Internet shutdown in India : ‘ఇంటర్నెట్ షట్డౌన్’- భారత్లోనే అధికం!
Internet shutdown in India : ‘ఇంటర్నెట్ షట్డౌన్’ ఘటనలు ప్రపంచవ్యాప్తంగా పోల్చుకుంటే.. ఇండియాలోనే అధికం! ఈ విషయం ఓ నివేదికలో బయటపడింది.
Internet shutdown in India : హింసలు, ఉద్రిక్త వాతావరణం నెలకొన్న ప్రాంతాల్లో ఇంటర్నెట్ను నిషేధించడం, పరిస్థితులు అదుపులోకి వచ్చేంతవరకు అంతర్జాలంపై ఆంక్షలు విధించడం ప్రభుత్వాలకు సాధారమైన విషయమే. దేశంలోనే కాకుండా.. ప్రపంచవ్యాప్తంగా ప్రభుత్వాలు ఇలా చేస్తూ ఉంటాయి. అయితే.. ఇండియాలో ఇది కాస్త ఎక్కువే! 2022 తొలి ఆరు నెలల్లో.. ఇంటర్నెట్పై ఎక్కువసార్లు నిషేధం విధించిన దేశాల్లో ఇండియా టాప్లో ఉన్నట్టు ఓ నివేదిక పేర్కొంది.
ట్రెండింగ్ వార్తలు
ఈ జాబితాలో ఉన్న తొలి 10 దేశాల్లో.. ఇండియాలోనే 85శాతం 'ఇంటర్నెట్ షట్డౌన్'లు నమోదయ్యాయి. ఈ మేరకు నెట్బ్లాక్స్ అనే సంస్థ ఈ నివేదికను పబ్లీష్ చేసింది. సెన్సార్షిప్ ఎక్కువగా ఉన్న దేశాలు ఆసియాలోనే అధికం అని వివరించింది.
ఇక భారత్లోని జమ్ముకశ్మీర్లో అత్యధిక 'ఇంటర్నెట్ షట్డౌన్'లు నమోదయ్యాయి. జూన్ 17న బిహార్లోని అనేక ప్రాంతాల్లో అంతర్జాల సేవలు నిలిచిపోయాయి. అగ్నిపథ్ పథకానికి వ్యతిరేకంగా సాగుతున్న నిరసనలను అణచివేసేందుకు ప్రభుత్వం ఈ అస్త్రాన్ని ప్రయోగించిందని నివేదిక పేర్కొంది. అంతేకాకుండా.. ఈ ఏడాది తొలి భాగంలో దేశవ్యాప్తంగా మతపరమైన ఉద్రిక్తతలు ఎక్కువగా వెలుగులోకి వచ్చాయి. ఆయా సందర్భాల్లో అనేక ప్రాంతాల్లో ఇంటర్నెట్ షట్డౌన్ జరిగింది.
కాగా.. ఇంటర్నెట్ షట్డౌన్లు తగ్గినట్టు నివేదిక పేర్కొంది. 2021లోని తొలి ఆరు నెలలతో పోల్చుకుంటే.. ఈసారి.. జాబితాలోని తొలి 10 దేశాల్లో ఇంటర్నెట్పై షట్డౌన్ ఘటనలు 14శాతం తగ్గాయి. అప్పుడు 84గా ఉండగా.. ఇప్పుడది 72కు చేరింది.
అయితే.. ఇంటర్నెట్ షట్డౌన్ ఘటనలు తగ్గినా.. ప్రభావితమైన ప్రజల సంఖ్య మాత్రం పెరిగింది! గతేడాది 1.54బిలియన్ మంది ప్రజలు ఇబ్బంది పడితే.. ఈసారి ఆ సంఖ్య 1.89బిలియన్కు చేరింది.
ఇక సామాజిక మాధ్యమాలను సైతం ప్రభుత్వాలు నియంత్రిస్తున్నాయని నివేదిక పేర్కొంది. ఇందులో ఫేస్బుక్పై అత్యధిక ప్రభావం పడినట్టు వివరించింది. ట్విట్టర్, వాట్సాప్ ఆ తర్వాతి స్థానాల్లో ఉన్నట్టు స్పష్టం చేసింది.
జాతీయస్థాయి నుంచి.. స్థానికంగా ఏ విధంగానైనా అంతర్జాలం సేవలు నిలిచిపోయినా.. వాటిని ఇంటర్నెట్ షట్డౌన్గా పరిగణించింది ఈ నివేదిక. సామాజిక మాధ్యమాలపై నియంత్రణను కూడా నివేదికలో పరిగణించింది.
సంబంధిత కథనం
టాపిక్