French Spiderman : 48 అంతస్తుల భవనాన్ని ఎక్కేసిన 60ఏళ్ల 'స్పైడర్​మ్యాన్​'!

French Spiderman news : 60ఏళ్ల ఓ వృద్ధుడు అద్భుతం చేశాడు! 'ఫ్రెంచ్​ స్పైడర్​మ్యాన్​'గా గుర్తింపు పొందిన ఆయన.. ఏకంగా 48 అంతస్తులను ఎక్కేశాడు. 60వ జన్మదినం సందర్భంగా ఈ గోల్​ని కూడా ఛేదించేశాడు.

అలైన్​ రాబర్ట్​ అనే వ్యక్తికి ఫ్రెంచ్​ స్పైడర్​మ్యాన్​గా​ పేరు ఉంది. అచ్చం స్పైడర్​మ్యాన్​ తరహాలో ఎన్నో ఎత్తైన భవనాలను ఆయన సులభంగా ఎక్కేశాడు. ఈ శనివారం నాడు ఆయన 60వ పుట్టిన రోజు జరిగింది. ఈ క్రమంలో పారిస్​లోని 613 అడుగుల ఎత్తు ఉన్న భవనాన్ని ఎక్కేశాడు. 60 నిమిషాల్లోనే 48 అంతస్తులను ఎక్కేయడం విశేషం!

"60ఏళ్లు వచ్చినంత మాత్రాన జీవితం ముగిసిపోలేదు అన్న సందేహాన్ని ఇవ్వడం కోసమే ఇలా చేశాను. యాక్టివ్​గా ఉండండి, 60ఏళ్ల వయస్సులో కూడా ఎన్నో పనులు చేయవచ్చు. నాకు 60ఏళ్లు వచ్చినప్పుడు.. ఈ భవనం ఎక్కుతానని ఎన్నో ఏళ్ల ముందే నిర్ణయించుకున్నాను. ఇప్పుడు అదే చేశాను," అని అలైన్​ రాబర్ట్​ చెప్పుకొచ్చాడు.

French Spiderman Alain Robert : తాజాగా.. ఫ్రెంచ్​ స్పైడర్​మ్యాన్​ అలైన్​ రాబర్ట్​ ఎక్కిన భవనం పేరు టూర్​ టోటల్​ఎనర్జీస్​ టావర్​ అని తెలుస్తోంది. గతంలో ఎన్నోసార్లు ఆయన ఆ భవనాన్ని స్పైడర్​మ్యాన్​గా ఎక్కేశారు.

ఎలాంటి పరికరాల సాయం లేకుండా అలైన్​ రాబర్ట్​ ఎత్తైన భవనాలను ఎక్కేస్తుండటం చర్చలకు దారితీసింది. కొన్ని సందర్భాల్లో ఆయన పర్మీషన్లు కూడా తీసుకోకుండా ఎక్కేస్తుంటారు. ఫలితంగా పలు దేశాల్లో ఈ ఫ్రెంచ్​ స్పైడర్​మ్యాన్​ను పోలీసులు అదుపులోకి తీసుకున్న ఘటనలు కూడా ఉన్నాయి.

ప్రపంచంలోనే ఎత్తైన భవనంగా గుర్తింపు పొందిన భుర్జ్​ ఖలీఫా సహా ఎన్నో వాటిని ఈ ఫ్రెంచ్​ స్పైడర్​మ్యాన్​ అలైన్​ రాబర్ట్​ సులభంగా ఎక్కేశారు. ఇందుకు సంబంధించిన దృశ్యాలు నిత్యం సామాజిక మాధ్యమాల్లో వైరల్​గా మారుతూ ఉంటాయి.

ఇక తాజాగా.. సామాజిక మాధ్యమాల్లో వైరల్​గా మారిన వీడియోను ఇక్కడ చూడండి: