Crime news : కాలేజ్​కి వెళుతున్న యువతిని గొడ్డలితో బెదిరించి.. అత్యాచారం!-engineering student walking to college threatened with axe raped in nagpur ,జాతీయ - అంతర్జాతీయ న్యూస్
తెలుగు న్యూస్  /  National International  /  Engineering Student Walking To College Threatened With Axe, Raped In Nagpur

Crime news : కాలేజ్​కి వెళుతున్న యువతిని గొడ్డలితో బెదిరించి.. అత్యాచారం!

Sharath Chitturi HT Telugu
Oct 06, 2023 07:55 AM IST

Nagpur crime news : ఇంజినీరింగ్​ కాలేజ్​లో చదువుకుంటున్న ఓ యువతిపై అత్యాచారం జరిగింది. కాలేజ్​కి వెళుతుండగా.. ఓ వ్యక్తి ఆమెను అడ్డగించి, గొడ్డలితో బెదిరించి, రేప్​ చేశాడు!

కాలేజ్​కి వెళుతున్న యువతిని గొడ్డలితో బెదిరించి.. అత్యాచారం!
కాలేజ్​కి వెళుతున్న యువతిని గొడ్డలితో బెదిరించి.. అత్యాచారం!

Nagpur crime news : మహారాష్ట్రలో దారుణ ఘటన వెలుగులోకి వచ్చింది. కాలేజ్​కి వెళుతున్న యువతిని గొడ్డలితో బెదిరించి, అత్యాచారం చేశాడు ఓ వ్యక్తి!

ట్రెండింగ్ వార్తలు

ఇదీ జరిగింది..

మహారాష్ట్ర నాగ్​పూర్​లో బుధవారం జరిగింది ఈ ఘటన. నాగ్​పూర్​ శివారులో ఉన్న ఓ పెద్ద ఇంజినీరింగ్​ కాలేజ్​లో ఓ 19ఏళ్ల యువతి బీటెక్​ 2వ సంవత్సరం చదువుకుంటోంది. హింగ్న ప్రాంతంలో ఆమె ఓ రూమ్​లో రెంట్​కు ఉంటోంది.

కాగా.. బుధవారం ఎప్పటిలాగే ఇంటి నుంచి కాలేజ్​కి బయలుదేరింది. ఉదయం 9:50 ప్రాంతంలో ఓ వ్యక్తి ఆమెను అడ్డగించాడు. గొడ్డలితో బెదిరించాడు. ఆమె భయపడిపోయింది.

College student raped : గొడ్డలితో బెదిరించిన అనంతరం.. యువతిని బలవంతంగా స్థానిక పొదల్లోకి తీసుకెళ్లాడు. అక్కడే, ఆమెపై అత్యాచారానికి ఒడిగట్టాడు. సాయం కోసం యువతి అరిచినా.. ఫలితం లేకపోయింది.

కాలేజ్​ విద్యార్థినిపై అత్యాచారం చేసిన అనంతరం ఆ 30ఏళ్ల వ్యక్తి.. అక్కడి నుంచి పారిపోయాడు. ఘటన నుంచి తేరుకున్న అనంతరం.. ఆమె పోలీస్​ స్టేషన్​కు వెళ్లింది. తనకు జరిగినది వివరించి, ఫిర్యాదు చేసింది.

College student raped in Nagpur : రంగంలోకి దిగిన పోలీసులు.. ఘటనపై కేసు నమోదు చేసుకున్నారు. దర్యాప్తు చేపట్టారు. కాగా.. నిందితుడిని ఇంకా అరెస్ట్​ చేయలేదని తెలుస్తోంది. యువతి ఇచ్చిన వివరాలతో నిందితుడిని వెంటనే పట్టుకుంటామని అధికారులు చెబుతున్నారు.

ఇద్దరిపై ఆరుగురు సామూహిక అత్యాచారం..!

దేశంలో మహిళలు, బాలికలపై అత్యాచార ఘటనలు ఆందోళనకరంగా మారాయి. తాజాగా.. ఇద్దరు మైనర్లపై ఆరుగురు రేప్​ చేసిన ఘటన ఝార్ఖండ్​లోని పశ్చిమ్​ సింఘ్​భూమ్​ జిల్లాలో చోటుచేసుకుంది.

బాధితుల వయస్సు 16ఏళ్లు అని తెలుస్తోంది. గత వారం ఈ ఘటన జరగ్గా.. మంగళవారం వెలుగులోకి వచ్చింది. మైనర్లపై ఆరుగురు సామూహిక అత్యాచారానికి పాల్పడ్డారు. కేసు నమోదు చేసుకున్న 24 గంటల్లోనే.. పోలీసులు నిందితులను అరెస్ట్​ చేశారు. ఆ ఆరుగురిలో ముగ్గురు మైనర్లు కూడా ఉన్నారు. ఘటనపై దర్యాప్తు చేపట్టినట్టు, నిందితులను కఠినంగా శిక్షిస్తామని వెల్లడించారు.

WhatsApp channel

సంబంధిత కథనం