Gujarat road accident : ఘోర రోడ్డు ప్రమాదం.. 9మంది మృతి!-major road accident in gujarat navsari 9 killed 32 wounded
Telugu News  /  National International  /  Major Road Accident In Gujarat Navsari, 9 Killed, 32 Wounded
ప్రమాదంలో నుజ్జునుజ్జు అయిన బస్సు ముందు భాగం..
ప్రమాదంలో నుజ్జునుజ్జు అయిన బస్సు ముందు భాగం..

Gujarat road accident : ఘోర రోడ్డు ప్రమాదం.. 9మంది మృతి!

31 December 2022, 8:46 ISTChitturi Eswara Karthikeya Sharath
31 December 2022, 8:46 IST

Gujarat road accident : గుజరాత్​లో జరిగిన రోడ్డు ప్రమాదంలో 9మంది మరణించారు. బస్సు- ఎస్​యూవీ ఢీకొట్టుకోవడంతో ఈ ఘటన జరిగినట్టు తెలుస్తోంది.

Navsari road accident today : గుజరాత్​లో ఘోర రోడ్డు ప్రమాదం చోటుచేసుకుంది. నవ్​సారి జిల్లాలోని అహ్మదాబాద్​- ముంబై హైవేపై ఓ బస్సు- ఎస్​యూవీ ఢీకొన్నాయి. శనివారం తెల్లవారుజామున జరిగిన ఈ ఘటనలో 9మంది ప్రాణాలు కోల్పోయారు. 32మంది గాయపడినట్టు తెలుస్తోంది.

ఘటనాస్థలానికి చేరుకున్న పోలీసులు, స్థానికులు సహాయక చర్యలను చేపట్టారు. ఈ నేపథ్యంలో క్షతగాత్రులను అంబులెన్స్​ల ద్వారా ఆసుపత్రికి తరలించారు.

Gujarat Road accident news today : అడిషనల్​ డిస్ట్రిక్ట్​ కలెక్టర్​ కేతన్​ జోషి ప్రకారం.. రోడ్డు ప్రమాదంలో 32మంది గాయపడ్డారు. వీరిలో 17మందిని వాల్సద్​లోని ఆసుపత్రికి, మరో 14మందిని నవ్​సారిలోని హాస్పిటల్​కు తరలించారు. మిగిలిన వారికి సూరత్​లో చికిత్స అందిస్తున్నారు. ఘటనాస్థలం నుంచి పోలీసులు 9 మృతదేహాలను స్వాధీనం చేసుకున్నారు. పోస్టుమార్టం కోసం వాటిని ఆసుపత్రికి తరలించారు.

ఘటన జరిగిన సమయంలో ఫార్చ్యూనర్​ ఎస్​యూవీలో 9మంది ఉన్నారు. వీరందరు.. అంక్లేశ్వర్​కు చెందిన ఓ కంపెనీలో పనిచేస్తున్నారు. మరోవైపు.. ప్రమాదానికు గురైన బస్సు అహ్మదాబాద్​ నుంచి వాల్సద్​కు వెళ్లాల్సి ఉంది.

రోడ్డు ప్రమాదనికి గల కారణాలు ఇంకా తెలియలేదు. అయితే.. ఎస్​యూవీ రాంగ్​ రూట్​లో వస్తున్నట్టు.. తొలుత డివైడర్​ను ఢీకొట్టిన అనంతరం బస్సును తాకినట్టు తెలుస్తోంది. డ్రైవర్​ నిద్రమత్తులో ఉండటమే ప్రమాదానికి ప్రధాన కారణమని సమాచారం.

ఘటనపై దర్యాప్తు చేపట్టిన పోలీసులు వెల్లడించారు. కాగా రోడ్డు ప్రమాదంలో కారు నుజ్జునుజ్జు అయ్యింది. గుర్తుపట్టేలని స్థితికి చేరింది. బస్సు ముందు భాగం ధ్వంసమైంది.

సంబంధిత కథనం

టాపిక్