BSF jawan killed in Gujarat : కూతురిపై అశ్లీల వీడియో.. ప్రశ్నించిన జవానును చంపేశారు!

BSF Jawan killed in Gujarat : గుజరాత్​లో దారుణ ఘటన వెలుగులోకి వచ్చింది. తన కుమార్తెకు సంబంధించిన ఓ వీడియోను ఆన్​లైన్​లో పోస్ట్​ చేసినందుకు.. నిరసన వ్యక్తం చేశాడు ఓ జవాను. నిందితుడి కుటుంబం.. అతడిని కొట్టి చంపేసింది! ఈ ఘటనలో పోలీసులు ఇప్పటివరకు ఏడుగురుని అరెస్ట్​ చేశారు.

ఇదీ జరిగింది..

45ఏళ్ల మేలాజీ వఘేలా.. బీఎస్​ఎఫ్​ 56 బెటాలియన్​లో కానిస్టేబుల్​గా పనిచేస్తున్నాడు. అతని కుటుంబం గుజరాత్​లోని ఖేడా ప్రాంతంలో నివాసముంటోంది. వానిపుర గ్రామానికి చెందిన శైలేశ్​ అలియాస్​ సునీల్​ జాదవ్​.. వఘేలా కుమార్తెకు సంబంధించి కొన్ని రోజుల క్రితం ఓ అశ్లీల వీడియో చిత్రీకరించాడు! ఆ వెంటనే దానిని ఆన్​లైన్​లో పోస్ట్​ చేశాడు.

Gujarat BSF Jawan killed : శైలేశ్​ చేసిన తప్పును నిలదీసేందుకు.. కుమారుడు, ఇతర కుటుంబసభ్యులతో కలిసి ఈ నెల 24న నిందితుడి ఇంటికి వెళ్లాడు మేలాజీ వఘేలా. ఆ సమయంలో అక్కడ శైలేశ్​ లేడు. కాగా అతని కుటుంబసభ్యులను నిలదీశాడు. ఈ క్రమంలోనే ఆ ప్రాంతంలో ఉద్రిక్త వాతావరణం నెలకొంది.

మేలాజీపై కోపం పెంచుకున్న నిందితుడు తరఫు కుటుంబసభ్యులు.. జవానుపై దాడి చేశారు. కర్రలు, పదునైన ఆయుధాలతో దాడికి దిగారు. ఫలితంగా మేలాజీ వఘేలా ప్రాణాలు కోల్పోయాడు. అతని కుమారుడు నవ్​దీప్​.. తీవ్ర గాయాలతో అహ్మదాబాద్​ సివిల్​ ఆసుపత్రిలో చికిత్స పొందుతున్నాడు.

Jawan killed in Gujarat : బీఎస్​ఎఫ్​ జవాను భార్య ఫిర్యాదు మేరకు.. ఛక్లాసి పోలీస్​ స్టేషన్​ అధికారులు ఎఫ్​ఐఆర్​ నమోదు చేసుకున్నారు. ఘటనపై దర్యాపు చేపట్టి.. తాజాగా ఏడుగురిని అరెస్ట్​ చేశారు. వీరిలో ఇద్దరు మహిళలు కూడా ఉన్నారు.

ఈ ఘటన స్థానికంగా కలకలం సృష్టించింది. నిందితులపై కఠిన చర్యలు చేపట్టాలని డిమాండ్​లు వెల్లువెత్తుతున్నాయి.