NEET UG 2024: నీట్ యూజీ 2024 రౌండ్ 2 సీట్ల కేటాయింపు ఫలితాలు వెల్లడి; ఇలా చెక్ చేసుకోండి..

మెడికల్ కౌన్సెలింగ్ కమిటీ, ఎంసీసీ నీట్ యూజీ 2024 రౌండ్ 2 సీట్ల కేటాయింపు ఫలితాలను తన అధికారిక వెబ్సైట్లో విడుదల చేసింది. పరీక్షకు హాజరై రౌండ్ 2 కౌన్సెలింగ్ కు రిజిస్టర్ చేసుకున్న అభ్యర్థులు ఎంసీసీ అధికారిక వెబ్ సైట్ mcc.nic.in ను సందర్శించి సీట్ల కేటాయింపు ఫలితాలను చెక్ చేసుకోవచ్చు.

ప్రొవిజినల్ రిజల్ట్స్

నీట్ యూజీ 2024 (neet ug) రౌండ్ 2 సీట్ల కేటాయింపునకు సంబంధించి ఇవి తాత్కాలిక ఫలితాలని, మార్పుకు లోబడి ఉంటాయని అభ్యర్థులకు తెలియజేశారు. ప్రొవిజనల్ రిజల్ట్ లో కేటాయించిన సీటుపై అభ్యర్థులు ఎలాంటి హక్కును క్లెయిమ్ చేయలేరని, నీట్ (neet) యూజీ 2024 రౌండ్ 2 సీట్ల కేటాయింపు ప్రొవిజనల్ రిజల్ట్ ను కోర్టులో సవాలు చేయలేమని తెలిపారు. ఎంసీసీ వెబ్సైట్ నుంచి కేటాయింపు లేఖను డౌన్ లోడ్ చేసుకున్న తర్వాతే అభ్యర్థులు తమకు కేటాయించిన కళాశాల/ఇన్స్టిట్యూట్ను సంప్రదించాలని సూచించింది.

తేడాలుంటే మెయిల్ చేయండి..

ఫలితాల్లో ఏదైనా తేడా ఉంటే, అభ్యర్థులు వెంటనే mccresultquery@gmail.com ఇమెయిల్ ద్వారా డిజిహెచ్ఎస్ ఎంసిసికి తెలియజేయవచ్చు. రౌండ్ 2 కోసం రిజిస్ట్రేషన్ ప్రక్రియ 2024 సెప్టెంబర్ 13న ప్రారంభమై 2024 సెప్టెంబర్ 16న ముగిసింది. 2024 సెప్టెంబర్ 6 నుంచి సెప్టెంబర్ 16 వరకు ఛాయిస్ ఫిల్లింగ్, లాకింగ్ సదుపాయం కల్పించారు.

నీట్ యూజీ 2024 రౌండ్ 2 సీట్ల కేటాయింపును ఎలా చెక్ చేయాలి

• ముందుగా ఎంసీసీ అధికారిక వెబ్సైట్ mcc.nic.in ను ఓపెన్ చేయండి.
• హోమ్ పేజీలో అందుబాటులో ఉన్న నీట్ యూజీ 2024 రౌండ్ 2 సీట్ల కేటాయింపు ఫలితాల లింక్ పై క్లిక్ చేయండి.
• లాగిన్ వివరాలు ఎంటర్ చేసి సబ్మిట్ పై క్లిక్ చేయాలి.
• మీ సీటు కేటాయింపు ఫలితం స్క్రీన్ పై కనిపిస్తుంది.
• సీటు కేటాయింపు ఫలితాన్ని చెక్ చేసి పేజీని డౌన్ లోడ్ చేసుకోండి.
• తదుపరి అవసరాల కోసం దాని హార్డ్ కాపీని ఉంచండి.