Government advisory for Zoom users : జూమ్ యూజర్స్కు కేంద్రం 'అలర్ట్'..
Alert for Zoom users : జూమ్ యూజర్స్కు కేంద్రం అలర్ట్ జారీ చేసింది. జూమ్లో చాలా లోపాలు ఉన్నాయని, భద్రతాపరమైన సమస్యలు రావొచ్చని హెచ్చరించింది.
Government advisory for Zoom users : ఆఫీస్ కార్యకలాపాలు, కుటుంబ సభ్యులతో వీడియో కాల్ కోసం మీరు జూమ్ యాప్ని వినియోగిస్తూ ఉంటారా? అయితే మీరు జాగ్రత్తగా ఉండాలి! జూమ్లో అనేక లోపాలు ఉన్నాయని, ఫలితంగా భద్రతపరమైన సమస్యలు ఎదురయ్యే అవకాశం ఉందని సీఈఆర్టీ-ఇన్ (ఇండియన్ కంప్యూటర్ ఎమర్జెన్సీ రెస్పాన్స్ టీమ్) హెచ్చరించింది. ఈ మేరకు జూమ్ యూజర్స్ జాగ్రత్తగా ఉండాలని సూచనలు జారీ చేసింది.
ట్రెండింగ్ వార్తలు
CERT IN alert for Zoom users : 'లోపాలు ఉన్నాయి..'
సీఈఆర్టీ ఇన్ ప్రకారం.. జాయిన్ లిస్ట్లో లేని అనాథరైజిడ్ రిమోట్ యూజర్ కూడా.. మీతో పాటు జూమ్ మీటింగ్లో చేరవచ్చు. ఈ మేరకు జూమ్ సిస్టమ్లో ఉన్న భద్రతాపరమైన పరిమితులను ఆ అనాథరైజిడ్ యూజర్ ఛేదించుకుని రావచ్చు. ఈ లోపాల కారణంగా.. సంబంధిత వ్యక్తులు ఎవరికీ తెలియకుండా జూమ్ మీటింగ్లోకి ప్రవేశించి.. సంబంధిత ఆడియో, వీడియోను రికార్డ్ చేసుకునే అవకాశం ఉంది.
కేంద్ర ఎలక్ట్రానిక్స్- ఐటీశాఖకు చెందిన సీఈఆర్టీ- ఇన్.. బగ్స్, సైబర్ దాడులు, ఫిషింగ్ దాడులు, హ్యాకింగ్ వంటి సమస్యలపై దృష్టిపెడుతూ ఉంటుంది. నిత్యం ప్రజలను అప్రమత్తం చేస్తూ ఉంటుంది.
Zoom app vulnerabilities : వాస్తవానికి ఈ లోపాల విషయం జూమ్ సంస్థకు ముందే తెలుసు! జూమ్లో ఈ తరహా లోపాలను సీవీఈ- 2022-28758, సీవీఈ 2022-28759, సీవీఈ- 2022-28760గా పిలుస్తున్నారు. వీటి వల్ల ఆన్ ప్రిమైస్ మీటింగ్ కెనెక్టర్ ఎంఎంఆర్ ముందు వర్షెన్ 4.8.20220815.130 ప్రభావితమైందని జూమ్ గుర్తించింది. ఈ మేరకు ఈ నెల 13నే ఈ విషయంపై అలర్ట్ చేసింది జూమ్.
ఇక జూమ్ మీటింగ్పై తాజాగా కేంద్రం ఈ వ్యవహారంపై సోమవారం సూచనలు జారీ చేసింది. జూమ్ యూజర్స్ అందరు తమ పరికరాలపై జూమ్ లేటెస్ట్ వర్షెన్ను అప్డేట్ చేసుకోవాలని సూచించింది.
How to update Zoom app in desktop : డెస్క్టాప్లో జూమ్ని ఇలా అప్డేట్ చేసుకోండి..
- ముందుగా జూమ్ డెస్క్టాప్ క్లైయింట్లో సైన్ ఇన్ అవ్వండి.
- మీ ప్రొఫైల్ పిక్చర్ మీద క్లిక్ చేయండి. అప్డేట్స్ కోసం చూడండి.
- కొత్త వర్షెన్ కనిపిస్తే.. దానిని డౌన్లోడ్ చేసి, ఇన్స్టాల్ చేయండి.
ఇక స్మార్ట్ఫోన్లో.. గూగుల్ ప్లే, యాపిల్ ప్లే స్టోర్లోకి వెళ్లి జూమ్ యాప్ని అప్డేట్ చేసుకోవాల్సి ఉంటుంది.
సంబంధిత కథనం
టాపిక్