Telugu News  /  National International  /  Elon Musk Gives Twitter Staff An Ultimatum: Work 'Long Hours At High Intensity' Or Leave
Elon Musk.
Elon Musk.

Elon Musk gives Twitter staff an ultimatum: ఉంటారా? వెళ్తారా? రేపటిలోగా చెప్పండి

16 November 2022, 21:51 ISTHT Telugu Desk
16 November 2022, 21:51 IST

Elon Musk gives Twitter staff an ultimatum: ట్విటర్ కొత్త యజమాని ఎలాన్ మస్క్ తన ఉద్యోగులకు మరో అల్టిమేటం జారీ చేశారు. కఠిన పని వాతావరణంలో పని చేయలేమనుకుంటే, ఉద్యోగం వదిలేసి వెళ్లిపోవచ్చని స్పష్టం చేశారు.

Elon Musk gives Twitter staff an ultimatum: ఇప్పటికే వరుస షాక్ లతో ఉద్యోగులకు చుక్కలు చూపిస్తున్న ట్విటర్ బాస్ ఎలాన్ మస్క్.. తాజాగా మరో అల్టిమేటం ఇచ్చారు.

ట్రెండింగ్ వార్తలు

Elon Musk gives Twitter staff an ultimatum: ఉంటారా? వెళ్తారా?

ట్విటర్ లో కొనసాగాలనుకుంటే కఠిన పని వాతావరణంలో ఉద్యోగ బాధ్యతలను నిర్వర్తించాల్సి ఉంటుందని, ఎక్కవ సమయం పని చేయాల్సి ఉంటుందని, హార్డ్ వర్క్ చేయాల్సి ఉంటుందని స్పష్టం చేశారు. ఈ కండిషన్స్ లో పని చేసేందుకు అంగీకారమైతేనే, సంస్థలో కొనసాగాలని స్పష్టం చేశారు. లేదంటే ఉద్యోగం వదిలేయవచ్చని సూచించారు. ఈ కండిషన్స్ తో ఒక గూగుల్ ఫామ్ ను ఉద్యోగులకు పంపించారు. దాన్ని ఫిల్ చేసి, గురువారం సాయంత్రం 5 గంటలలోగా రిటర్న్ చేయాలని సూచించారు.

Elon Musk gives Twitter staff an ultimatum: ఇక ట్విటర్ 2.0

ప్రస్తుత పోటీ వాతావరణంలో విజయవంతంగా కొనసాగాలంటే, ఆదాయ మార్గాలను పెంచుకోవాలంటే ట్విటర్ 2.0 విధానాలను పాటించాల్సిందేనని మస్క్ తన ఉద్యోగులకు పంపిన ఒక ఈ మెయిల్ లో స్పష్టం చేశారు. ఎక్కువ పని గంటలు, కఠిన పని ఒత్తిడి ఉండే వాతావరణంలో పని చేస్తేనే అత్యుత్తమ ఫలితాలను రాబట్టగలమన్నారు. ట్విటర్ యాజమాన్య బాధ్యతలు చేపట్టగానే దాదాపు 50% ఉద్యోగులను మస్క్ తొలగించారు. వారిలో సీనియర్ కేటగిరీ ఉద్యోగులు కూడా ఉన్నారు. ప్రస్తుతం మిగిలి ఉన్న ఉద్యోగులకు మస్క్ తాజా అల్టిమేటంను జారీ చేశారు.