Instagram repost feature : ఇన్స్టాగ్రామ్లో 'రీపోస్ట్' ఫీచర్ వచ్చేస్తోంది..!
Instagram repost feature : యూజర్స్కు ప్రత్యేక అనుభూతిని అందించేందుకు ఇన్స్టాగ్రామ్ ఎప్పటికప్పుడు కొత్త అప్డేట్స్ని తీసుకొస్తూనే ఉంటుంది. ఇక ఇప్పుడు రీపోస్ట్ ఫీచర్ని తీసుకొస్తున్నట్టు తెలుస్తోంది.
Instagram repost feature : ట్విట్టర్లో ఎవరి ట్వీట్ అయినా నచ్చితే.. వెంటనే 'రీట్వీట్' చేసేస్తూ ఉంటాము. ఆ రీట్వీట్ మన ప్రొఫైల్లో కనిపిస్తుంది. కానీ ఇన్స్టాగ్రామ్లో ఇంత కాలం అది కుదరలేదు. ఇతరుల పోస్ట్లను మనం కేవలం మన స్టేటస్లోనే పెట్టుకోవడానికి వీలుంటుంది. అలా ప్రొఫైల్లో షేర్ చేయాలంటే.. థర్డ్ పార్టీ యాప్లు డౌన్లోడ్ చేసుకోవాల్సి వస్తోంది. ఇక ఈ కష్టాలకు చెక్ పడనుంది! ఇప్పుడు.. ఇతరుల పోస్ట్లను మన ఖాతాలో కూడా 'రీపోస్ట్' చేయగలము! ఈ మేరకు కొత్త ఫీచర్ను తీసుకొచ్చేందుకు ఇన్స్టాగ్రామ్ ప్రయత్నిస్తున్నట్టు తెలుస్తోంది.
ట్రెండింగ్ వార్తలు
ఇన్స్టాగ్రామ్ రీపోస్ట్ ఫీచర్ని.. సోషల్ మీడియా అనలిస్ట్ మాట్ నవర్ర గుర్తించారు. ఈ మేరకు తన ట్విట్టర్ ఖాతాలో ఓ ట్వీట్ చేశారు. ఆ ఫొటోలో.. 'రీపోస్ట్' ఆఫ్షన్ కనిపిస్తోంది.
Instagram new features : దీనిపై ఇన్స్టాగ్రామ్ స్పందించింది. ఫీడ్ని రీపోస్ట్ చేసే వెసులుబాటును యూజర్లకు కల్పించేందుకు ప్రయత్నిస్తున్నట్టు పేర్కొంది.
అయితే.. ఇది ఇంకా టెస్టింగ్ దశలోనే ఉన్నట్టు తెలుస్తోంది. తొలుత కొన్ని అకౌంట్లలో ఈ కొత్త ఫీచర్ను పరీక్షించి.. తర్వాత ప్రపంచవ్యాప్తంగా ఇన్స్టాగ్రామ్ రీపోస్ట్ ఫీచర్ని అందుబాటులోకి తీసుకొచ్చేందుకు ప్రణాళికలు రచిస్తోంది.
ప్రస్తుతం ఇన్స్టాగ్రామ్ స్టేటస్లో రీపోస్ట్ చేస్తే.. అది 24గంటలు మాత్రమే ఉంటుంది. ఇక ప్రొఫైల్లో రీపోస్ట్ చేస్తే.. మనం డిలీట్ చేసేంతవరకు ఇది కనిపిస్తుంది. ప్రముఖ సామాజిక మాధ్యమాలు ట్విట్టర్, ఫేస్బుక్లో ఈ ఆఫ్షన్ చాలా కాలం నుంచి యూజర్లకు అందుబాటులో ఉంది.
సంబంధిత కథనం