Parliament special session live : మహిళా రిజర్వేషన్ బిల్లుకు లోక్ సభ ఆమోదం-parliament special session live news today womens reservation bill pm modi latest updates ,జాతీయ - అంతర్జాతీయ న్యూస్
తెలుగు న్యూస్  /  National International  /  Parliament Special Session Live News Today Womens Reservation Bill Pm Modi Latest Updates

పార్లమెంట్​ ప్రత్యేక సమావేశాల లైవ్​ అప్డేట్స్​..

Parliament special session live : మహిళా రిజర్వేషన్ బిల్లుకు లోక్ సభ ఆమోదం

02:29 PM ISTSharath Chitturi
  • Share on Facebook
02:29 PM IST

Parliament special session live : పార్లమెంట్​ ప్రత్యేక సమావేశాల లైవ్​ అప్డేట్స్​ కోసం ఈ హెచ్​టీ తెలుగు పేజ్​ని ఫాలో అవ్వండి..

Wed, 20 Sep 202302:23 PM IST

Parliament special session live : మహిళా రిజర్వేషన్ బిల్లుకు లోక్ సభ ఆమోదం

మహిళా రిజర్వేషన్ బిల్లుకు లోక్ సభ బుధవారం ఆమోదం తెలిపింది. లోక్ సభ, రాష్ట్రాల అసెంబ్లీలలో మహిళలకు 33% రిజర్వేషన్ కల్పించే ఈ బిల్లుకు లోక్ సభలో 454 మంది సభ్యులు అనుకూలంగా ఓటేశారు. ఇద్దరు సభ్యులు మాత్రం సవరణలు కోరుతూ బిల్లును వ్యతిరేకించారు. 

Wed, 20 Sep 202302:18 PM IST

మహిళా రిజర్వేషన్ బిల్లుపై లోక్ సభలో కొనసాగుతున్న ఓటింగ్

మహిళా రిజర్వేషన్ బిల్లుపై లోక్ సభలో ఓటింగ్ కొనసాగుతోంది. వివిధ సబ్ క్లాజ్ లపై, సవరణలపై స్పీకర్ ఓం బిర్లా ఓటింగ్ నిర్వహిస్తున్నారు. 

Wed, 20 Sep 202302:12 PM IST

‘‘మీ దృష్టిలో మా విలువ ఆవుల కన్నా తక్కువా?’’ - కేంద్రంపై నిప్పులు చెరిగిన టీఎంసీ ఎంపీ మహువా

women's reservation bill: మహిళా రిజర్వేషన్ బిల్లుపై లోక్ సభలో జరిగిన చర్చలో పాల్గొన్న తృణమూల్ కాంగ్రెస్ ఎంపీ మహువా మొయిత్రా మోదీ ప్రభుత్వ ద్వంద్వ నీతిపై మండిపడ్డారు. మహిళలకు రిజర్వేషన్లను మరికొన్ని ఏళ్లు వాయిదా వేయడమే ఈ బిల్లు ఎజెండా అని నిప్పులు చెరిగారు.

Wed, 20 Sep 202308:36 AM IST

Women’s reservation bill: ‘నా భర్త కల’; మహిళా రిజర్వేషన్లపై సోనియా గాంధీ ఉద్వేగం

మహిళా రిజర్వేషన్ బిల్లుకు కాంగ్రెస్ పార్టీ మద్దతు ఇస్తుందని ఆ పార్టీ సీనియర్ నేత సోనియాగాంధీ స్పష్టం చేశారు. చట్టసభల్లో మహిళలకు రిజర్వేషన్ ఇవ్వాలన్నది తన భర్త, మాజీ ప్రధాని రాజీవ్ గాంధీ స్వప్నం అని ఆమె గుర్తు చేశారు.

Wed, 20 Sep 202305:22 AM IST

మహిళా రిజర్వేషన్ బిల్లుపై చర్చలో సోనియా గాంధీ ప్రసంగం

లోక్ సభ, రాష్ట్రాల అసెంబ్లీలలో మహిళలకు 33% రిజర్వేషన్లను కల్పించేందుకు ఉద్దేశించిన నారి శక్తి వందన్ అధినియం బిల్లుపై చర్చలో కాంగ్రెస్ సీనియర్ నాయకురాలు సోనియా గాంధీ పాల్గొననున్నారు. విపక్ష కాంగ్రెస్ వాదనను ఆమె నాయకత్వంలోనే వినిపించనున్నారు. 

Tue, 19 Sep 202312:50 PM IST

Old Parliament building name: పాత పార్లమెంటు భవనానికి ప్రధాని మోదీ పెట్టిన పేరేంటో తెలుసా?

ఇప్పటివరకు పార్లమెంటు ఉభయ సభల కార్యకలాపాలు జరిగిన భవనానికి ప్రధాని మోదీ కొత్త పేరు పెట్టారు. ఇకపై ఆ భవనాన్ని సంవిధాన్ సదన్ (Samvidhan Sadan -Constitution House - రాజ్యాంగ భవనం) గా సంబోధించాలని ఆయన సూచించారు.

Tue, 19 Sep 202309:21 AM IST

Women's Reservation Bill: ‘నాకు దేవుడిచ్చిన అవకాశం ఇది’- ప్రధాని మోదీ; ‘నారి శక్తి వందన్ అధినియం’గా నామకరణం

Women's Reservation Bill: మహిళా రిజర్వేషన్ బిల్లుపై నిర్ణయం తీసుకునే అవకాశం లభించడం తనకు దేవుడిచ్చిన అదృష్టమని ప్రధాని నరేంద్ర మోదీ వ్యాఖ్యానించారు. ‘నారి శక్తి వందన్ అధినియం’ (Nari Shakti Vandan Adhiniyam)గా ఈ బిల్లుకు నామకరణం చేశారు.

Tue, 19 Sep 202308:42 AM IST

ఈ రోజు 3 గంటలకు లోక్ సభలో మహిళా రిజర్వేషన్ బిల్లు

Women's Reservation Bill: ఎట్టకేలకు మహిళా రిజర్వేషన్ బిల్లుకు మోక్షం లభించనుంది. సెప్టెంబర్ 19, మంగళవారం మధ్యాహ్నం 3 గంటలకు మహిళా రిజర్వేషన్ బిల్లును లోక్ సభలో ప్రవేశ పెట్టనున్నారు. ఈ బిల్లుకు సోమవారం కేంద్ర కేబినెట్ ఆమోదం తెలిపింది.

Tue, 19 Sep 202307:46 AM IST

అధీర్​ రంజన్​ చేతిలో రాజ్యాంగం..

రాజ్యంగంతో కాంగ్రెస్​ ఎంపీలు నూతన పార్లమెంట్​ భవనంలోకి ప్రవేశించారు. రాజ్యాంగాన్ని చేతిలో పట్టుకుని నడిచారు లీడర్​ ఆఫ్​ అపొజీషన్​ అధీర్​ రంజన్​. కాంగ్రెస్​ సీనియర్​ నేత రాహుల్​ గాంధీ.. ఆయన వెనుకే నడిచారు.

Tue, 19 Sep 202307:28 AM IST

నూతన పార్లమెంట్​లోకి..

పాత పార్లమెంట్​లోని సెంట్రల్​ హాల్​లో కార్యక్రమం ముగిసింది. మోదీతో పాటు ఎంపీలందరు.. నూతన పార్లమెంట్​లోకి నడుచుకుంటూ వెళ్లారు.

Tue, 19 Sep 202307:27 AM IST

సంవిధాన్​ సధన్​

పాత పార్లమెంట్​ భవనానికి సంవిధాన్​ సదన్​ అన్న పేరు పెట్టాలను సూచించారు మోదీ.

Tue, 19 Sep 202306:52 AM IST

స్ఫూర్తిదాయకంగా ఉండాలి..

నూతన పార్లమెంట్​లో ఎంపీలను ఉద్దేశించి ప్రధాని మోదీ సుదీర్ఘ ప్రసంగం చేశారు. పార్లమెంట్​లో చేసే ప్రతి చట్టం.. భారతీయుల్లో స్ఫూర్తిని నింపే విధంగా ఉండాలని అన్నారు. భారతీయుల కలలను దృష్టిలో పెట్టుకుని సంస్కరణలు చేపట్టాలని తెలిపారు. 

Tue, 19 Sep 202306:27 AM IST

మోదీ ప్రసంగం..

పార్లమెంట్​ నూతన భవనంలో కార్యకలాపాలు మొదలైన సందర్భంగా.. ఎంపీలు, సిబ్బందికి శుభాకాంక్షలు తెలిపారు ప్రధాని మోదీ.

Tue, 19 Sep 202305:42 AM IST

సెంట్రల్​ హాల్​లో కార్యక్రమం..

ప్రస్తుతం.. నూతన పార్లమెంట్​ భవనంలోని సెంట్రల్​ హాల్​లో కార్యక్రమం జరుగుతోంది. మోదీతో పాటు ఎంపీలు ఇందులో పాల్గొన్నారు.

Tue, 19 Sep 202305:33 AM IST

లోక్​సభ ముందుకు మహిళా రిజర్వేషన్​ బిల్లు..

మహిళా రిజర్వేషన్​ బిల్లు.. నేడు లోక్​సభ ముందుకు రానుందని సమాచారం. కాగా.. ఈ విషయంపై బుధవారం సభలో చర్చ జరుగుతుంది. 21న రాజ్యసభలో ఈ అంశంపై చర్చిస్తారు.

Tue, 19 Sep 202305:20 AM IST

కెనడా దౌత్యవేత్త బహిష్కరణ..

మరోవైపు ఇండియా- కెనడా బంధం మరింత బలహీనపడింది. ఖలిస్థానీ ఉగ్రవాది హర్దీప్​ సింగ్​ నిజ్జార్​ హత్య వెనుక భారత్​ హస్తం ఉందని ఆరోపించింది కెనడా. తమ దేశంలోని భారత సీనియర్​ దౌత్యవేత్తను బహిష్కరించింది. ఇందుకు బదులుగా.. ఇండియా కూడా.. దేశంలోని కెనడా సీనియర్​ దౌత్యవేత్తను బహిష్కరించింది.

Tue, 19 Sep 202304:35 AM IST

స్పృహ తప్పి పడిపోయిన ఎంపీ..

నూతన పార్లమెంట్​ భవనంలో జరిగిన ఎంపీల ఫొటో సెషన్​ మధ్యలో బీజేపీ ఎంపీ నరహరి అమిన్​ స్పృహ తప్పి పడిపోయారు. అక్కడి వారు ఆయనకు మంచి నీళ్లు ఇచ్చారు. అనంతరం ఆయన ఫొటో సెషన్​లో పాల్గొన్నారు.

Tue, 19 Sep 202304:28 AM IST

ఎంపీల ఫొటో సెషన్​..

నూతన పార్లమెంట్​ భవనంలో ఎంపీల ఫొటో సెషన్​ జరిగింది. ప్రధాని మోదీతో పాటు ఉభయ సభల ఎంపీలు ఈ సెషన్​లో పాల్గొన్నారు. మరికొద్ది సేపట్లో నూతన పార్లమంట్​ భవనంలో ప్రత్యేక సమావేశాలు ప్రారంభమవుతాయి.

Tue, 19 Sep 202304:07 AM IST

'ఈ బిల్లు మాది..'

మహిళా రిజర్వేషన్​ బిల్లుపై మీడియా అడిగిన ప్రశ్నకు జవాబిచ్చారు కాంగ్రెస్​ మాజీ అధ్యక్షురాలు సోనియా గాంధీ. ‘ఈ బిల్లు మాది,’ అని అన్నారు.

Tue, 19 Sep 202303:51 AM IST

మహిళా రిజర్వేషన్​ బిల్లు చరిత్ర..

మాజీ ప్రధాని రాజీవ్​ గాంధీ హయాంలో తొలిసారిగా ఈ మహిళా రిజర్వేషన్​ బిల్లు అంశం తెరపైకి వచ్చింది. 1989లో ఈ విషయంపై రాజ్యాంగాన్ని సవరించాలని తన అభిప్రాయాన్ని వ్యక్తం చేశారు రాజీవ్​ గాంధీ. రూరల్​, అర్బన్​ ఎన్నికల వ్యవస్థల్లో మహిళలకు మూడింట ఒకవంతు రిజర్వేషన్​ కల్పించే విధంగా ఈ బిల్లు ఉండాలని పేర్కొన్నారు. ఈ బిల్లు లోక్​సభలో గట్టెక్కినా.. రాజ్యసభలో మాత్రం ఆమోద ముద్రపడలేదు. పూర్తి వివరాల కోసం ఇక్కడ క్లిక్​ చేయండి.

Tue, 19 Sep 202303:51 AM IST

బిల్లుతో ప్రయోజనం ఏంటి?

ఈ మహిళా రిజర్వేషన్​ బిల్లు గట్టెక్కితే.. లోక్​సభతో పాటు అసెంబ్లీల్లో మహిళలకు 33శాతం రిజర్వేషన్​ లభిస్తుంది.

Tue, 19 Sep 202303:50 AM IST

మహిళా రిజర్వేషన్​ బిల్లు..

మహిళా రిజర్వేషన్​ బిల్లుకు కేంద్ర కేబినెట్​ ఆమోద ముద్ర వేసింది. ఈ సమావేశాల్లో ఇది పార్లమెంట్​ ముందుకు వస్తుందని సమాచారం.

Tue, 19 Sep 202303:50 AM IST

కొత్త పార్లమెంట్​ భవనంలోకి ఎంపీలు..

పార్లమెంట్​ స్పెషల్​ సెషన్​ సోమవారం మొదలైంది. కాగా.. ఈ సమావేశం మంగళవారం నాడు నూతన భవనంలోకి అడుగుపెట్టనుంది. తొలుత.. నూతన భవనంలో ఎంపీల ఫొటో సెషన్​ ఉంటుంది. అనంతరం.. ప్రధాని మోదీ చేతిలో రాజ్యాంగాన్ని పట్టుకుని.. ఎంపీలను పార్లమెంట్​ లోపలికి తీసుకెళుతారని తెలుస్తోంది.