Aditya L1 launch : ఆదిత్య ఎల్​1 లాంచ్​ సక్సెస్​.. నింగిలోకి పీఎస్​ఎల్​వీ రాకెట్

Aditya L1 launch : ఆదిత్య ఎల్​1 మిషన్​ను విజయవంతంగా ప్రయోగించింది ఇస్రో (భారత అంతరిక్ష పరిశోధన సంస్థ). ఆదిత్య ఎల్​1ను మోసుకెళుతున్న పీఎస్​ఎల్​వీ రాకెట్​.. శనివారం ఉదయం 11 గంటల 50 నిమిషాలకు శ్రీహరికోట నుంచి నింగిలోకి ఎగిరింది. వందలాది మంది ఔత్సాహికులు.. శ్రీహరికోటకు తరలివెళ్లి, ఆదిత్య ఎల్​1 లాంచ్​ను లైవ్​లో వీక్షించారు.

ఇస్రో తొలి సౌర ప్రాజెక్ట్​ ఇదే..!

చంద్రయాన్​-3 తర్వాత ఇస్రో అత్యంత ప్రతిష్ఠాత్మకంగా చేపట్టిన ప్రాజెక్ట్​.. ఈ ఆదిత్య ఎల్​1. అంతేకాకుండా.. సూర్యుడి గురించి పరిశోధనలకు ఇస్రో చేపట్టిన తొలి మిషన్​ కూడా ఇదే కావడం ఇవేషం. చంద్రుడిపై సక్సెస్​ఫుల్​గా ల్యాండ్​ అయిన నాలుగో దేశంగా ఇండియాను నిలిపిన ఇస్రో.. నూతన ఉత్తేజంతో ఈ సోలార్​ మిషన్​ లాంచ్​ను పూర్తిచేసింది.

Aditya L1 mission : ఈ ఆదిత్య ఎల్​1.. భూమి నుంచి 1.5 మిలియన్​ కిలోమీటర్లు ప్రయాణించి, లాగ్రేజియన్​ పాయింట్​ 1(ఎల్​1) వద్దకు చేరుకుంటుంది. ఇందుకు దాదాపు 4 నెలల సమయం పడుతుందని ఇస్రో వెల్లడించింది. అయితే ఎల్​1 పాయింట్​కు చేరుకోవడం అంత సులభం కాదు. ఈ టాస్క్​ను పూర్తి చేసేందుకు లిక్విడ్​ అపోజీ మోటార్​ (ఎల్​ఏఎం)ను రూపొందించింది ఇస్రోకు చెందిన లిక్విడ్​ ప్రొపల్షన్​ సిస్టెమ్​ సెంటర్ విభాగం​.

ఈ మిషన్​ ప్రధాన లక్ష్యాలను ఇస్రో ప్రకటించింది. కొరొనల్​ హీటింగ్​, సౌర మంటలు, కొరొనల్​ మాస్​ ఇజెక్షన్స్​, సౌర గాలులు, భూమికి సమీపంలోని అంతరిక్ష వాతావరణ వంటి వాటిపై పూర్తిస్థాయిలో పరిశోధనలు జరుపుతుంది ఆదిత్య ఎల్​-1.

ఇదీ చూడండి:- Chandrayaan-3: చంద్రుడిపై విక్రమ్ ల్యాండర్ మరో కీలక ఆవిష్కరణ; భూమిపై మాదిరిగానే.

ఈ ఆదిత్య ఎల్​1లో 7 పేలోడ్స్​ ఉంటాయి. వీటిల్లో విజిబుల్​ ఎమిషన్​ లైన్​ కొరొనాగ్రఫీ ఒకటి. నిర్దేశిత కక్ష్యలోకి చేరుకున్న అనంతరం.. ఇది భూమికి, రోజుకు 1440 ఇమేజ్​లను పంపిస్తుంది. మొత్తం 7 పేలోడ్స్​లో నాలుగింటింటి సూర్యుడి ఖాంతిని అబ్సర్వ్​ చేసేందుకు వినియోగిస్తోంది ఇస్రో. మరో మూడింటినీ ప్లాస్మా, మాగ్నెటిక్​ ఫీల్డ్స్​ వంటి వాటిపై పరిశోధనల కోసం వాడుతోంది.

ISRO Aditya L1 : ఆదిత్య ఎల్​1 జీవితకాలం ఐదేళ్లని తెలుస్తోంది. అప్పటివరకు భూమికి ఫొటోలు పంపుతూ ఉంటుంది. అయితే.. ఇంధనం ఖర్చు చేసే ఆధారంగా ఇది 5ఏళ్ల కన్నా ఎక్కువ కాలం కూడా పనిచేసే అవకాశం ఉంటుంది.