Telugu News  /  National International  /  Caller Threatens To Blow Up Reliance Hospital In Mumbai, Issues Threats Against Ambani Family Members; Police Launch Probe
ముకేశ్ అంబానీ
ముకేశ్ అంబానీ

Threat call to Ambani: చంపేస్తామంటూ అంబానీ కుటుంబానికి బెదిరింపులు

05 October 2022, 17:04 ISTHT Telugu Desk
05 October 2022, 17:04 IST

భారత్ లోని ప్రముఖ పారిశ్రామికవేత్త, రిలయన్స్ గ్రూప్ చైర్మన్ ముకేశ్ అంబానీ కుటుంబ సభ్యులను చంపేస్తామంటూ ఒక గుర్తు తెలియని వ్యక్తి ఫోన్ లో బెదరించాడు.

దక్షిణ ముంబైలోని సర్ హెచ్ ఎన్ రిలయన్స్ ఫౌండేషన్ హాస్పిటల్ కు మంగళవారం మధ్యాహ్నం ఒక గుర్తు తెలియని వ్యక్తి ఫోన్ చేశాడు. ఆ హాస్పిటల్ ను పేల్చేస్తానని, ముకేశ్ అంబానీ కుటుంబ సభ్యులను చంపేస్తానని బెదిరించాడు.

ట్రెండింగ్ వార్తలు

పోలీస్ కేసు

ప్రముఖ పారిశ్రామికవేత్త ముకేశ్ అంబానీని, ఆయన కుటుంబ సభ్యులను చంపేస్తామని మరోసారి బెదిరింపు ఫోన్ కాల్ వచ్చింది. ముంబైలోని సర్ హెచ్ ఎన్ రిలయన్స్ ఫౌండేషన్ హాస్పిటల్ కు ఈ ఫోన్ కాల్ వచ్చింది. రిలయన్స్ హాస్పిటల్ ను పేల్చేస్తానని, ముకేశ్ అంబానీ కుటుంబ సభ్యులను చంపేస్తామని ఫోన్ చేసిన వ్యక్తి బెదిరించాడు. దీనిపై ఆసుపత్రి వర్గాలు పోలీసులకు ఫిర్యాదు చేశాయి.

గతంలో కూడా..

గతంలో కూడా పలుమార్లు ముకేశ్ అంబానీకి ఇలాంటి బెదిరింపులు ఎదురయ్యాయి. ఇటీవలనే ప్రభుత్వం కూడా ఆయన భద్రతను జడ్ ప్లస్ కేటగిరీ కి మారుస్తూ నిర్ణయం తీసుకుంది. ఈ సంవత్సరం ఆగస్ట్ లో ఇలాగే ఈ హాస్పిటల్ కు బెదిరింపు కాల్ చేసిన వ్యక్తిని పోలీసులు అరెస్ట్ చేశారు. 2021లో అంబానీ నివాసం సమీపంలో పేలుడు పదార్ధాలతో నిండిఉన్న ఒక వాహనాన్ని పోలీసులు గుర్తించారు. దీనికి సంబంధించి పలు అరెస్ట్ లు కూడా చోటు చేసుకున్నాయి.