2 గంటల్లో 8సార్లు కాల్స్.. అంబానీ కుటుంబానికి బెదిరింపులు.!
Death threat to Mukesh Ambani : ముకేశ్ అంబానీ కుటుంబానికి తాజాగా బెదిరింపులు వచ్చాయి. 2 గంటల్లో 8సార్లు కాల్స్ చేసి మరీ నిందితుడు బెదిరించాడు.
Death threat to Mukesh Ambani : భారత దేశ దిగ్గజ వ్యాపారవేత్త ముకేశ్ అంబానీ కుటుంబానికి మరోమారు బెదిరింపులు వచ్చాయి. ఇందుకు సంబంధించి.. ఓ వ్యక్తిని పోలీసులు అరెస్ట్ చేశారు. 2 గంటల్లో 8సార్లు కాల్స్ చేసి.. ముకేష్ అంబానీని ఆ వ్యక్తి బెదిరించినట్టు తెలుస్తోంది.
ట్రెండింగ్ వార్తలు
దక్షిణ ముంబైలో జ్యువెలరీ వ్యాపారిగా ఉన్న విష్ణు భౌమిక్.. తన పేరును అఫ్జల్గా మార్చుకుని.. రిలయన్స్కు చెందిన హర్షిసందాస్ ఆసుపత్రికి సోమవారం 8సార్లు కాల్స్ చేశాడు.
56ఏళ్ల భౌమిక్.. బెదిరింపులకు పాల్పడిన సమయంలో ధీరూభాయ్ అంబానీ పేరును కూడా ప్రస్తావించినట్టు తెలుస్తోంది.
దాహిసార్ ప్రాంతానికి చెందిన భౌమిక్ను పోలీసులు అరెస్ట్ చేశారు. అతనిపై ఐపీసీ 506(2) కింద కేసు నమోదు చేసుకుని విచారణ చేపట్టారు. ఈ వ్యవహారంపై పలు కేంద్ర సంస్థలు సైతం స్థానిక అధికారుల నుంచి వివరణ కోరినట్టు తెలుస్తోంది.
"నిందితుడు ముకేశ్ అంబానీని హత్య చేస్తానని బెదిరించాడు. దుర్భాషలాడాడు. అతడిని అరెస్ట్ చేశాము," అని డీసీపీ నిలోట్పల్ ఇండియా టుడేకు చెప్పారు.
ఘటనపై పోలీసులు దర్యాప్తును ముమ్మరం చేశారు.
ముకేశ్ అంబానీ కుటుంబానికి బెదిరింపులు.. ఈ మధ్యకాలంలో పెరిగిపోయాయి. గత ఫిబ్రవరిలోనే.. పేలుడు పదార్థాలతో కూడిన ఓ వాహనాన్ని ముకేశ్ అంబానీ నివాసం 'అంటిల'కు అత్యంత సమీపంలో కనిపించింది. ఈ ఘటనకు సంబంధించి పలువురిని పోలీసులు అరెస్ట్ చేశారు. వీరిలో పోలీసు అధికారులు ఉండటం గమనార్హం.
సంబంధిత కథనం