Instagram down : ప్రపంచవ్యాప్తంగా ఇన్​స్టాగ్రామ్​ సేవలకు అంతరాయం-instagram down across globe netizens flood twitter with memes ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Instagram Down : ప్రపంచవ్యాప్తంగా ఇన్​స్టాగ్రామ్​ సేవలకు అంతరాయం

Instagram down : ప్రపంచవ్యాప్తంగా ఇన్​స్టాగ్రామ్​ సేవలకు అంతరాయం

Sharath Chitturi HT Telugu
Sep 23, 2022 06:38 AM IST

Instagram down : ప్రపంచవ్యాప్తంగా ఇన్​స్టాగ్రామ్​ సేవలకు అంతరాయం ఏర్పడింది. కొన్ని గంటల తర్వాత సమస్యను ఇన్​స్టాగ్రామ్​ పరిష్కరించింది.

ప్రపంచవ్యాప్తంగా ఇన్​స్టాగ్రామ్​ సేవలకు అంతరాయం
ప్రపంచవ్యాప్తంగా ఇన్​స్టాగ్రామ్​ సేవలకు అంతరాయం

Instagram down : సామాజిక మాధ్యమ దిగ్గజం 'ఇన్​స్టాగ్రామ్​' సేవలకు ప్రపంచవ్యాప్తంగా అంతరాయం ఏర్పడింది. వేలాది మందికి చాలా సేపటి వరకు ఇన్​స్టా ఫీడ్​ పనిచేయలేదు. డీఎంతో పాటు ఇతర ఫీచర్స్​ కూడా సరిగ్గా పనిచేయలేదు. పరిస్థితిపై వెంటనే స్పందించిన ఇన్​స్టాగ్రామ్​.. సంబంధిత సమస్యను పరిష్కరించింది.

Instagram is not working : ప్రపంచవ్యాప్తంగా ఇన్​స్టా 'డౌన్​'..

డౌన్​డిటెక్టర్​ ప్రకారం ఫిర్యాదుల్లో 66శాతం యాప్​ క్రాష్​ గురించి ఉన్నాయి. 24శాతం సర్వర్​ కనెక్షన్ సమస్యలు, 10శాతం లాగిన్​ సమస్యలు ఉన్నాయి. కొందరు స్టోరీలు ఓపెన్​ చేయలేకపోతున్నట్టు తెలిసింది. ఇంకొందరు మెసేజ్​లు పంపలేకపోయారు, రిసీవ్​ చేసుకోలేకపోయారు. కొత్త పోస్ట్​లు.. ఫీడ్​లో కనిపించలేదు.

ఇన్​స్టాగ్రామ్​ డౌన్​ వ్యవహారంపై ట్విట్టర్​లో ట్వీట్లు వెల్లువెత్తాయి. #instagramdown హ్యాష్​ట్యాగ్​.. ట్విట్టర్​ ట్రెండింగ్​లో టాప్​లో నిలిచింది. మీమ్స్​ కూడా విపరీతంగా పేలాయి.

కొన్ని గంటల తర్వాత ఇన్​స్టాగ్రామ్​ సేవలను పునరుద్ధరించినట్టు సంస్థ వెల్లడించింది.

"మేము తిరిగి వచ్చేశాము. ఇన్​స్టాగ్రామ్​ సేవలకు అంతరాయం కలగడానికి గల కారణాలను మేము పరిష్కరించాము. సేవల అంతరాయానికి మా క్షమాపణలు," అని ట్వీట్​ చేసింది ఇన్​స్టాగ్రామ్​.

అయితే.. అసలు ఇన్​స్టాగ్రామ్​ ఎందుకు డౌన్​ అయ్యింది? అన్న విషయం తెలియరాలేదు.

ఇటీవలి కాలంలో టెక్​ యాప్స్​, సోషల్​ మీడియా సైట్లల్లో అనేక సమస్యలు ఎదురవుతున్నాయి. పేటీఎం, గూగుల్​ వంటి దిగ్గజ సంస్థల సేవలకు కూడా తీవ్ర అంతరాయం ఏర్పడుతోంది.

టీ20 వరల్డ్ కప్ 2024

సంబంధిత కథనం