Men modelling lingerie : మహిళల లోదుస్తులు ధరించిన పురుషులు.. ప్రమోషన్ కోసం తిప్పలు!
Men modelling lingerie in China : మహిళల లోదుస్తులు పురుషులు ధరిస్తే? వినడానికే చాలా విచిత్రంగా ఉంది కదూ..! కానీ చైనాలో ఇదే జరుగుతోంది. మహిళలు ఆన్లైన్లో లోదుస్తులను ప్రమోట్ చేయడంపై చైనాలో నిషేధం ఉంది. అందుకే.. కొంత మంది వ్యాపారులు.. పురుషులతో ఈ పని చేయిస్తున్నారు.
Men modelling lingerie in China : మహిళల లోదుస్తులకు సంబంధించి ఎన్నో యాడ్స్ మనకి నిత్యం కనిపిస్తూనే ఉంటాయి. కొత్తకొత్త విధాలుగా వ్యాపార సంస్థలు ప్రమోషన్లు చేస్తూ ఉంటాయి. కానీ ఆయా యాడ్స్లో మహిళలు స్థానంలో.. పురుషులే వారి లోదుస్తుల్లో దర్శనమిస్తే? 'ఇదేం దారుణం' అనుకుంటున్నారా? చైనాలో ఇలాంటి పరిస్థితులే కనిపించాయి. మహిళల అండర్గార్మెట్స్ విక్రయించే ఓ సంస్థ.. వారి లోదుస్తులను పురుషులకు వేసి, ప్రమోషన్స్ చేసింది. చైనాలో ఉన్న కఠిన నిబంధనలు ఇందుకు కారణం. ఇందుకు సంబంధించిన దృశ్యాలు తెగ వైరల్ అవుతున్నాయి.
ట్రెండింగ్ వార్తలు
అసలేం జరిగిందంటే..
ఉమెన్ అండర్గార్మెట్స్ను ప్రదర్శించేందుకు సాధారణంగా మహిళలను ఎంపిక చేసుకుంటూ ఉంటారు. కాగా.. ఆన్లైన్లో మహిళలు లోదుస్తులను ప్రదర్శించడంపై చైనా ప్రభుత్వం నిషేధం విధించింది. ఎవరైనా నిబంధనలను అతిక్రమిస్తే.. కఠిన చర్యలు తీసుకుంటామని తెల్చిచేప్పింది. ఫలితంగా.. ఓ వ్యాపారి ఆ బాధ్యతలను పురుషులకు అప్పగించాడు.
Men modelling lingerie for ads in China : ఈ నేపథ్యంలో పురుషులు బ్రాలు, కార్సెట్స్, నైట్గౌన్స్ వంటి మహిళల దుస్తులను ధరించి ప్రమోట్ చేస్తున్న వీడియోలు.. చైనా సామాజిక మాధ్యమాల్లో వైరల్గా మారాయి. షూ అనే వ్యాపారి.. ఈ పని చేశాడు. అతనే కాదు.. నిషేధం నుంచి తప్పించుకుని, తమ బ్రాండ్లను ప్రమోట్ చేసుకునేందుకు చాలా మంది వ్యాపారులు సైతం.. ఇలా పురుషుల చేత మహిళల దుస్తులు వేయిస్తున్నారు. ప్రమోట్ చేసుకుంటున్నారు.
"నాకు వేరే ఆప్షన్ లేదు. డిజైన్ పరంగా మార్పులు చేయలేము. అందుకే మా వద్ద ఉన్న పురుషులను ఉపయోగించుకుంటున్నాము," అని షూ పేర్కొన్నాడు.
'అబ్బయిలే బెటర్గా వేసుకున్నారు..'
సామాజిక మాధ్యమాల్లో వైరల్గా మారిన ఈ వీడియోపై అక్కడి నెటిజన్లు విపరీతంగా కామెంట్లు చేస్తున్నారు. "మహిళల లోదుస్తులకు సంబంధించిన లైవ్స్ట్రీమ్పై బ్యాన్ విధించడం ఇది కొత్తేమీ కాదు. చాలా సార్లు ఇలా జరిగింది," అని ఓ వ్యక్తి కామెంట్ చేయగా.. "మహిళల కన్నా ఆ అబ్బాయే వాటిని బాగా వేసుకున్నాడు," అని మరో నెటిజన్ రాసుకొచ్చాడు. "గతంలో మహిళలకు నటించే అవకాశం ఉండేది కాదు. అందుకే చాలా వరకు మహిళల పాత్రలను కూడా పురుషులే ధరించే వారు. ఇప్పుడు కూడా ఇలాగే ఉందనిపిస్తోంది," అని మరో వ్యక్తి అభిప్రాయపడ్డారు.
China latest news : మహిళల లోదుస్తుల ప్రదర్శనపై నిషేధం ఉండటంతో పురుషులను ఉపయోగించుకోవడం తాత్కాలిక చర్యగా పలువురు అభిప్రాయపడుతున్నారు. ఎంత కాలం వ్యాపారులు ఇలా చేస్తూ ఉండగలరని ప్రశ్నిస్తున్నారు. ఇంకొందరు ప్రభుత్వ నిర్ణయాలను తప్పుబడుతున్నారు.
సంబంధిత కథనం