Maharashtra road accident : రోడ్డు ప్రమాదంలో 10మంది దుర్మరణం.. షిరిడీకి వెళుతూ!-maharashtra road accident 10 dead as bus collides with truck in nashik district ,జాతీయ - అంతర్జాతీయ న్యూస్
తెలుగు న్యూస్  /  National International  /  Maharashtra Road Accident 10 Dead As Bus Collides With Truck In Nashik District

Maharashtra road accident : రోడ్డు ప్రమాదంలో 10మంది దుర్మరణం.. షిరిడీకి వెళుతూ!

Chitturi Eswara Karthikeya Sharath HT Telugu
Jan 13, 2023 10:34 AM IST

Maharashtra road accident : షిరిడీ సాయి బాబా దర్శనానికి బయలుదేరిన ఓ బస్సు.. ఘోర రోడ్డు ప్రమాదానికి గురైంది. వేగంగా వెళ్లి ఓ లారీని ఢీకొట్టింది. ఈ ఘటనలో 10మంది ప్రాణాలు కోల్పోయారు. మృతుల సంఖ్య మరింత పెరిగే అవకాశం ఉంది.

మహారాష్ట్రలో రోడ్డు ప్రమాదం
మహారాష్ట్రలో రోడ్డు ప్రమాదం

Maharashtra road accident : మహారాష్ట్రలో ఘోర రోడ్డు ప్రమాదం జరిగింది. షిరిడీ సాయి బాబా దర్శనం కోసం వెళుతున్న ఓ బస్సు.. ఓ లారీని ఢీకొట్టింది. నాసిక్​ జిల్లాలో జరిగిన ఈ ఘటనలో 10మంది మరణించారు. మృతుల సంఖ్య ఇంకా పెరిగే అవకాశం ఉంది.

ట్రెండింగ్ వార్తలు

ఇదీ జరిగింది..

ఠాణే జిల్లా అంబేర్​నాథ్​ ప్రాంతం నుంచి ఓ లగ్జరీ బస్సు.. సాయి బాబా భక్తులతో బయలు దేరింది. ఈ బస్సు షిరిడీ వెళ్లాల్సి ఉంది. కాగా.. శుక్రవారం ఉదయం 7 గంటల సమయంలో.. ముంబైకు 180 కి.మీల దూరం, నాసిక్​ శిన్నార్​ తాలూకా పథారే షివర్​ ప్రాంతంలో ఓ లారీని ఢీకొట్టింది. ఈ ప్రాంతం.. షిరిడీ నుంచి 20 కి.మీల దూరంల ఉంది. ఈ ఘటనలో ఏడుగురు మహిళలు, ఇద్దరు చిన్నారులు, ఓ పురుషుడు ప్రాణాలు కోల్పోయారు. అనేక మంది గాయపడ్డారు. వీరిలో పలువురి పరిస్థితి విషమంగా ఉన్నట్టు తెలుస్తోంది.

Nashik Shirdi highway Road accident today : ఘటనాస్థలానికి చేరుకున్న స్థానికులు, పోలీసులు.. సహాయక చర్యలను ముమ్మరం చేశారు. క్షతగాత్రులను శిన్నార్​ రూరల్​ హాస్పిటల్​కు, యశ్వంత్​ హాస్పిటల్​కు తరలించారు.

రోడ్డు ప్రమాదంపై.. సీఎం దిగ్భ్రాంతి

ఈ ఘటనపై మహారాష్ట్ర ముఖ్యమంత్రి ఏక్​నాథ్​ శిండే దిగ్భ్రాంతి వ్యక్తం చేశారు. మృతుల కుటుంబాలకు సానుభూతి ప్రకటించారు. మృతుల కుటుంబాలకు రూ. 5లక్షల ఎక్స్​గ్రేషియా ఇస్తున్నట్టు ప్రకటించారు. క్షతగాత్రులు త్వరగా కోలుకోవాలని ప్రార్థిస్తున్నట్టు స్పష్టం చేశారు. ఘటన ఎలా జరిగిందన్న విషయంపై దర్యాప్తు చేపట్టాలని అధికారులకు ఆదేశాలిచ్చినట్టు వెల్లడించారు ఏక్​నాథ్​ శిండే.

ఈ ఘటనపై మరింత సమాచారం అందాల్సి ఉంది.

WhatsApp channel

సంబంధిత కథనం