NHAI Recruitment 2024: ఎన్ హెచ్ ఏ ఐ లో డిప్యూటీ మేనేజర్ పోస్ట్ ల భర్తీ; అర్హత సివిల్ ఇంజనీరింగ్ లో ఉత్తీర్ణత
NHAI Recruitment 2024: డిప్యూటీ మేనేజర్ (Technical) పోస్టుల భర్తీకి నేషనల్ హైవేస్ అథారిటీ ఆఫ్ ఇండియా అర్హులైన అభ్యర్థుల నుంచి దరఖాస్తులను ఆహ్వానిస్తోంది. ఈ రిక్రూట్మెంట్ డ్రైవ్ ద్వారా మొత్తం 60 డిప్యూటీ మేనేజర్ పోస్ట్ లను భర్తీ చేయనున్నారు.
డిప్యూటీ మేనేజర్ (టెక్నికల్) పోస్టుల భర్తీకి నేషనల్ హైవేస్ అథారిటీ ఆఫ్ ఇండియా (NHAI) శనివారం నోటిఫికేషన్ జారీ చేసింది. ఆసక్తి, అర్హత ఉన్న అభ్యర్థులు ఎన్ హెచ్ ఏ ఐ అధికారిక వెబ్ సైట్ nhai.gov.in ద్వారా ఆన్ లైన్ లో ఫిబ్రవరి 15వ తేదీ వరకు అప్లై చేసుకోవచ్చు.
పూర్తి వివరాలు..
ఈ రిక్రూట్మెంట్ డ్రైవ్ ద్వారా మొత్తం 60 డిప్యూటీ మేనేజర్ (టెక్నికల్) పోస్ట్ లను భర్తీ చేస్తున్నారు. ఈ పోస్ట్ లకు అప్లై చేసే అభ్యర్థులు గుర్తింపు పొందిన విశ్వవిద్యాలయం / ఇన్ స్టిట్యూట్ నుండి సివిల్ ఇంజనీరింగ్ లో డిగ్రీ ఉత్తీర్ణులై ఉండాలి. అలాగే, అభ్యర్థులకు గరిష్ట వయోపరిమితి 30 ఏళ్లు. ఈ పోస్ట్ లకు అభ్యర్థులను యూపీఎస్సీ నిర్వహించే ఇంజనీరింగ్ సర్వీసెస్ (ఈఎస్) ఎగ్జామినేషన్ (సివిల్) 2023లో తుది మెరిట్ (రాత పరీక్ష & పర్సనాలిటీ టెస్ట్) ఆధారంగా ఎంపిక చేస్తారు.
ఇలా అప్లై చేయండి..
నేషనల్ హైవేస్ అథారిటీ ఆఫ్ ఇండియా (NHAI) లో డిప్యూటీ మేనేజర్ (టెక్నికల్) పోస్ట్ లకు కింది స్టెప్స్ ఫాలో కావడం ద్వారా అప్లై చేసుకోవచ్చు.
- ముందుగా నేషనల్ హైవేస్ అథారిటీ ఆఫ్ ఇండియా (NHAI) అధికారిక వెబ్సైట్ nhai.gov.in ను ఓపెన్ చేయాలి.
- హోమ్ పేజీలో కనిపించే, రిక్రూట్మెంట్ ట్యాబ్ పై క్లిక్ చేయండి.
- “Advertisement for the post of Deputy Manager (Technical) on Direct Recruitment basis.” లింక్ పై క్లిక్ చేయండి.
- కొత్త పేజీ ఓపెన్ అవుతుంది.
- అప్లికేషన్ ఫామ్ ను ఫిల్ చేయండి.
- అవసరమైన అన్ని డాక్యుమెంట్స్ ను అప్ లోడ్ చేయండి.
- అప్లికేషన్ ఫామ్ ను సబ్మిట్ చేయండి.
- భవిష్యత్తు రిఫరెన్స్ కొరకు అప్లికేషన్ ఫామ్ ను ప్రింట్ తీసుకోండి.