Indian student killed in US : అమెరికాలో మరో భారత విద్యార్థి దారుణ హత్య.. సుత్తితో తలపై 50సార్లు కొట్టి!-indian student killed in us by homeless man after sheltering him for days ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Indian Student Killed In Us : అమెరికాలో మరో భారత విద్యార్థి దారుణ హత్య.. సుత్తితో తలపై 50సార్లు కొట్టి!

Indian student killed in US : అమెరికాలో మరో భారత విద్యార్థి దారుణ హత్య.. సుత్తితో తలపై 50సార్లు కొట్టి!

Sharath Chitturi HT Telugu
Jan 29, 2024 11:50 AM IST

Indian student killed in America : అమెరికాలో మరో భారత విద్యార్థి దారుణ హత్యకు గురయ్యాడు. వివేక్​ సాయం చేసిన వ్యక్తే.. సుత్తితో అతనిపై దాడి చేసి, చంపేశాడు!

అమెరికాలో మరో భారత విద్యార్థి దారుణ హత్య..
అమెరికాలో మరో భారత విద్యార్థి దారుణ హత్య..

Indian student killed by homeless man : అమెరికాలో మరో భారతీయ విద్యార్థి ప్రాణాలు కోల్పోయాడు! వివేక్​ సైని అనే 25ఏళ్ల విద్యార్థి.. జర్జియాలో హత్యకు గురయ్యాడు. ఆశ్రయం లేని వ్యక్తికి వివేక్​ సాయం చేయగా.. అతనే చంపేశాడు.

ఇదీ జరిగింది..

జార్జియాలోని ఓ ఫుడ్​ మార్ట్​లో పార్ట్​ టైమ్​ జాబ్​ చేస్తూ చదువుకుంటున్నాడు వివేక్​ సైని. కాగా.. జులియన్​ ఫౌల్క్​నర్​ అనే నిరాశ్రయుడు.. కొన్ని రోజుల క్రితం ఆ ఫుడ్​ మార్ట్​కి వెళ్లాడు. వివేక్​తో పాటు మార్ట్​ సిబ్బంది అతనికి సాయం చేశారు. ఈ నేపథ్యంలో.. ఆ నిరాశ్రయుడు అక్కడే ఉండిపోయాడు. కష్టాల్లో ఉన్న వారికి సాయం చేయాలన్న మంచి మనసుతో.. ఎవరు ఏం పట్టించుకోలేదు. అతను ఏం అడిగితే అది ఇచ్చారు. మంచి నీరు, చిప్స్​, కోక్​.. అన్ని ఇచ్చారు. బ్లాంకెట్​, జాకెట్​ కూడా ఇచ్చారు. సిగరెట్లు అడిగితే.. అవి కూడా ఇచ్చారు.

Vivek Saini Georgia : కానీ.. జనవరి 16న.. జులియన్​ ఫౌల్క్​నర్​ని.. ఫుడ్​ మార్ట్​ విడిచిపెట్టి వెళ్లిపోవాలని చెప్పాడు వివేక్​ సైని. లేకపోతే పోలీసులను పిలుస్తామని అన్నాడు. ఈ మాటలు విన్న జులియన్​ ఫౌల్క్​నర్​కు కోపం పెరిగిపోయింది.

పార్ట్​ టైమ్​ జాబ్​ ముగించుకుని ఇంటికి బయలుదేరుతున్న వివేక్​ సైనిపై ఒక్కసారిగ దాడి చేశాడు జులియన్​ ఫౌల్క్​నర్​. సుత్తితో 50సార్లు అతని తలపై కొట్టాడు. వివేక్​ సైని అక్కడే కుప్పకూలిపోయాడు. స్థానికులు అతడిని ఆసుపత్రికి తరలించారు. కానీ అతను ప్రాణాలు కోల్పోయాడని వైద్యులు ధ్రువీకరించారు.

ఈ ఘటనపై సమాచారం అందుకున్న పోలీసులు.. రాత్రి 12:30 గంటల ప్రాంతంలో సంబంధిత ఫుడ్​ మార్ట్​కి వెళ్లారు. సుత్తి పట్టుకుని, స్టోర్​ సిబ్బందిని బెదిరిస్తున్న జులియన్​ ఫౌల్క్​నర్​ని చూశారు. ఆయుధాన్ని కిందపడేయాలని, లేకపోతే తీవ్ర పరిణామాలు ఎదురవుతాయని హెచ్చరించారు. అతను సుత్తిని కిందపడేశాడు. పోలీసులు.. అతడిని అరెస్ట్​ చేశారు. అతడి నుంచి సుత్తితో పాటు రెండు కత్తులను కూడా స్వాధీనం చేసుకున్నారు.

Vivek Saini USA : "ఫుడ్​ స్టోర్​ నేలపై రక్తపు మరకలు భయంకరంగా ఉన్నాయి. స్టోర్​లో పనిచేస్తున్న ఒకరు.. భయపడి వెనక్కి వెళ్లి దాక్కున్నారు. వివేక్​ని చంపడాన్ని ఆ వ్యక్తి చూశారు," అని పోలీసులు తెలిపారు.

జులియన్​ ఫౌల్క్​నర్​పై మర్డర్​ కేసు వేసిన పోలీసులు.. ఘటనపై దర్యాప్తు కొనసాగుతోందని వెల్లడించారు.

మరోవైపు.. వివేక్​ సైని మరణవార్తతో అతని కుటుంబంలో విషాదం నెలకొంది. బీటెక్​ పూర్తి చేసుకున్న వివేక్​ సైని.. రెండేళ్ల క్రితం అమెరికాకు వెళ్లాడు. ఇటీవలే.. అతనికి బిజినెస్​ అడ్మినిస్ట్రేషన్స్​లో మాస్టర్స్​ డిగ్రీ లభించింది.

America crime news : అమెరికాలో భారతీయ విద్యార్థుల మరణాలు నిత్యం వార్తల్లో నిలుస్తూ ఆందోళనకు గురిచేస్తున్నాయి. కోటి ఆశలతో యూఎస్​కు వెళ్లి.. దొంగతనాలు, కాల్పుల నేపథ్యంలో చాలా మంది ప్రాణాలు కోల్పోతున్నారు.

IPL_Entry_Point

సంబంధిత కథనం