Girlfriend in suitcase: గర్ల్ ఫ్రెండ్ ను సూట్ కేసులో కుక్కి, తన హాస్టల్ కు తీసుకెళ్తూ దొరికిపోయిన విద్యార్థి

Girlfriend in suitcase: సోనిపట్ లోని ఓపీ జిందాల్ గ్లోబల్ యూనివర్శిటీకి చెందిన ఓ విద్యార్థి తన గర్ల్ ఫ్రెండ్ ను పెద్ద సూట్ కేస్ లో దాచి బాలుర హాస్టల్ లోకి అక్రమంగా తీసుకువెళ్లేందుకు యత్నించిన ఘటన సంచలనంగా మారింది. హాస్టల్ లో తోటి విద్యార్థి రికార్డు చేసిన ఈ ఘటనకు సంబంధించిన వీడియో ఆన్ లైన్ లో వైరల్ గా మారింది. ఈ వీడియోను చూసిన నెటిజన్లు కామెంట్లు, ఎమోజీలతో పెద్ద ఎత్తున స్పందిస్తున్నారు. దాంతో పాటు హాస్టల్ ఆంక్షలు, విద్యార్థుల చేష్టలపై చర్చ ప్రారంభమైంది.

అసలేం జరిగింది..

నిపట్ లోని ఓపీ జిందాల్ గ్లోబల్ యూనివర్శిటీకి చెందిన ఓ విద్యార్థి తన గర్ల్ ఫ్రెండ్ ను తన హాస్టల్ రూమ్ కు తీసుకువెళ్లాలనుకున్నాడు. అందుకు నిబంధనలు అంగీకరించవు కనుక, రహస్యంగా ఆమెను తన రూమ్ కు తీసుకెళ్లాలనుకున్నాడు. ఒక పెద్ద సూట్ కేసులో ఆ యువతిని కుక్కి, జిప్ వేసి హాస్టల్ వరకు సక్సెస్ ఫుల్ గానే తీసుకువెళ్లగలిగాడు. కానీ, హాస్టల్ లోకి ప్రవేశిస్తున్న సమయంలో ఆ పెద్ద సూట్ కేసును చూసిన సెక్యూరిటీ సిబ్బందికి అనుమానం వచ్చింది. ఆ సూట్ కేసును ఓపెన్ చేసి, చూసి షాక్ అయ్యారు. అనంతరం హాస్టల్ అధికారులకు సమాచారమిచ్చారు. అయితే, హాస్టల్ లోపలికి తీసుకువస్తుండగా, సూట్ కేసు లోపల నుంచి శబ్దాలు రావడంతో సెక్యూరిటీకి అనుమానం వచ్చిందని అక్కడి విద్యార్థులు తెలిపారు. వీల్స్ ఉన్న ఆ సూట్ కేసును స్టెప్స్ పై నుంచి తీసుకు వస్తున్న సమయంలో లోపల ఉన్న యువతికి ఇబ్బంది కలిగి అరిచి ఉండొచ్చని చెప్పారు.

వీడియో వైరల్

అయితే, ఈ ఘటనను హాస్టల్ లోని మరో విద్యార్థి వీడియో తీసి సోషల్ మీడియాలో పోస్ట్ చేశాడు. అది ఎక్స్, ఇన్ స్టాగ్రామ్ సహా పలు సోషల్ మీడియా ప్లాట్ ఫామ్ ల్లో వైరల్ గా మారింది. ఆ యువతి ఓపీ జిందాల్ లో విద్యార్థినినా లేక బయటి వ్యక్తా? అనేది ఇంకా తెలియరాలేదు. అయితే ఈ విషయంపై యూనివర్సిటీ ఇప్పటి వరకు అధికారిక ప్రకటన చేయలేదు. అయితే, వీడియో ఈ క్లిప్ ఇన్స్టాగ్రామ్, ఎక్స్ వంటి ప్లాట్ఫామ్ లలో వ్యాపించడంతో, నెటిజన్లు ఇందులోని సృజనాత్మకతపై వ్యంగ్య ప్రశంసలు, కామెంట్లతో ప్రతిస్పందించారు. కాలేజ్ లో ప్రేమ అంటే ఇలానే ఉంటుందని ఒక యూజర్ వ్యాఖ్యానించారు. కొంతమంది వినియోగదారులు ఈ క్షణాన్ని "పీక్ హాస్టల్ బిహేవియర్" గా అభివర్ణించగా, మరికొందరు "జిందాల్ నిజంగా దాని పేరులోని 'ఓపి'కి అనుగుణంగా జీవిస్తోంది" అని వ్యాఖ్యానించారు.