Telugu News  /  National International  /  Bus Catches Fire In Pune; Passengers Escape Unhurt
పుణె దగ్గరలో అగ్నికి ఆహుతవుతున్న బస్సు
పుణె దగ్గరలో అగ్నికి ఆహుతవుతున్న బస్సు (PTI)

Bus catches fire in Pune: క్షణాల్లో అగ్నికి ఆహుతైన బస్సు

01 November 2022, 22:25 ISTHT Telugu Desk
01 November 2022, 22:25 IST

Bus catches fire in Pune: రహదారిపై దూసుకుపోతున్న బస్సు ఇంజిన్ లో నుంచి అకస్మాత్తుగా మంటలు ప్రారంభమయ్యాయి. కొద్ది సేపట్లోనే అవి బస్సంతా వ్యాపించాయి.

Bus catches fire in Pune: మహారాష్ట్రలో భారీ అగ్ని ప్రమాదం జరిగింది. రోడ్డుపై వెళ్తున్న బస్సు మంటలకు ఆహుతయింది. అయితే, అదృష్టవశాత్తూ ప్రమాదాన్ని గుర్తించిన ఆ బస్సు డ్రైవర్, కండక్టర్ వెంటనే ప్రయాణీకులందరినీ బస్సులో నుంచి సురక్షితంగా దింపేశారు.

ట్రెండింగ్ వార్తలు

Bus catches fire in Pune: పుణెలో..

పుణె నుంచి యావత్మాల్ వెళ్తున్న బస్సులో మంగళవారం ఉదయం ఈ ప్రమాదం జరిగింది. యరవాడ ప్రాంతంలోని శాస్త్రి చౌక్ వద్ద బస్సుకు అకస్మాత్తుగా మంటలు అంటుకున్నాయి. మొదట ఇంజిన్ లో నుంచి పొగలు రావడాన్ని గమనించిన డ్రైవర్ వెంటనే రోడ్డు పక్క బస్సును నిలిపేశాడు. క్షణాల్లో డ్రైవర్, కండక్టర్ కలిసి బస్సులోని 42 మంది ప్రయాణీకులను బస్సులో నుంచి దింపేశారు. ఆ తరువాత కొద్ది సేపటికే మంటలు బస్సంతా వ్యాపించాయి. అగ్ని మాపక సిబ్బంది వచ్చేలోపే బస్సు పూర్తిగా అగ్నికి ఆహుతయింది. ప్రయాణీకులెవరికీ గాయాలు కూడా కాకపోవడం అదృష్టంగా భావిస్తున్నారు.