Groom kisses bride : వరుడుకు వధువు షాక్.. ముద్దు పెట్టాడని పోలీసులకు ఫిర్యాదు!
Groom kisses bride in wedding : పెళ్లి జరిగిన కొద్దిసేపటికి.. వధువకు ముద్దు పెట్టాడు వరుడు. కోపం తెచ్చుకున్న వధువు.. పెళ్లి పీటల మీద నుంచి లేచి వెళ్లిపోయింది. పోలీసులకు ఫిర్యాదు చేసింది. ఈ ఘటన ఉత్తర్ప్రదేశ్లో చోటుచేసుకుంది.
Groom kisses bride in wedding : పెళ్లిళ్ల సీజన్ మొదలైపోయింది! దీనితో పాటు విచిత్ర సంఘటనలు కూడా మొదలయ్యాయి. పెళ్లి జరిగిన కొద్ది సేపటికే.. వరుడు గురించి పోలీసులకు ఫిర్యాదు చేసింది ఓ వధువు. పెళ్లి పీటల మీద తనను ముద్దు పెట్టుకున్నాడని, తనకు ఇష్టం లేదని తేల్చిచెప్పింది. ఇంతకీ ఏం జరిగిందంటే..
ట్రెండింగ్ వార్తలు
వధువు రాక్స్.. వరుడు షాక్స్..!
ఉత్తర్ప్రదేశ్ ప్రభుత్వం ఆధ్వర్యంలో.. గత నెల 28న సంబల్ జిల్లాలో సామూహిక వివాహ వేడుక జరిగింది. దాదాపు 300 జంటలు ఒక్కటయ్యాయి. కాగా.. ఇందులో ఓ జంట వ్యవహారం మాత్రం ఇప్పుడు హాట్టాపిగ్గా మారింది.
UP bride files case in groom : పెళ్లి జరిగిన కొద్ది సేపటికి.. వధూవరులు పూలమాలలు మార్చుకున్నారు. ఆ తర్వాత.. స్టేజీ మీద కూర్చున్నారు. అప్పుడే.. వధువను వరుడు ముద్దుపెట్టాడు! అతని చర్యతో కోపం తెచ్చుకున్న వధువు.. పెళ్లి పీటల మీద నుంచి లేచి వెళ్లిపోయింది. అమ్మాయి తరఫు కుటుంబసభ్యులు.. తిరిగి రావాలని ఆమెను వేడుకున్నారు. కానీ ఆ వధువు ఎవరి మాటా వినలేదు. చివరికి.. వధువు ఒత్తిడి చేయడంతో.. ఆమెను బహ్జోయ్ పోలీస్ స్టేషన్కు తీసుకెళ్లారు.
"300మంది ముందు తనని తాను నియంత్రించుకోలేక పోయిన మనిషి.. రేపు నాతో ఎలా ప్రవర్తిస్తాడు? నాకు ఈ పెళ్లి వద్దు. అతడితో కలిసి జీవించలేను," అని పోలీసులకు వెల్లడించింది ఆ వధువు.
పోలీసులు ఆమెకు నచ్చజెప్పేందుకు విఫలయత్నం చేశారు. చివరికి.. ఇద్దరు వేరువేరుగా ఉండాలని ఇరువర్గాల పెద్దలు నిర్ణయించారు. ఫలితంగా తమ జోక్యం లేకుండానే సమస్యకు పరిష్కారం లభించిందని పోలీసులు వెల్లడించారు.
వధువు చెప్పిందనే..!
UP wedding viral news : ఈ ఘటనతో వరుడు ఒక్కసారిగా షాక్కు గురయ్యాడు. అయితే.. వధువు చెప్పడంతోనే వరుడు ఆ సమయంలో ఆమెకు ముద్దుపెట్టినట్టు అతని తరఫు బంధువులు చెప్పడం గమనార్హం.
"పెళ్లి వ్యవహారం ప్రారంభమయ్యే కొద్ది సేపటి ముందు.. వరుడితో వధువు బెట్ కట్టింది. అందరి ముందు తనను కిస్ చేస్తే రూ. 1500 ఇస్తానని, లేకపోతే వరుడు రూ. 3000 ఇవ్వాలని బెట్ వేసింది. అందుకే ఆమెను వరుడు ముద్దుపెట్టుకున్నాడు," అని కొందరు చెప్పారు.
ఈ విషయంపై పోలీస్ స్టేషన్లో పోలీసుల ముందు వధువును కొందరు నిలదీశారు. తనకేమీ తెలియదని, తాను అలా చెప్పలేదని ఆమె తేల్చిచెప్పింది.
ప్రస్తుతం ఈ వార్త సామాజిక మాధ్యమాల్లో వైరల్గా మారింది. నెటిజన్ల నుంచి మిశ్రమ స్పందన లభిస్తోంది.
సంబంధిత కథనం