Gaganyaan mission : గగన్​యాన్​వైపు తొలి అడుగుకు బ్రేక్​-​ మొదటి​ ‘టెస్ట్’​ వాయిదా..!-gaganyaans first flight test vehicle abort mission 1 launch on hold isro ,జాతీయ - అంతర్జాతీయ న్యూస్
తెలుగు న్యూస్  /  National International  /  Gaganyaan's First Flight Test Vehicle Abort Mission-1 Launch On Hold: Isro

Gaganyaan mission : గగన్​యాన్​వైపు తొలి అడుగుకు బ్రేక్​-​ మొదటి​ ‘టెస్ట్’​ వాయిదా..!

Sharath Chitturi HT Telugu
Oct 21, 2023 09:05 AM IST

Gaganyaan mission latest updates : గగన్​యాన్​ మిషన్​ కోసం ఇస్రో చేపట్టాల్సిన తొలి 'టెస్ట్​' చివరి నిమిషంలో వాయిదా పడింది. ఈ విషయాన్ని ఇస్రో ప్రకటించింది.

గగన్​యాన్​వైపు తొలి అడుగు..
గగన్​యాన్​వైపు తొలి అడుగు.. (ISRO Twitter)

Gaganyaan mission latest news : మానవ సహిత అంతరీక్ష ప్రయోగం గగన్​యాన్​ తొలి అడుగుకు బ్రేక్​ పడింది! భారత అంతరిక్ష పరిశోధన సంస్థ (ఇస్రో).. శనివారం ఉదయం చేపట్టాల్సిన టీవీ-డీ1 ఫ్లైట్​ టెస్ట్ (టెస్ట్​ వెహికిల్​ డెవలప్​మెంట్​ ఫ్లైట్​ మిషన్​) వాయిదా పడింది. చివరి నిమిషంలో సిస్టెమ్​ 'హోల్డ్​'లోకి వెళ్లడంతో.. శ్రీహరికోట నుంచి జరగాల్సిన రాకెట్​ లాంచ్​.. సాధ్యం అవ్వలేదు.

ట్రెండింగ్ వార్తలు

"ఈరోజు తలపెట్టిన ప్రయోగం​ సాధ్యం కాలేదు. ఇంజిన్​ ఇగ్నీషన్​లో సమస్యలు వచ్చినట్టు కనిపిస్తోంది. ఎక్కడ తప్పు జరిగిందో తెలుసుకోవాలి. మళ్లీ మీకు అప్డేట్​ చేస్తాము. ఈ ఫంక్షన్స్​ చేయాల్సిన కంప్యూటర్​.. 'హోల్డ్​' సిగ్నల్​ ఇచ్చింది. సమస్యను సరి చేసుకుని.. లాంచ్​ని రీషెడ్యూల్​ చేస్తాము," అని ఇస్రో ఛైర్మన్​ ఎస్​ సోమనాథ్​ అన్నారు.

వాస్తవానికి శనివారం ఉదయం 8 గంటలకు ఈ ప్రయోగం జరగాల్సి ఉంది. ఇందుకు సంబంధించి.. శుక్రవారమే కౌంట్​డౌన్​ మొదలైంది. కాగా.. చివరి నిమిషంలో 8:30 గంటలకు వాయిదా పడింది. అక్కడి నుంచి 8:45 గంటలకు వెళ్లింది. అంతా సరిగ్గా జరుగుతోందన్న సమయంలో.. రాకెట్​ లాంచ్​ 'హోల్డ్​'లోకి వెళ్లిపోయింది. ఫలితంగా.. ఈ రోజు చేపట్టాల్సిన ప్రయోగం సాధ్యం అవ్వలేదు.

అసలేంటి ఈ టెస్ట్​..?

ఇస్రో.. ఇప్పటివరకు మనుషులను అంతరిక్షంలోకి పంపించలేదు. గగన్​యాన్​తో ఈ బాధ్యతను సమర్థవంతంగా పూర్తిచేయాలని భావిస్తోంది. ముగ్గురు సభ్యుల బృందాన్ని.. 400 కి.మీల దూరంలోని భూమి కక్ష దగ్గరకు పంపించి, మూడు రోజుల తర్వాత వారిని బంగాళాఖాతంలో సేఫ్​గా ల్యాండ్​ చేయాలని ఇస్రో ప్లాన్​ చేస్తోంది. ఇది సక్సెస్​ అయితే.. అమెరికా, రష్యా, చైనా తర్వాత ఈ ఘనత సాధించిన నాలుగో దేశంగా భారత్​ నిలుస్తుంది.

అయితే, ఇది అంత సులభమైన విషయం కాదు. మానవ సహిత మిషన్​లు చేపట్టే ముందు.. మానవ రహిత ప్రయోగనాలు విజయవంతం అవ్వాలు. ఇందులో భాగంగానే శనివారం.. టీవీ-డీ1 ఫ్లైట్​ టెస్ట్​ చేపట్టాలని నిర్ణయించింది ఇస్రో. ఇందులో.. కీలకమైన 'క్రూ ఎస్కేప్​ సిస్టెమ్​'ని పరీక్షించాల్సి ఉంది.

ISRO Gaganyaan mission : ఈ ప్రయోగం చాలా కీలకం. అనుకోని సమస్య ఏదైనా ఎదురైతే.. రాకెట్​లో నుంచి వ్యోమగాముల బృందం సురక్షితంగా బయటపడగలదా? లేదా? అన్నది తెలుసుకునేందుకు ఈ ప్రయోగం ఉపయోగపడుతుంది. దీనిని 'అబార్ట్​' మిషన్​ అని కూడా పిలుస్తోంది ఇస్రో. మొత్తం రెండు అబార్ట్​ మిషన్​లు ఉన్నాయి. అంతేకాకుండా.. ఆర్బిట్​ నుంచి తిరిగి వస్తున్నప్పుడు.. బంగాళాఖాతంలో సేఫ్​ ల్యాండింగ్​ చేయగలమా? అన్నది నిర్ణయించడానికి కూడా ఈ ప్రయోగం ఉపయోగపడుతుంది. ఇవి సక్సెస్​ అవ్వడం గగన్​యాన్​ మిషన్​కు చాలా అవసరం. మరి ఇప్పుడు ఈ ప్రయోగం వాయిదా పడటంతో.. తదుపరి డేట్​ ఎప్పుడు ఉంటుంది? అన్నది తెలియాల్సి ఉంది.

ISRO latest news : చంద్రయాన్​-3 సక్సెస్​తో జోరు పెంచిన ఇస్రో.. గగన్​యాన్​ మిషన్​కి ముందు.. 3 మానవ రహిత మిషన్స్​ సహా 20 కీలక పరీక్షలను చేపట్టనుంది. ఇవి విజయం సాధిస్తే.. గగన్​యాన్​ మిషన్​ను చేపడుతుంది. ఈ ఘట్టం కోసం యావత్​ భారత దేశం ఎదురుచూస్తోంది. అన్ని ప్లాన్​ ప్రకారమే జరిగితే.. 2025లో గగన్​యాన్​ మిషన్​ చేపడుతుంది ఇస్రో.

IPL_Entry_Point

సంబంధిత కథనం