మమతకు షాక్.. మరో టీఎంసీ నేత అరెస్ట్
Anubrata Mondal arrested : టీఎంసీ నేత, మమత బెనర్జీకి సన్నిహితుడిగా గుర్తింపు ఉన్న అనుబ్రత మోండల్ను సీబీఐ అరెస్ట్ చేసింది. పశువుల అక్రమ రవాణా కేసులో భాగంగా ఈ చర్యలు చేపట్టింది.
Anubrata Mondal arrested : పార్థా ఛటర్జీ వ్యవహారంతో ఉక్కిరిబిక్కిరి అవుతున్న టీఎంసీకి మరో షాక్ తగిలింది. టీఎంసీ కీలక నేత, సీఎం మమతా బెనర్జీకి సన్నిహితుడిగా గుర్తింపు ఉన్న అనుబ్రత మోండల్ను సీబీఐ.. గురువారం ఉదయం అరెస్ట్ చేసింది. 2020 పశువుల అక్రమ రవాణా కేసులో భాగంగా.. కేంద్ర దర్యాప్తు సంస్థ సీబీఐ ఈ చర్యలు చేపట్టింది.
ట్రెండింగ్ వార్తలు
అనుబ్రత మోండల్.. ప్రస్తుతం టీఎంసీ బీర్భూమ్ జిల్లా అధ్యక్షుడి పదవిలో ఉన్నారు.
కాగా.. 2015-2017 మధ్యకాలంలో ఈ పశువుల అక్రమ రవాణా జరిగిందని సీబీఐ ఆరోపిస్తోంది. పశువుల తలలను అక్రమంగా బార్డర్ని దాటిస్తుండగా.. బీఎస్ఎఫ్ దళాలు వాటిని అడ్డుకున్నట్టు చెబుతోంది.ఈ మేరకు 2020లో ఎఫ్ఐఆర్ నమోదు చేసింది. అనేక ప్రాంతాల్లో సోదాలు నిర్వహించింది. అప్పుడే.. ఈ వ్యవహారంలో అనుబ్రత మోండల్ పేరు బయటకొచ్చింది. రెండుసార్లు ఆయన్ని విచారించింది కూడా.
పశువుల అక్రమ రవాణా కేసులో మరోమారు విచారణ కోసం హాజరుకావాలని ఈ నెలలో అనుబ్రత మోండల్కు పిలుపునిచ్చింది సీబీఐ. కానీ ఆయన మూడుసార్లూ సీబీఐ వద్దకు వెళ్లలేదు. ఈ క్రమంలోనే గురువారం ఉదయం.. బీర్భూమ్లోని మోండల్ నివాసానికి వెళ్లిన సీబీఐ అధికారులు.. ఆయన్ని అరెస్ట్ చేశారు. అనంతరం అక్కడి నుంచి వైద్య పరీక్షల కోసం ఆసుపత్రికి తరలించారు.
అనుబ్రత మోండల్ బాడీగార్డు.. సైగల్ హొస్సేన్ని కూడా సీబీఐ అరెస్ట్ చేసినట్టు తెలుస్తోంది.
నెల రోజుల్లో ఇద్దరు..
Partha Chatterjee : ఓ టీఎంసీ నేత అరెస్ట్ కావడం.. నెల రోజుల్లో ఇది రెండోసారి. ఉపాధ్యాయుల నియామకాలకు సంబంధించిన అవినీతుల కేసులో భాగంగా.. మాజీ మంత్రి, మమతా బెనర్జీ సన్నిహితుడు పార్థా ఛటర్జీని ఈడీ అధికారులు అరెస్ట్ చేశారు. ఆయనకు అత్యంత సన్నిహితంగా ఉన్న అర్పితా ముఖర్జీని సైతం అరెస్ట్ చేశారు. అనంతరం ఈడీ నిర్వహించిన దాడుల్లో.. రూ. 50కోట్లకుపైగా నగదు, భారీగా విలువ చేసే ఆభరణాలు బయటపడిన విషయం తెలిసిందే.
సంబంధిత కథనం