JEE Main 2024 correction window: జేఈఈ మెయిన్ కరెక్షన్ విండో ఓపెన్; చెక్ చేసుకోండి; రేపటి వరకే చాన్స్..-jee main 2024 correction window opens on jeemain nta ac in heres what allowed ,జాతీయ - అంతర్జాతీయ న్యూస్
తెలుగు న్యూస్  /  National International  /  Jee Main 2024 Correction Window Opens On Jeemain.nta.ac.in, Here's What Allowed

JEE Main 2024 correction window: జేఈఈ మెయిన్ కరెక్షన్ విండో ఓపెన్; చెక్ చేసుకోండి; రేపటి వరకే చాన్స్..

HT Telugu Desk HT Telugu
Dec 07, 2023 10:29 AM IST

JEE Main 2024 correction window: జేఈఈ మెయిన్ 2024 కి దరఖాస్తు చేసుకున్న విద్యార్థులు తమ అప్లికేషన్లో ఏవైనా మార్పులు చేసుకోవాలనుకుంటే, వారికి రేపటి వరకు మాత్రమే అవకాశం ఉంది. jeemain.nta.ac.in కు లాగిన్ అయి కరెక్షన్స్ చేసుకోవచ్చు.

ప్రతీకాత్మక చిత్రం
ప్రతీకాత్మక చిత్రం

JEE Main 2024 correction window: జాయింట్ ఎంట్రన్స్ ఎగ్జామినేషన్ (JEE) మెయిన్స్ 2024 సెషన్ 1 అప్లికేషన్ ఫారమ్ కరెక్షన్ విండో ఓపెన్ అయింది. తమ అప్లికేషన్‌లలో మార్పులు చేసుకోవాలనుకునే విద్యార్థులు jeemain.nta.ac.inకి లాగిన్ చేసి అవసరమైన మార్పులు చేసుకోవచ్చు. ఈ కరెక్షన్ విండో డిసెంబర్ 8, రాత్రి 11:50. గంటల వరకు మాత్రమే ఓపెన్ ఉంటుంది.

ట్రెండింగ్ వార్తలు

నేషనల్ టెస్టింగ్ ఏజెన్సీ

జేఈఈ మెయిన్ పరీక్షను నేషనల్ టెస్టింగ్ ఏజెన్సీ (NTA) నిర్వహిస్తుంది. “జేఈఈ మెయిన్ 2024 సెషన్ 1 పరీక్ష కోసం అప్లై చేసుకున్న విద్యార్థులు అధికారిక వెబ్ సైట్ https://jeemain.nta.ac.in ను సందర్శించి, వారి వివరాలను సరి చూసుకోవాలని ఎన్టీఏ (NTA) సూచించింది. అవసరమైతే, వారి దరఖాస్తు ఫారమ్‌లోని వివరాలలో మార్పులు చేసుకోవచ్చని తెలిపింది. డిసెంబర్ 8, రాత్రి 11:50. గంటల తరువాత ఈ అవకాశం ఉండదని స్పష్టం చేసింది. అదనపు ఫీజు ఏదైనా చెల్లించాల్సి ఉంటే, ఆన్ లైన్ లో క్రెడిట్ కార్డ్, డెబిట్ కార్డ్, నెట్ బ్యాంకింగ్, యూపీఐ ల ద్వారా చేసుకోవచ్చని వివరించింది.

జనవరి లో పరీక్ష

JEE మెయిన్ 2024 సెషన్ 1 పరీక్ష జనవరి 24 నుంచి ఫిబ్రవరి 1 వరకు జరుగుతుంది. ఈ పరీక్షలో అర్హత సాధించిన విద్యార్థులు దేశవ్యాప్తంగా ఉన్న NITలు, IIITలు, ఇతర ప్రముఖ ఇంజనీరింగ్ కళాశాలల్లో ప్రవేశానికి దరఖాస్తు చేసుకోవచ్చు. అలాగే, ఈ పరీక్ష IIT JEE అడ్వాన్స్‌డ్ పరీక్షకు అభ్యర్థులను షార్ట్‌లిస్ట్ చేస్తుంది.

WhatsApp channel