Elon Musk vs BJP : ఎలాన్​ మస్క్​- బీజేపీ నేత మధ్య 'ఈవీఎం' వార్​.. రాహుల్​ గాంధీ కూడా!-elon musk doubles down with anything can be hacked jab as bjp leader defends evm ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Elon Musk Vs Bjp : ఎలాన్​ మస్క్​- బీజేపీ నేత మధ్య 'ఈవీఎం' వార్​.. రాహుల్​ గాంధీ కూడా!

Elon Musk vs BJP : ఎలాన్​ మస్క్​- బీజేపీ నేత మధ్య 'ఈవీఎం' వార్​.. రాహుల్​ గాంధీ కూడా!

Sharath Chitturi HT Telugu
Jun 16, 2024 02:50 PM IST

Elon Musk vs BJP : ఈవీఎంలను వాడకూడదని ఎలాన్​ మస్క్​ చేసిన వ్యాఖ్యలకు కౌంటర్​ ఇచ్చారు బీజేపీ నేత రాజీవ్​ చంద్రశేఖర్​. ఈ వ్యవహారంపై రాహుల్​ గాంధీ స్పందించారు.

ఈవీఎంల హ్యాకింగ్​పై స్పందించిన ఎలాన్​ మస్క్​.
ఈవీఎంల హ్యాకింగ్​పై స్పందించిన ఎలాన్​ మస్క్​. (REUTERS)

Elon Musk comments on EVM : ఈవీఎంలపై టెస్లా సీఈఓ, అపర కుబేరుడు ఎలాన్​ మస్క్​ చేసిన వ్యాఖ్యలు ఇప్పుడు సర్వత్రా చర్చనీయాంశంగా మారాయి. ఈవీఎంలను వాడకూడదని మస్క్​ అన్న మాటలకు.. బీజేపీ నేత ఒకరు కౌంటర్​ ఇవ్వడంతో.. ఈ వ్యవహారం వార్తలకెక్కింది. ఈ పూర్తి వ్యవహారంపై రాహుల్​ గాంధీ సైతం స్పందించారు.

ఎలాన్​ మస్క్​ వర్సెస్​ బీజేపీ నేత..

"ఎలక్ట్రానిక్​ ఓటింగ్​ మెషిన్​ (ఈవీఎం)లను ఎలిమినేట్​ చేసేయాలి. మనుషులు, ఏఐ.. ఈవీఎంలను హ్యాక్​ చేసే అవకాశం తక్కువగా ఉన్నా, అది చాలా రిస్కీ," అని ఎక్స్​లో ట్వీట్​ చేశారు మస్క్​.

మస్క్​ ట్వీట్​పై బీజేపీ నేత, ఎలక్ట్రానిక్స్​- ఐటీశాఖ మాజీ సహాయ మంత్రి రాజీవ్​ చంద్రశేఖర్​ స్పందించారు.

"ఇవి చాలా సాధారణమైన వ్యాఖ్యలు. సురక్షితమైన డిజిటల్​ హార్డ్​వేర్​ని సృష్టించగలిగే అవకాశాన్ని ఈ వ్యాఖ్యలు వ్యతిరేకిస్తున్నాయి. తప్పు!" అన్నట్టు వ్యాఖ్యానించారు చంద్రశేఖర్​.

Elon Musk vs BJP : స్టాండర్డ్​ కంప్యూటింగ్​ ప్లాట్​ఫామ్​లను వాడి ఈవీఎంలను రూపొందించే దేశాలకు.. మస్క్​ ఆరోపణలు వర్తిస్తాయని, అవి ఇండియాకు వర్తించవని బీజేపీ నేత అన్నారు.

"ఇండియాలో ఈవీఎంలు కస్టమ్​ డిజైన్​. చాలా భద్రంగా ఉంటాయి. కనెక్టివిటీ, బ్లూటూత్​, ఇంటర్నెట్​లు హ్యాక్​ చేయలేవు," అని రాజీవ్​ చంద్రశేఖర్​ అన్నారు.

"ఇండియా చేసినట్టు.. ఈవీఎంలను సరైన విధంగా, సెక్యూర్​గా తయారు చేసుకోవచ్చు. ఎలాన్​కి ఈ విషయంలో పాఠాలు చెప్పడాన్ని సంతోషిస్తా," అన్నారు బీజేపీ నేత.

అయితే.. బీజేపీ నేత రాజీవ్​ చంద్రశేఖర్​ వ్యాఖ్యలపై స్పందించిన ఎలాన్​ మస్క్​.. "దేనినైనా హ్యాక్​ చేసేయొచ్చు," అని అన్నారు.

రాహుల్​ గాంధీ ఏమన్నారంటే..

Rahul Gandhi EVM : ఈవీఎంలు హ్యాకింగ్​కి గురవుతున్నాయని విపక్షాలు ఎన్నో ఏళ్లుగా ఆరోపిస్తున్నాయి. ఇక ఇప్పుడు.. ఎలాన్​ మస్క్​ సైతం అలాంటి వ్యాఖ్యలే చేశారు. దీనిపై కాంగ్రెస్​ సీనియర్​ నేత రాహుల్​ గాంధీ స్పందించారు.

"ఇండియాలో ఈవీఎంలను బ్లాక్​ బాక్స్​గా పరిగణిస్తున్నారు. వాటిపై ఎవరికి మాట్లాడే హక్కు లేదు! మన ఎన్నికల పారదర్శకతపై తీవ్రస్థాయిలో ఆందోళన వ్యక్తమవుతోంది. వ్యవస్థలు జవాబుదారీతనంతో లేకపోతే.. ప్రజాస్వామ్యం మోసానికి గురవుతుంది," అని అన్నారు రాహుల్​ గాంధీ. ముంబై నార్త్​ వెస్ట్​ లోక్​సభ సీటు గెలిచిన అభ్యర్థి వద్ద.. ఈవీఎంలకు కనెక్ట్​ చేసి ఉన్న ఫోన్​ ఉందన్న ఓ వార్తను తన ట్వీట్​కు జోడించారు కాంగ్రెస్​ సీనియర్​ నేత.

Can EVM be hacked : ఇటీవలే ముగిసిన లోక్​సభ ఎన్నికల్లో.. ముంబై నార్త్​ వెస్ట్​ సీట్​ని 48 ఓట్ల తేడాతో గెలిచారు రవీంద్ర వైకర్​. కాగా.. వైకర్​ బావమరిది.. జూన్​ 4న ఓ పోలింగ్​ బూత్​ వద్ద ఫోన్​ వాడుతూ కనిపించారు. ఆయనపై కేసు నమోదైంది. కాగా.. నెస్కో సెటర్​ వద్ద.. ఈవీఎంలను అన్​లాక్​ చేసేందకు ఉపయోపడే ఓటీపీ.. ఆ ఫోన్​లో ఉందని ఆరోపణలు వచ్చాయి. సంబంధిత ఫోన్​ని ఫోరెన్సీక్​ పరీక్షల కోసం పంపించార. దీనిపై దర్యాప్తు కొనసాగుతోంది.

ఏది ఏమైనా.. ఈ ఈవీఎంల హ్యాకింగ్​ వ్యవహారం నిత్యం వార్తల్లో ఉంటోంది.

WhatsApp channel

సంబంధిత కథనం