Nurse molested : బెంగాల్​ హాస్పిటల్​లో మరో దారుణం- నర్స్​పై రోగి లైంగిక దాడి!

కోల్​కతా వైద్యురాలి రేప్​, హత్య సంఘటనతో ఉక్కిరిబిక్కిరి అవుతున్న పశ్చిమ్​ బెంగాల్​లో మరో దారుణం చోటుచేసుకుంది. బీర్​భూమ్​లోని ఓ హాస్పిటల్​లో నైట్​షిఫ్ట్​లో ఉన్న ఓ నర్స్​పై ఓ రోగి లైంగిక దాడికి పాల్పడ్డాడు. పోలీసులు అతడిని అరెస్ట్​ చేశారు.

ఇదీ జరిగింది..

బీర్​భూమ్​లోని ఇలమ్​బజార్​ హెల్త్​ సెంటర్​లో శనివారం రాత్రి ఈ ఘటన జరిగింది. చికిత్స నిమిత్తం, నిందితుడు తన కుటుంబ సభ్యులతో కలిసి హాస్పిటల్​కి వెళ్లాడు. అక్కడ, నర్స్​తో అసభ్యకరంగా ప్రవర్తించాడు. తనకి సెలైన్​ ఎక్కిస్తుండగా నర్స్​ని పట్టుకున్నాడు.

ఎమర్జెన్సీ వార్డులో రోగికి సాయం చేస్తుండగా, అతను తన మీద లైంగిక దాడికి పాల్పడినట్టు నర్స్​ వెల్లడించింది.

"అతను నాతో అసభ్యకరంగా ప్రవర్తించాడు. వైద్యుడు చెప్పినవి నేను చేస్తుంటే, అతను నా ప్రైవేటు భాగాలను ముట్టుకున్నాడు. నన్ను అసభ్యకరంగా దూషించాడు," అని తనకు జరిగిన విషయాన్ని ఆ నర్స్​ వెల్లడించింది.

"హాస్పిటల్స్​లో భద్రత లేకపోవడంతో ఇలాంటి ఘటనలు జరుగుతున్నాయి. లేకపోతే కుటుంబ సభ్యుల సమక్షంలో, డ్యూటీలో ఉన్న నర్స్​తో ఒక రోగి ఈ విధంగా ఎలా ప్రవర్తించగలడు? అతడిని అడ్డుకునేందుకు కుటుంబ సభ్యులు కూడా ప్రయత్నించలేదు," అని నర్స్​ వివరించింది.

తాజా ఘటనతో హెల్త్​ కేర్​ సెంటర్​ వద్ద ఉద్రిక్త వాతావరణం నెలకొంది. హాస్పిటల్​ వర్గాలు పోలీసులకు సమాచారం ఇచ్చారు. ఘటనా స్థలానికి చేరుకున్న పోలీసులు, పూర్తి సమాచారాన్ని సేకరించి, నిందితుడిని అరెస్ట్​ చేశారు.

కోల్​కతా వైద్యురాలి హత్య కేసు దేశవ్యాప్తంగా సంచలనంగా మారడం, పని ప్రదేశాల్లో డాక్టర్లు, మరీ ముఖ్యంగా మహిళా వైద్యుల భద్రతపై ఆందోళన వ్యక్తమవుతున్న సమయంలో బెంగాల్​లో ఇలాంటి ఘటన వెలుగులోకి రావడం సర్వత్రా చర్చకు దారితీసింది. సమస్యకు పరిష్కారం ఏంటి? అనేది అన్ని వర్గాల వారు ఆలోచిస్తున్నారు.

ఇదీ చూడండి:- Rajasthan rape case : 5ఏళ్ల మనవరాలిపై వృద్ధుడి అత్యాచారం.. నిందితుడికి జీవిత ఖైదు

నైట్​ షిఫ్ట్స్​ అంటే భయం..

కోల్​కతా వైద్యురాలి రేప్​, హత్య నేపథ్యంలో ఐఎంఏ (ఇండియన్​ మెడికల్​అసోసియేషన్​) నిర్వహించిన అధ్యయనం, సర్వేలో పలు కీలక విషయాలు బయటకు వచ్చాయి. నేట్​ షిఫ్ట్స్​లో భద్రత కరువైందని ప్రతి మూడింట ఒక డాక్టర్​ అభిప్రాయపడ్డారు. వీరిలో మహిళలే అధికంగా ఉన్నారు. పరిస్థితి ఎంత దారుణంగా ఉందంటే, సొంత భద్రత కోసం ఆయుధాలు తీసుకెళ్లాల్సి వస్తుందేమో అని సర్వేలో పాల్గొన్న చాలా మంది వెల్లడించారు.

దేశవ్యాప్తంగా 22 రాష్ట్రాల్లోని 3,885 మందిపై ఈ సర్వే జరిగింది. ఇందులో పాల్గొన్న వారిలో చాలా మంది మహిళలే ఉన్నారు. సర్వేలో పాల్గొన్న వారిలో 85శాతం మంది 35ఏళ్ల వయస్సులోపు ఉన్నారు. 61శాతం మంది ఇంటర్న్స్​ లేదా పీజీ ట్రైనీలు. మొత్తం మీద 63శాతం మంది మహిళలు ఈ సర్వేలో పాల్గొన్నారు. ఐఎంఏ కేరళ ఛైర్మన్​ డా. రంజీవ్​ జయదేవన్​, ఆయన టీమ్​ ఈ సర్వేని కంపైల్​ చేసింది. ఐఎంఏ కేరళ మెడికల్​ జర్నల్​ అక్టోబర్​ 2024 అడిషన్​లో ఇది పబ్లీష్​ కానుంది. పూర్తి వివరాలను తెలుసుకునేందుకు ఇక్కడ క్లిక్​ చేయండి.