Mumbai rape case : పెళ్లి సాకుతో.. మహిళపై ఏడాదిగా అత్యాచారం!

Mumbai rape case : మహారాష్ట్రలో ఓ మహిళపై ఏడాది పాటు అత్యాచారం జరిగింది! పెళ్లి చేసుకుంటానని చెప్పి.. నిందితుడు ఆమెను లొంగదీసుకున్నాడు. చివరికి ఆమెను వదిలించుకునే ప్రయత్నం చేశాడు. పోలీసులు అతడిని అరెస్ట్​ చేసి కోర్టులో హాజరుపరిచారు.

ఏడాదిగా.. అత్యాచారం..!

ముంబైకి చెందిన ఓ 21ఏళ్ల మహిళకు బ్రిజేష్​ పాల్​తో కొన్నేళ్ల క్రితం పరిచయమైంది. ఆమెను పెళ్లి చేసుకుంటానని హామీనిచ్చి.. ఆ మహిళను లొంగదీసుకున్నాడు 22ఏళ్ల నిందితుడు. పెళ్లి ప్రస్తావన తీసుకొచ్చినప్పుడల్లా గొడవ పడే వాడు. చివరికి పెళ్లి చేసుకోనని తేల్చిచెప్పాడు.

Mumbai crime news : "నన్ను పెళ్లి చేసుకుంటానని హామీనిచ్చాడు. నన్ను లైంగికంగా లొంగదీసుకున్నాడు. చివరికి పెళ్లి చేసుకోనని తేల్చేశాడు. నాపై ఏడాదిగా అత్యాచారానికి పాల్పడుతూ వచ్చాడు. నా దగ్గర వేరే ఆప్షన్​ లేదు. అందుకే పోలీసులను ఆశ్రయించాను," అని బాధితురాలు తన ఫిర్యాదులో పేర్కొంది.

ఘటనపై సెక్షన్​ 376 కింద కేసు నమోదు చేసుకున్న దిదోసి పోలీస్​ స్టేషన్​ అధికారులు.. బ్రిజేష్​ పాల్​ను శుక్రవారం అరెస్ట్​ చేశారు. స్థానిక కోర్టులో హాజరుపరచి.. కస్టడీలోకి తీసుకున్నారు. ఘటనపై దర్యాప్తు చేపట్టి.. బాధితురాలికి న్యాయం చేస్తామని పోలీసులు హామీనిచ్చారు.

ఐదేళ్లుగా..

Uttar Pradesh crime news : దేశంలో మహిళపై అత్యాచారాలు, నేరాల ఘటనలు రోజురోజుకు పెరిగిపోతున్నాయి. ముఖ్యంగా.. పెళ్లి సాకుతో వారిని లొంగదీసుకుని చివరికి వదిలించుకుంటున్నారు కొందరు నిందితులు. తాజాగా.. ఉత్తర్​ ప్రదేశ్​లోనూ ఇదే తరహా ఘటన ఒకటి వెలుగులోకి వచ్చింది. పెళ్లి సాకుతో ఐదేళ్లుగా ఓ మహిళపై అత్యాచారానికి పాల్పడుతూ వచ్చాడు ఓ వ్యక్తి! చివరికి జైలు పాలయ్యాడు.

బాల్లియ ప్రాంతంలో నివాసముండే ఓ 24ఏళ్ల మహిళకు నిందితుడితో కొన్నేళ్ల క్రితం పరిచయం ఏర్పడింది. పెళ్లి చేసుకుంటానని ఐదేళ్ల క్రితం.. ఆ మహిళను లొంగదీసుకున్నాడు. పెళ్లి మాత్రం చేసుకోలేదు. చివరికి.. పెళ్లి చేసుకోనని తేల్చేశాడు. మహిళని దూషించాడు. చంపేస్తానని బెదిరించాడు. ఈ క్రమంలోనే మహిళ.. పోలీసులను ఆశ్రయించింది. తనపై నిందితుడు ఐదేళ్లుగా అత్యాచారానికి పాల్పడుతున్నట్టు వెల్లడించింది.

Uttar Pradesh man rapes woman on pretext of marriage : ఘటనపై కేసు నమోదు చేసుకున్న పోలీసులు.. నిందితుడిని వెంటనే పట్టుకున్నారు. అతడిని అరెస్ట్​ చేసి జైలుకు తరలించారు. అతడిపై వివిధ సెక్షన్ల కింద కేసు నమోదు చేసుకున్నారు. బాధితురాలిని ఆసుపత్రికి తరలించి, వైద్య పరీక్షలు నిర్వహించారు. రిపోర్టు అందిన తర్వాత.. కేసులో తదుపరి చర్యలు చేపడతామని అధికారులు స్పష్టం చేశారు.