగ్రెస్​ సభ్యుల్లో చాలా మంది.. మోదీతో ఫొటోలు దిగాలని, ఆటోగ్రాఫ్​ తీసుకోవాలని క్యూ కట్టడం విశేషం.

“అమెరికాలో బేస్​బాల్​తో పాటు క్రికెట్​కి కూడా ఆదరణ పెరుగుతోంది. ఈ ఏడాది చివర్లో జరిగే వరల్డ్​ కప్​కు క్వాలిఫై అవ్వాలని అమెరికా క్రికెట్​ టీమ్​ ప్రయత్నిస్తోంది. వారికి గుడ్​ లక్​ చెబుతున్నాను,” అని మోదీ అన్నారు.

స్టేట్​ డిన్నర్​లో అతిథుల లిస్ట్​ చాలా పెద్దగానే ఉంది. ముకేశ్​ అంబానీ, ఆనంద్​ మహీంద్రా వంటి దిగ్గజ వ్యాపారవేత్తలతో పాటు సుందర్​ పిచాయ్​, సత్య నాదేళ్ల, ఇంద్ర నూయి, టిమ్​ కుక్​ వంటి ప్రముఖ సీఈఓలు స్టేట్​ డిన్నర్​కు హాజరయ్యారు. 

“రోజులు గడిచే కొద్ది.. భారతీయులు, అమెరికన్లు దగ్గరవుతున్నారు. ఒకరి గురించి ఒకరు బాగా తెలుసుకుంటున్నారు. హాలోవీన్​ కోసం భారత్​లోని పిల్లలు స్పైడర్​మ్యాన్​లు అవుతున్నారు. అమెరికన్లు 'నాటు నాటు' పాటకు స్టెప్పులేస్తున్నారు,” అని స్టేట్​ డిన్నర్​లో మోదీ అన్నారు.

అంతకుముందు జరిగిన ఓ మీడియా సమావేశంలో ప్రధాని పాల్గొన్నారు. దేశంలో ముస్లింల హక్కులకు సంబంధించిన ప్రశ్నకు సమాధానం ఇచ్చారు. “ముస్లిం హక్కులపై ఇండియాల వివక్ష ఉందా? మీ ప్రశ్నకు నాకు చాలా ఆశ్చర్యం కలిగించింది. ప్రజాస్వామ్యం అన్నది మా రక్తంలో ఉంది.  ప్రజాస్వామ్యం అన్నది మా ఊపిరి. ప్రజాస్వామ్యంలో జీవిస్తున్నప్పుడు.. వివక్షకు ఆస్కారమే లేదు,” అని మోదీ అన్నారు.

“ప్రధాని మోదీతో నేను, జిల్​ (బైెడెన్​ సతీమణి) చాలా మంచి సమయం గడిపాము. ఈ పర్యటన చాలా ప్రొడక్టివ్​గా సాగింది. ఈరోజున.. భారత్​- అమెరికా మధ్య ఉన్న బలమైన స్నేహ బంధాన్ని మనం వేడుకగా జరుపుకుంటున్నాను,” అని శ్వేతసౌధంలో జరిగిన స్టేట్​ డిన్నర్​లో అమెరికా అధ్యక్షుడు జో బైడెన్​ అన్నారు.

అమెరికా పర్యటన అనంతరం ప్రధాని మోదీ ఈజిప్ట్​కు వెళ్లనున్నారు. ఈ నేపథ్యంలో ఆసక్తికర ఘటన వెలుగులోకి వచ్చింది. ఆఫ్రికాను జీ20 శాశ్వత సభ్య దేశంగా గుర్తించాలని ఆయన ప్రతిపాదించారు. మోదీ ప్రతిపాదనను పరిశీలిస్తామని బైెడెన్​ అన్నారు.

ప్రధానమంత్రి నరేంద్ర మోదీ అమెరికా పర్యటన మూడో రోజుకు చేరింది. తాజాగా.. బైడెన్​ దంపతులతో కలిసి ఆయన స్టేట్​ డిన్నర్​కు హాజరయ్యారు. వందలాది మంది అతిథులు సైతం ఈ ఈవెంట్​లో పాల్గొన్నారు.