Parliament special session live : మహిళా రిజర్వేషన్ బిల్లుకు లోక్ సభ ఆమోదం

మహిళా రిజర్వేషన్ బిల్లుపై లోక్ సభలో ఓటింగ్ కొనసాగుతోంది. వివిధ సబ్ క్లాజ్ లపై, సవరణలపై స్పీకర్ ఓం బిర్లా ఓటింగ్ నిర్వహిస్తున్నారు. 

women's reservation bill: మహిళా రిజర్వేషన్ బిల్లుపై లోక్ సభలో జరిగిన చర్చలో పాల్గొన్న తృణమూల్ కాంగ్రెస్ ఎంపీ మహువా మొయిత్రా మోదీ ప్రభుత్వ ద్వంద్వ నీతిపై మండిపడ్డారు. మహిళలకు రిజర్వేషన్లను మరికొన్ని ఏళ్లు వాయిదా వేయడమే ఈ బిల్లు ఎజెండా అని నిప్పులు చెరిగారు.

మహిళా రిజర్వేషన్ బిల్లుకు కాంగ్రెస్ పార్టీ మద్దతు ఇస్తుందని ఆ పార్టీ సీనియర్ నేత సోనియాగాంధీ స్పష్టం చేశారు. చట్టసభల్లో మహిళలకు రిజర్వేషన్ ఇవ్వాలన్నది తన భర్త, మాజీ ప్రధాని రాజీవ్ గాంధీ స్వప్నం అని ఆమె గుర్తు చేశారు.

లోక్ సభ, రాష్ట్రాల అసెంబ్లీలలో మహిళలకు 33% రిజర్వేషన్లను కల్పించేందుకు ఉద్దేశించిన నారి శక్తి వందన్ అధినియం బిల్లుపై చర్చలో కాంగ్రెస్ సీనియర్ నాయకురాలు సోనియా గాంధీ పాల్గొననున్నారు. విపక్ష కాంగ్రెస్ వాదనను ఆమె నాయకత్వంలోనే వినిపించనున్నారు. 

ఇప్పటివరకు పార్లమెంటు ఉభయ సభల కార్యకలాపాలు జరిగిన భవనానికి ప్రధాని మోదీ కొత్త పేరు పెట్టారు. ఇకపై ఆ భవనాన్ని సంవిధాన్ సదన్ (Samvidhan Sadan -Constitution House - రాజ్యాంగ భవనం) గా సంబోధించాలని ఆయన సూచించారు.

Women's Reservation Bill: మహిళా రిజర్వేషన్ బిల్లుపై నిర్ణయం తీసుకునే అవకాశం లభించడం తనకు దేవుడిచ్చిన అదృష్టమని ప్రధాని నరేంద్ర మోదీ వ్యాఖ్యానించారు. ‘నారి శక్తి వందన్ అధినియం’ (Nari Shakti Vandan Adhiniyam)గా ఈ బిల్లుకు నామకరణం చేశారు.

Women's Reservation Bill: ఎట్టకేలకు మహిళా రిజర్వేషన్ బిల్లుకు మోక్షం లభించనుంది. సెప్టెంబర్ 19, మంగళవారం మధ్యాహ్నం 3 గంటలకు మహిళా రిజర్వేషన్ బిల్లును లోక్ సభలో ప్రవేశ పెట్టనున్నారు. ఈ బిల్లుకు సోమవారం కేంద్ర కేబినెట్ ఆమోదం తెలిపింది.

రాజ్యంగంతో కాంగ్రెస్​ ఎంపీలు నూతన పార్లమెంట్​ భవనంలోకి ప్రవేశించారు. రాజ్యాంగాన్ని చేతిలో పట్టుకుని నడిచారు లీడర్​ ఆఫ్​ అపొజీషన్​ అధీర్​ రంజన్​. కాంగ్రెస్​ సీనియర్​ నేత రాహుల్​ గాంధీ.. ఆయన వెనుకే నడిచారు.

పాత పార్లమెంట్​లోని సెంట్రల్​ హాల్​లో కార్యక్రమం ముగిసింది. మోదీతో పాటు ఎంపీలందరు.. నూతన పార్లమెంట్​లోకి నడుచుకుంటూ వెళ్లారు.

పాత పార్లమెంట్​ భవనానికి సంవిధాన్​ సదన్​ అన్న పేరు పెట్టాలను సూచించారు మోదీ.

నూతన పార్లమెంట్​లో ఎంపీలను ఉద్దేశించి ప్రధాని మోదీ సుదీర్ఘ ప్రసంగం చేశారు. పార్లమెంట్​లో చేసే ప్రతి చట్టం.. భారతీయుల్లో స్ఫూర్తిని నింపే విధంగా ఉండాలని అన్నారు. భారతీయుల కలలను దృష్టిలో పెట్టుకుని సంస్కరణలు చేపట్టాలని తెలిపారు. 

పార్లమెంట్​ నూతన భవనంలో కార్యకలాపాలు మొదలైన సందర్భంగా.. ఎంపీలు, సిబ్బందికి శుభాకాంక్షలు తెలిపారు ప్రధాని మోదీ.

ప్రస్తుతం.. నూతన పార్లమెంట్​ భవనంలోని సెంట్రల్​ హాల్​లో కార్యక్రమం జరుగుతోంది. మోదీతో పాటు ఎంపీలు ఇందులో పాల్గొన్నారు.

మహిళా రిజర్వేషన్​ బిల్లు.. నేడు లోక్​సభ ముందుకు రానుందని సమాచారం. కాగా.. ఈ విషయంపై బుధవారం సభలో చర్చ జరుగుతుంది. 21న రాజ్యసభలో ఈ అంశంపై చర్చిస్తారు.

మరోవైపు ఇండియా- కెనడా బంధం మరింత బలహీనపడింది. ఖలిస్థానీ ఉగ్రవాది హర్దీప్​ సింగ్​ నిజ్జార్​ హత్య వెనుక భారత్​ హస్తం ఉందని ఆరోపించింది కెనడా. తమ దేశంలోని భారత సీనియర్​ దౌత్యవేత్తను బహిష్కరించింది. ఇందుకు బదులుగా.. ఇండియా కూడా.. దేశంలోని కెనడా సీనియర్​ దౌత్యవేత్తను బహిష్కరించింది.

నూతన పార్లమెంట్​ భవనంలో జరిగిన ఎంపీల ఫొటో సెషన్​ మధ్యలో బీజేపీ ఎంపీ నరహరి అమిన్​ స్పృహ తప్పి పడిపోయారు. అక్కడి వారు ఆయనకు మంచి నీళ్లు ఇచ్చారు. అనంతరం ఆయన ఫొటో సెషన్​లో పాల్గొన్నారు.

నూతన పార్లమెంట్​ భవనంలో ఎంపీల ఫొటో సెషన్​ జరిగింది. ప్రధాని మోదీతో పాటు ఉభయ సభల ఎంపీలు ఈ సెషన్​లో పాల్గొన్నారు. మరికొద్ది సేపట్లో నూతన పార్లమంట్​ భవనంలో ప్రత్యేక సమావేశాలు ప్రారంభమవుతాయి.

మహిళా రిజర్వేషన్​ బిల్లుపై మీడియా అడిగిన ప్రశ్నకు జవాబిచ్చారు కాంగ్రెస్​ మాజీ అధ్యక్షురాలు సోనియా గాంధీ. ‘ఈ బిల్లు మాది,’ అని అన్నారు.

మాజీ ప్రధాని రాజీవ్​ గాంధీ హయాంలో తొలిసారిగా ఈ మహిళా రిజర్వేషన్​ బిల్లు అంశం తెరపైకి వచ్చింది. 1989లో ఈ విషయంపై రాజ్యాంగాన్ని సవరించాలని తన అభిప్రాయాన్ని వ్యక్తం చేశారు రాజీవ్​ గాంధీ. రూరల్​, అర్బన్​ ఎన్నికల వ్యవస్థల్లో మహిళలకు మూడింట ఒకవంతు రిజర్వేషన్​ కల్పించే విధంగా ఈ బిల్లు ఉండాలని పేర్కొన్నారు. ఈ బిల్లు లోక్​సభలో గట్టెక్కినా.. రాజ్యసభలో మాత్రం ఆమోద ముద్రపడలేదు. పూర్తి వివరాల కోసం ఇక్కడ క్లిక్​ చేయండి.

ఈ మహిళా రిజర్వేషన్​ బిల్లు గట్టెక్కితే.. లోక్​సభతో పాటు అసెంబ్లీల్లో మహిళలకు 33శాతం రిజర్వేషన్​ లభిస్తుంది.

మహిళా రిజర్వేషన్​ బిల్లుకు కేంద్ర కేబినెట్​ ఆమోద ముద్ర వేసింది. ఈ సమావేశాల్లో ఇది పార్లమెంట్​ ముందుకు వస్తుందని సమాచారం.

పార్లమెంట్​ స్పెషల్​ సెషన్​ సోమవారం మొదలైంది. కాగా.. ఈ సమావేశం మంగళవారం నాడు నూతన భవనంలోకి అడుగుపెట్టనుంది. తొలుత.. నూతన భవనంలో ఎంపీల ఫొటో సెషన్​ ఉంటుంది. అనంతరం.. ప్రధాని మోదీ చేతిలో రాజ్యాంగాన్ని పట్టుకుని.. ఎంపీలను పార్లమెంట్​ లోపలికి తీసుకెళుతారని తెలుస్తోంది.