Donald Trump arrested : అమెరికా మాజీ అధ్యక్షుడు డొనాల్డ్​ ట్రంప్​ అరెస్ట్​

Donald Trump arrested : అమెరికా మాజీ అధ్యక్షుడు డొనాల్డ్​ ట్రంప్​ను కష్టాలు వెంటాడుతున్నాయి. తాజాగా.. ఆట్లాంటా పోలీసుల ఎదుట ఆయన లొంగిపోయారు. 2020 అధ్యక్ష ఎన్నికల్లో ఆక్రమాలు, అవకతవకలకు పాల్పడ్డారన్న ఆరోపణలు ఎదుర్కొంటున్న ఆయన్ని పోలీసులు అరెస్ట్​ చేశారు.

మగ్​ షాట్​ తీశారు..!

డొనాల్డ్​ ట్రంప్​ జైలులో 20 నిమిషాల పాటు గడిపారు. ఆ సమయంలో ఆయన ఫొటోలు (మగ్​ షాట్​) తీసుకున్నారు అధికారులు. అనంతరం 2లక్షల డాలర్ల పూచికత్తుతో విడుదలై.. న్యూ జెర్సీకి వెళ్లేందుకు విమానం ఎక్కారు.

స్థానిక కాలమానం ప్రకారం.. గురువారం రాత్రి 7 గంటల సమయంలో ఆట్లాంటాకు వెళ్లారు ట్రంప్​. ట్రాఫిక్​ మధ్యలో జైలుకు చేరుకున్నారు. అరెస్ట్​, విడుదలకు సంబంధించిన ప్రక్రియ 20 నిమిషాల్లో ముగిసింది. ఈ క్రమంలో ట్రంప్​నకు సంబంధించి పలు వివరాలు తీసుకున్నారు పోలీసులు. ఆయన ఎత్తు 6 అడుగుల 3 ఇంచ్​లు, ఆయన బరువు 215 పౌండ్లుగా నమోదు చేసుకున్నారు. ఆయనకు స్ట్రాబెరీ/ బ్లాండ్​ హెయిర్​ ఉన్నట్టు రికార్డుల్లో రాసుకున్నారు. ట్రంప్​ అరెస్ట్​కు వ్యతిరేకంగా అట్లాంటా జైలుకు.. ఆయన మద్దతుదారులు భారీ సంఖ్యలో తరలివెళ్లారు. ప్రభుత్వానికి, పోలీసులకు వ్యతిరేకంగా నినాదాలు చేశారు.

2024 అధ్యక్ష ఎన్నికలకు సన్నద్ధమవుతున్న ట్రంప్​ చుట్టూ ఉచ్చు బిగుస్తోంది. ఇప్పటికే నాలుగు నగరాల్లో ఆయనపై అనేక కేసులు ఉన్నాయి. వీటిల్లోని కొన్నింట్లో ఆయన దోషిగా కూడా తేలారు. అమెరికా మాజీ అధ్యక్షుడు.. ఈ ఏడాది మార్చ్​ నుంచి కోర్టుల చుట్టూ తిరుగుతూనే ఉన్నారు. ఫ్లోరిడా, వాషింగ్​టన్​లో ఫెడరల్​ ఛార్జీలు ఎదుర్కొన్నారు. 2020 అధ్యక్ష ఎన్నికల్లో ఆర్గనైజ్​డ్​ క్రైమ్​కు పాల్పడినట్టు ఆరోపణలు ఎదుర్కొంటున్న ట్రంప్​.. ఈ నెల తొలినాళ్లల్లో దోషిగా తేలారు. ఆయనతో పాటు మాజీ చీఫ్​ ఆఫ్​ స్టాప్​ మార్క్​ మిడోస్​, న్యూయార్క్​ మాజీ మేయర్​ రూడీ గులియానిలు కూడా దోషులుగా తేలారు.

ఇన్ని కేసులు ఎదుర్కొంటున్నప్పటికీ.. తనని తాను వెనకేసుకొచ్చారు డొనాల్డ్​ ట్రంప్​. తాను ఎలాంటి తప్పు చేయలేదని, ప్రభుత్వం తనపై కక్ష్య సాధింపు చర్యలకు పాల్పడుతోందని ఆరోపించారు. దేశ చరిత్రలో తన అరెస్ట్​.. ఒక చీకటి రోజుగా మిగిలిపోతుందని అభిప్రాయపడ్డారు.