Delhi crime : నెత్తురోడిన దిల్లీ వీధులు- ఇద్దరిని పొడిచి, పొడిచి చంపిన ఐదుగురు మైనర్లు!
దిల్లీ వీధులు రక్తమోడాయి! ఐదుగురు మైనర్లు మద్యం తాగి విధ్వంసం సృష్టించారు. గంట వ్యవధిలో రెండు వేరువేరు చోట్ల, ఇద్దరిపై దాడి చేసి, పొడిచి పొడిచి చంపారు. వారిని పోలీసులు అరెస్ట్ చేశారు.
దిల్లీలో అత్యంత దారుణ, ఆందోళనకర ఘటన వెలుగులోకి వచ్చింది. ఇద్దరు వ్యక్తులను ఐదుగురు మైనర్లు కత్తులతో పొడిచి, పొడిచి చంపేశారు. బర్త్డే పార్టీలో మద్యం తాగిన అనంతరం రెండు వేరువేరు చోట్ల ఈ దారుణాలకు ఒడిగట్టారు. ఫలితంగా దేశ రాజధానిలో విపరీతంగా పెరిగిపోతున్న ‘మైనర్ల నేరాల’పై సర్వత్రా ఆందోళనలు పెరిగాయి.
అసలేం జరిగింది?
ఘాజీపూర్ పేపర్ మార్కెట్కి సమీపంలో ఈ ఘటనలు చోటుచేసుకున్నాయి. నిందితులందరు 14ఏళ్ల నుంచి 17ఏళ్లలోపు వారే! బుధవారం రాత్రి వేళ వీరు మద్యం తాగుతూ బర్త్డే పార్టీ చేసుకున్నారు. ఇక్కడే మార్కెట్లో గుడ్ల బండి నడుపుతున్న రమేష్ దాతారామ్ బహిరంగంగా అబ్బాయిలు మద్యం సేవించడంపై అభ్యంతరం వ్యక్తం చేసి వారితో వాగ్వాదానికి దిగాడు.
వాగ్వాదం తీవ్రం కావడంతో కత్తితో వచ్చిన మైనర్లు ఆ 49 ఏళ్ల వ్యక్తిని పొడిచి చంపేశారు.
బాలురు అతని మృతదేహాన్ని మార్కెట్లోనే వదిలేసి, ఎటువంటి ఇబ్బంది లేకుండా తమ స్ట్రీట్ పార్టీని కొనసాగించారు. అనంతరం న్యూ అశోక్ నగర్ వైపు నడుస్తూ మద్యం సేవించారు.
మొదటి హత్య జరిగిన సుమారు గంట తర్వాత ఆ మైనరలు దల్లుపుర రోడ్డులోని జల్ బోర్డు ట్రీట్మెంట్ ప్లాంట్కు చేరుకున్నారు. ఆ సమయానికి వాళ్లకి ఆకలేసింది. తినడానికి ఏదైనా కావాలని ఆరాటపడ్డారు. కాని ఆహారం లేదా పానీయం కొనడానికి డబ్బు లేదు!
ఆ సమయంలోనే.. సాహిబాబాద్లోని ఓ గ్రాఫిక్ డిజైన్ కంపెనీలో హెల్పర్గా పనిచేస్తున్న బీహార్లోని అర్రాకు చెందిన పప్పు ప్రసాద్ (30) దల్లుపురాలోని తన ఇంటికి నడుచుకుంటూ వెళ్తున్నాడు. బాలురు అతని వద్దకు వెళ్లి డబ్బు అడిగారు. అతను దోపిడీ ప్రయత్నాన్ని ప్రతిఘటించడంతో, అతని ఛాతీపై పలుమార్లు పొడిచి చంపారు.
దల్లుపురా రోడ్డులోని జలమండలి ట్రీట్మెంట్ ప్లాంట్ సమీపంలో మృతదేహం పడి ఉందని గురువారం తెల్లవారుజామున 1 గంట సమయంలో స్థానికుల నుంచి మొదటి కాల్ వచ్చిందని డిప్యూటీ పోలీసు కమిషనర్ (తూర్పు) అభిషేక్ ధనియా చెప్పారు.
రోడ్డుపై చాలా రక్తం కనిపించింది. మృతుడిని పలుమార్లు పొడిచారు. అర్ధరాత్రి 12.30 గంటల సమయంలో దోపిడీ ప్రయత్నంలో ప్రసాద్ హత్యకు గురయ్యాడని ఈ కేసు గురించి తెలిసిన మరో సీనియర్ అధికారి తెలిపారు.
ఈ ముఠా చేసిన మొదటి హత్య ప్రసాద్ కాదని పోలీసులకు కొద్ది గంటల్లోనే తెలిసింది!
ఘాజీపూర్ పేపర్ మార్కెట్లో గుడ్ల వ్యాపారి కుమారుడు సన్నీ దతారామ్ రాత్రంతా తండ్రి గురించే ఆందోళన చెందాడు. "అతను తిరిగి రాకపోవడంతో, నేను అతనికి కాల్ చేయడానికి ప్రయత్నించాను, కాని అతను సమాధానం ఇవ్వలేదు. అతను మార్కెట్ సమీపంలో పడుకున్నాడని లేదా స్నేహితుడి ఇంటికి వెళ్లాడని నేను అనుకున్నాను," అని సన్నీ తన ఫిర్యాదులో పేర్కొన్నారు. “పొద్దున్నే.. పేపర్ మార్కెట్లో ఖాళీగా ఉన్న దుకాణం సమీపంలో కనిపించాడు. అతని కాలు రక్తంతో నిండిపోయింది. ముఖంపై కూడా గాయాలు ఉన్నాయి,” అనిచెప్పాడు.
దతారామ్ మృతదేహం సుమారు 11 గంటల పాటు మద్యం దుకాణం వెనుక పడి ఉందని అధికారులు తెలిపారు.
ప్రసాద్ హత్యపై దర్యాప్తు చేస్తున్న పోలీసులు దల్లుపురా ప్రాంతంలోని సీసీటీవీలు, ట్రాఫిక్ కెమెరాల ఫుటేజీలను పరిశీలించగా ఈ రెండు హత్యలు ఒకే గ్రూపుతో ముడిపడి ఉన్నాయని తేలింది. ప్రసాద్ హత్య జరిగిన ప్రాంతానికి సమీపంలోనే కొందరు బాలురు ఉన్నట్లు గుర్తించామని, సుమారు గంట ముందు దతారామ్ హత్య జరిగిన ప్రాంతానికి సమీపంలో ఉన్న సీసీటీవీ కెమెరాల్లోనూ అదే బృందం కనిపించిందని అధికారులు తెలిపారు.
ప్లాట్ఫాంపై కూర్చున్న మృతుడిని (దాతారామ్) నిందితులు కొట్టిన దృశ్యాలను గుర్తించామని డీసీపీ ధనియా తెలిపారు. రెండు క్రైమ్ సీన్లను విశ్లేషించే క్రమంలో రెండు హత్యలు ఒకే గ్రూపు దుండగులే చేసినట్లు గుర్తించామన్నారు.
ఐదుగురు మైనర్లు అరెస్ట్..
నిందితులను పట్టుకునేందుకు పలు బృందాలను పంపామని, గంటల వ్యవధిలోనే వారిని గుర్తించి పట్టుకున్నామని ధనియా తెలిపారు. వారు నగరం విడిచి పారిపోవాలని ప్లాన్ చేశారని అన్నారు. దాడులకు ఉపయోగించిన కత్తిని, నిందితుల ఇళ్ల నుంచి రక్తపు మరకలున్న దుస్తులను పోలీసులు స్వాధీనం చేసుకున్నారని వివరించారు.
సంబంధిత కథనం