Patna crime news : స్కూల్​ డ్రైనేజ్​లో 4ఏళ్ల బాలుడి మృతదేహం.. నిరసనలతో తగలబడిన పాఠశాల!-missing 4 yr old boys body found inside drain of school in patna police ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Patna Crime News : స్కూల్​ డ్రైనేజ్​లో 4ఏళ్ల బాలుడి మృతదేహం.. నిరసనలతో తగలబడిన పాఠశాల!

Patna crime news : స్కూల్​ డ్రైనేజ్​లో 4ఏళ్ల బాలుడి మృతదేహం.. నిరసనలతో తగలబడిన పాఠశాల!

Sharath Chitturi HT Telugu
May 17, 2024 01:16 PM IST

Patna boy found dead : బిహార్​ పట్నాలో ఓ స్కూల్​ తగలబడింది! ఆ స్కూల్ ​ డ్రైనేజ్​లో ఓ బాలుడి మృతదేహం కనిపించడంతో.. అతని తల్లిదండ్రులు, స్థానికులు విధ్వంసం సృష్టించారు.

బాలుడి మృతదేహం కనిపించిన పాఠశాల..
బాలుడి మృతదేహం కనిపించిన పాఠశాల..

Body found inside drain of school : బిహార్​లో షాకింగ్​ ఘటన వెలుగులోకి వచ్చింది. అదృశ్యమైన ఓ బాలుడి మృతదేహం.. స్కూల్​ డ్రైనేజ్​లో కనిపించింది! ఈ ఘటన స్థానికంగా కలకలం సృష్టించగా.. నిరసనల్లో సంబంధిత పాఠశాల తగలబడింది.

ఇదీ జరిగింది..

బిహార్​ రాజధాని పట్నాలోని దిఘా అనే ప్రాంతంలో జరిగింది ఈ ఘటన. నాలుగేళ్ల బాలుడు.. దిఘా-పాల్సన్​ రోడ్డు సమీపంలో నివాసముంటాడు. ఎప్పటిలానే.. గురువారం ఉదయం స్కూల్​కి వెళ్లాడు. కానీ తిరిగిరాలేదు!

భయాందోళనకు గురైన బాలుడి తల్లిదండ్రులు.. స్కూల్​కి వెళ్లి వెతికారు. బాలుడు ఎక్కడా కనిపించలేదు. స్కూల్​ టీచర్లు, తోటి విద్యార్థులు, స్నేహితులను ప్రశ్నించారు. కానీ ఫలితం దక్కలేదు. ఇంతలో ఈ విషయం తెలుసుకున్న స్థానికులు సైతం.. బాలుడిని గాలించడం ప్రారంభించారు. ఫలితం దక్కకపోగా.. అందరు కలిసి పోలీసులకు ఫిర్యాదు చేశారు. ఘటనపై వెంటనే స్పందించిన పోలీసులు.. స్కూల్​తో పాటు పరిసర ప్రాంతాల్లో భారీ ఎత్తున గాలింపు చర్యలు చేపట్టారు.

Patna crime news : ఈ నేపథ్యంలో శుక్రవారం తెల్లవారుజామున 3 గంటల ప్రాంతంలో.. ఓ మృతదేహం, స్కూల్​ డ్రైనేజ్​లో కనిపించింది. బాలుడి తండ్రిని పోలీసులు పిలిపించారు. అది తమ బిడ్డేనని తండ్రి విలపించాడు.

ఉదయం అయ్యేసరికి.. స్కూల్​ డ్రైనేజ్​లో బాలుడి మృతదేహం దొరికిందన్న వార్త స్థానికంగా సంచలనం సృష్టించింది. బాధతో ఆగ్రహంతో ఊగిపోయిన తల్లిదండ్రులు, స్థానికులు.. దిఘా- పట్నా రోడ్డు, దిఘా- అషైనా రోడ్డులో విధ్వంసం సృష్టించారు. భారీ ఎత్తున్న ఆందోళనలు చేపట్టారు. ఫలితంగా ట్రాఫిక్​కు తీవ్ర అంతరాయం ఏర్పడింది. రోడ్డు మీద టైర్లను కాల్చారు. ఆ ప్రాంతంలో తీవ్ర ఉద్రిక్త వాతావరణం కనిపించింది.

అనంతరం.. సంబంధిత స్కూల్​కు వెళ్లారు నిరసనకారులు. స్కూల్​లో విధ్వంసం సృష్టించారు.

Digha school crime : మరోవైపు.. పోస్టుమార్టం కోసం బాలుడి మృతదేహాన్ని ఆసుపత్రికి తరరలించారు. రిపోర్టు కోసం ఎదురుచూస్తున్నట్టు వెల్లడించారు. ఈ ఘటనపై కిడ్నాప్​, మర్డర్​ కేసు నమోదు చేసుకున్నట్టు వివరించారు.

బాలుడిని ఎవరు చంపారు?

తమ కుటుంబం అంటే పడని వారే బాలుడిని చంపేశారని.. కుటుంబసభ్యులు చెపుతున్నారు.

"నా కొడుకు.. స్కూల్​లో చదువుకునేవాడు. స్కూల్​ పరిసరాల్లో ట్యూషన్​కి వెళ్లేవాడు. గురువారం ఉదయం 6 గంటలకు స్కూల్​కి వెళ్లిన అతను.. సాయంత్రం ఐదైనా తిరిగి రాలేదు. నా బిడ్డని ఎవరో చంపేశారు," అని 4ఏళ్ల బాలుడి తండ్రి వివరించారు.

మరోవైపు.. ఆ బాలుడు గురువారం అసలు స్కూల్​కే రాలేదని పాఠశాల సిబ్బంది చెబుతోంది. కానీ.. సీసీటీవీ ఫుటేజ్​ని పరిశీలించి పోలీసులు.. బాలుడు స్కూల్​కి వెళ్లినట్టు నిర్థరించారు. అయితే.. స్కూల్​ సిబ్బంది, 10 నిమిషాల ఫుటేజ్​ని టాంపర్​ చేసినట్టు అధికారులు చెప్పారు.

Latest crime news : "బాలుడు ఉదయం స్కూల్​కి వెళ్లాడు. మధ్యాహ్నం 12 గంటల వరకు స్కూల్​లోనే ఉన్నాడు. అక్కడి నుంచి ట్యూషన్​కి వెళ్లాడు. 2:30 వరకు అక్కడే ఉన్నాడు. ఆ తర్వాత జారుడుబండ మీద నుంచి పడ్డాడు. అతని తలకి గాయమైంది. స్పృహ కోల్పోయాడు. స్కూల్​ డైరక్టర్​- ప్రిన్సిపల్​ కొడుకు.. బాలుడిని చూశాడు. అతడిని మోసుకెళ్లి క్లాస్​రూమ్​కు సమీపంలోని డ్రైనేజ్​లో పడేశాడు. బాలుడికి గాయాలవ్వడం.. సీసీటీవీ ఫుటేజ్​లో కనిపించింది," అని పోలీసులు వెల్లడించారు.

ప్రిన్సిపల్​తో పాటు ఆమె కుమారుడిని అదుపులోకి తీసుకున్నట్టు, విచారణ కొనసాగుతున్నట్టు అధికారులు వెల్లడించారు.

టీ20 వరల్డ్ కప్ 2024

సంబంధిత కథనం