H-1B petition : హెచ్1బీ రిజిస్ట్రేషన్ ప్రక్రియ ముగింపు- మరి నెక్ట్స్ ఏంటి?
H-1B visa : 2026 ఆర్థిక సంవత్సరానికి హెచ్-1బీ వీసా రిజిస్ట్రేషన్ 2025 మార్చ్ 24న ముగిసింది. రిజిస్ట్రేషన్లు పరిమితిని మించితే, లాటరీ ద్వారా ఎంపిక చేస్తారు. ఏప్రిల్ ప్రారంభంలో ఫలితాలు వస్తాయి.
2026 ఆర్థిక సంవత్సరానికి (ఎఫ్వై 2026) ఇనీషియల్ హెచ్ -1 బి వీసా రిజిస్ట్రేషన్ ప్రక్రియ 2025 మార్చ్ 24తో అధికారికంగా ముగిసింది. నెక్ట్స్ ఏంటి? అన్నది ఇప్పుడు హెచ్1బీ వీసా కోసం ఎదురుచూస్తున్న చాలా మందికి ఉన్న అతిపెద్ద ప్రశ్న.
రిజిస్ట్రేషన్ల సంఖ్య వార్షిక పరిమితిని మించితే, వీసా గ్రహితలను రాండమ్గా ఎంపిక చేసేందుకు లాటరీ విధానాన్ని అమలు చేస్తుంది యూఎస్ సిటిజన్షిప్ అండ్ ఇమ్మిగ్రేషన్ సర్వీసెస్ (యూఎస్సీఐఎస్) లాటరీ ఫలితాలను సాధారణంగా మార్చ్ చివరిలో లేదా ఏప్రిల్ మొదట్లో ప్రకటిస్తారు.
హెచ్-1బీ దరఖాస్తు గడువు ఎంత?
ఎంపికైన వారికి సంబంధించి, ఏప్రిల్ 1, 2025 నుంచి పూర్తి హెచ్-1బీ పిటిషన్లు ఎంప్లాయర్లు దాఖలు చేయవచ్చు. ఫైలింగ్ వ్యవధి సాధారణంగా సెలక్షన్ నోటిఫికేషన్ తేదీ నుంచి 90 రోజులు ఉంటుంది. అంటే ఇది ఏప్రిల్ 1 నుంచి జూన్ 30, 2025 వరకు నడుస్తుంది.
2026 ఆర్థిక సంవత్సరం కింద ఆమోదం పొందిన దరఖాస్తుదారులకు ఉపాధి 2025 అక్టోబర్ 1 లేదా ఆ తరువాత ప్రారంభమవుతుంది.
ఒకవేళ దరఖాస్తుదారుడు ఎంపిక కానట్లయితే, వారి రిజిస్ట్రేషన్ "సబ్మిటెడ్" స్టేటస్లో ఉంటుంది. క్యాప్ స్లాట్లు తెరిచి ఉంటే యూఎస్సీఐఎస్ అదనపు లాటరీ రౌండ్లను నిర్వహించవచ్చు. కాబట్టి దరఖాస్తుదారులు అప్డేట్స్ కోసం వారి యూఎస్సీఐఎస్ ఖాతాలను పర్యవేక్షించాలి.
హెచ్ 1బీ లాటరీ విధానంలో నిబంధనలను కఠినతరం చేసిన యూఎస్సీఐఎస్..
ఈ ఏడాది హెచ్ -1బీ విధానంలో రిజిస్ట్రేషన్ ఫీజులు భారీగా పెరగడం గమనార్హం. 10 డాలర్ల నుంచి 215 డాలర్లకు, ప్రతి లబ్ధిదారుని ఖర్చు 2050% పెరిగింది. యూఎస్సీఐఎస్ ధృవీకరించిన రుసుము అడ్మినిస్ట్రేషన్ ఖర్చులను భరించడానికి, అనవసరంగా రిజిస్ట్రేషన్లు వేసే వారిని కట్ చేయడానికి ఉపయోగపడుతుందని అధికారులు భావిస్తున్నారు.
2025 ఆర్థిక సంవత్సరంలో ప్రవేశపెట్టిన లబ్ధిదారు కేంద్రీకృత ఎంపిక ప్రక్రియ కూడా ఉంది అయితే ఒకటి కంటే ఎక్కువసార్లు లాటరీ వ్యవస్థలోకి రాకుండా ఇది చూసుకుంటుంది.
లాటరీ ఇంటిగ్రిటీని పెంచేందుకు హెచ్-1బీ లాటరీ ప్రాసెస్కు అదనపు ఫ్రాడ్-ప్రివెన్షన్ చర్యలను కూడా జోడించింది. ఇవి 2024 జనవరి 30 నుంచే అమల్లోకి వచ్చాయి. ఒకటికంటే ఎక్కువసార్లు ఎంట్రీ ఇవ్వలేదని వెరిఫై చేయడం, అర్హులైన వారు మాత్రమే హెచ్-1బీ పిటిషన్స్కు అప్లై చేసుకునేలా చూడటం, రిజిస్ట్రేషన్లలో మోసాలకు పాల్పడడం- ఫైలింగ్స్ని డూప్లికేట్ చేయడాన్ని అడ్డుకోవడం వంటి కొన్ని ఉదాహరణలు.
Sharath Chitturi
సంబంధిత కథనం