Doordarshan new logo : కాషాయం రంగులో దూర​దర్శన్​ కొత్త లోగో.. సర్వత్రా విమర్శలు!

Doordarshan logo changed : ప్రముఖ ఆటోనోమస్​ పబ్లిక్​ టీవీ బ్రాడ్​క్యాస్టర్​ దూరదర్శన్​ ఆవిష్కరించిన కొత్త లోగోపై సర్వత్రా విమర్శలు వెల్లువెత్తుతున్నాయి. లోగోను.. ఎరుపు రంగు నుంచి కాషాయం రంగులోకి మార్చడాన్ని అనేక మంది తప్పుపడుతున్నారు. మరీ ముఖ్యంగా.. విపక్ష పార్టీలు.. దూరదర్శన్​ చర్యలపై మండిపడుతున్నాయి.

దూరదర్శన్​ కొత్త లోగోపై వివాదం..

దూరదర్శన్​కి చెందిన ఇంగ్లీష్​ న్యూస్​ ఛానెల్​ డీడీ న్యూస్​.. కొత్త లోగోను ఇటీవలే ఆవిష్కరించింది.

"మా విలువలను అలాగే ఉంచుతూ.. మేము కొత్త అవతారంలో మీ ముందుకు వస్తున్నాము. మునుపెన్నడూ లేని విధంగా.. ఓ కొత్త ప్రయాణానికి సిద్ధం అవ్వండి. సరికొత్త డీడీ న్యూస్​ని ఎక్స్​పీరియెన్స్​ చేయండి," అని ఎక్స్​ (ట్విట్టర్​)లో పోస్ట్​ చేసింది డీడీ న్యూస్​.

Doordarshan logo color : సరిగ్గా ఎన్నికల సమయంలో దూరదర్శన్​.. తన లోగోను మార్చడం, పైగా అది కాషాయం రంగులో ఉండటం ఇప్పుడు చర్చలకు దారి తీసింది. చాలా మంది దూరదర్శన్​ని విమర్శిస్తున్నారు. దూరదర్శన్​ మాతృ సంస్థకు గతంలో బాస్​గా పనిచేసిన టీఎంసీ ఎంపీ జవ్​హర్​ సిర్కార్​.. తీవ్ర స్థాయిలో విమర్శలు చేశారు.

"చారిత్రక లోగోను.. కాషాయం రంగులోకి మార్చేసింది ఈ జాతీయ బ్రాడ్​క్యాస్టర్​ దూరదర్శన్​. దూరదర్శన్​ కాషాయమయం అవుతుండటం చూసి, ఒక మాజీ సీఈఓగా నాకు బాధ కలుగుతోంది. ఆందోళన కలుగుతోంది. ప్రసార భారతి.. ఇప్పుడు ఏమాత్రం ప్రసార భారతి కాదు. అదొక ప్రచార్​ భారతి," అని సోషల్​ మీడియాలో పోస్ట్​ చేశారు టీఎంసీ ఎంపీ సిర్కార్​.

ప్రసార భారతికి సీఈఓగా.. 2012 నుంచి 2106 వరకు పనిచేశారు సిర్కార్​. దూరదర్శన్​తో పాటు ఆల్​ ఇండియా రేడియోను పర్యవేక్షించే సంస్థ.. ఈ ప్రసార భారతి.

Doordarshan logo old : "బ్రాండింగ్​ కోసం.. దూరదర్శన్​ కాషాయపు రంగునే ఎంచుకోవడం సరైనది కాదు. ఇది ఎన్నికల సమయం. దూరదర్శన్​ చేసిన పని.. మోడల్​ కోడ్​ ఆఫ్​ కాండక్ట్​కి విరుద్ధం," అని సిర్కార్​ చెప్పుకొచ్చారు.

అయితే.. దూరదర్శన్​ కొత్త లోగోను వెనకేసుకొచ్చారు.. ప్రసార భారతి ప్రస్తుత సీఈఓ గౌరవ్​ ద్వివేది.

Doordarshan latest news : "విజువల్​గా ఆకర్షణగా ఉంటుందనే ఈ రంగును ఎంచుకున్నాము. లోగో ఒక్కటే కాదు.. ఛానెల్​ లుక్స్​,ఫీల్​ కూడా అప్​గ్రేడ్​ అయ్యాయి. లైటింగ్​, ఎక్విప్​మెంట్​ కూడా మారాయి," అని చెప్పుకొచ్చారు గౌరవ్​ ద్వివేది.