Chennai tragedy: చెన్నైలో విషాదం; నీటిలో మునిగి ఐదుగురు విద్యార్థుల దుర్మరణం-chennai 5 persons drown while performing rituals cm announces compensation ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Chennai Tragedy: చెన్నైలో విషాదం; నీటిలో మునిగి ఐదుగురు విద్యార్థుల దుర్మరణం

Chennai tragedy: చెన్నైలో విషాదం; నీటిలో మునిగి ఐదుగురు విద్యార్థుల దుర్మరణం

HT Telugu Desk HT Telugu
Apr 05, 2023 08:45 PM IST

Chennai tragedy: చెన్నై న గరంలో విషాదం చోటు చేసుకుంది. గుడి చెరువులో మునిగి ఐదుగురు విద్యార్థులు ప్రాణాలు కోల్పోయారు.

ప్రతీకాత్మక చిత్రం
ప్రతీకాత్మక చిత్రం

Chennai tragedy: చెన్నై న గరంలో విషాదం చోటు చేసుకుంది. గుడి చెరువులో మునిగి ఐదుగురు విద్యార్థులు ప్రాణాలు కోల్పోయారు. నగరంలోని నాంగనల్లూరులో ఉన్న ధర్మలింగేశ్వర ఆలయ కోనేరులో పడి విద్యార్థులు దుర్మరణం పాలయ్యారు.

Chennai tragedy: నీటిలో మునిగి..

నాంగనల్లూరులో ఉన్న ధర్మలింగేశ్వర ఆలయంలో తీర్థవారి ఉత్సవాలు జరుగుతున్నాయి. స్థానిక అధికారులకు కానీ, పోలీసులకు కానీ సమాచారం ఇవ్వకుండానే ఆలయ నిర్వాహకులు ఈ ఉత్సవాలను నిర్వహిస్తున్నారు. ఈ సందర్భంగా ఆలయానికి వచ్చిన విద్యార్థులు ఆలయ సంప్రదాయంలో భాగంగా ఆలయ సమీపంలోని చెరువులో స్నానం చేయడానికి వెళ్లారు. ఐదుగురు విద్యార్థుల్లో ఒకరు ఆ నీటిలో మునిగిపోతుండగా, కాపాడడానికి ప్రయత్నించిన మిగతా నలుగురు విద్యార్థులు కూడా నీళ్లలో మునిగిపోయి చనిపోయారు.

Chennai tragedy: సీఎం సంతాపం

ఈ దుర్ఘటన పట్ల తమిళనాడు సీఎం ఎంకే స్టాలిన్ తీవ్ర దిగ్భ్రాంతిని వ్యక్తం చేశారు. మృతుల కుటుంబ సభ్యులకు సంతాపం తెలిపారు. మృతుల కుటుంబాలకు రూ. 2 లక్షల చొప్పున పరిహారం ప్రకటించారు. ఘటనాస్థలానికి వెళ్లి పరిస్థితిని సమీక్షించాలని స్థానిక మంత్రి ని ఆదేశించారు. పోలీసులకు, అధికారులకు సమాచారం ఇవ్వకుండా, అజాగ్రత్తగా ఈ కార్యక్రమం చేపట్టిన ఆలయ నిర్వాహకులపై చర్యలు తీసుకోనున్నట్లు మంత్రి ప్రకటించారు.

టీ20 వరల్డ్ కప్ 2024