Crime | 30ఏళ్ల వ్యక్తి అత్యాచారంతో.. 13ఏళ్లకే గర్భం దాల్చిన బాలిక

Maharastra crime news | మహారాష్ట్రలో దారుణ ఘటన వెలుగులోకి వచ్చింది. 13ఏళ్ల బాలికపై ఓ కిరాతకుడు పలుమార్లు అత్యాచారానికి పాల్పడ్డాడు. ఫలితంగా బాధితురాలు గర్భం దాల్చింది.

ఎవరు లేని సమయంలో..

మహారాష్ట్ర ఠాణెలో వెలుగులోకి వచ్చింది ఈ ఘటన. గోద్​బుందర్​ రోడ్డులోని ఓ కుటుంబం.. మూడేళ్ల క్రితం ఓ వ్యక్తిని పనిలో పెట్టుకుంది. పనిలో చేరిన ఆ 30ఏళ్ల వ్యక్తికి.. కుటుంబంలోని బాలికపై కన్నుపడింది. ఇంట్లో ఒంటరిగా ఉన్నప్పుడల్లా.. ఆమెపై అఘాయిత్యానికి పాల్పడటం మొదలుపెట్టాడు. ఎవరికైనా చెబితే.. చంపేస్తానని బెదిరించాడు. ఫలితంగా బాలిక ఎవరికి చెప్పాలేదు.

కాగా.. ఇటీవలే బాలికకు కడుపులో నొప్పి ఎక్కువైంది. ఆ విషయాన్ని తన తల్లిదండ్రులకు చెప్పింది. కొన్ని రోజులకు ఆమెను ఆసుపత్రికి తీసుకెళ్లి పరీక్షలు చేయించారు. అప్పుడే అసలు విషయం బయటపడింది. ఆ 13ఏళ్ల బాలిక గర్భం దాల్చినట్టు తల్లిదండ్రులకు తెలిసింది. జరిగిన విషయాన్ని, బాలిక తన తల్లిదండ్రులకు వివరించింది.

ఘటనను తీవ్రంగా పరిగణించిన తల్లిదండ్రులు.. నిందితుడు గురించి కసర్​వాడావాలీ పోలీస్​ స్టేషన్​లో ఫిర్యాదు చేశారు. పోలీసులు కేసు నమోదు చేసుకున్నారు. కానీ ఇంకా నిందితుడును అరెస్ట్​ చేయలేదని సమాచారం.