Man Rapes Dog: షాకింగ్: కుక్కను రేప్ చేసిన వ్యక్తి: దర్యాప్తు మొదలు
Man Rapes Dog in Bihar: బిహార్‌లో ఓ వ్యక్తి.. వీధి కుక్కను రేప్ చేశాడు. ఇందుకు సంబంధించి ఫిర్యాదు నమోదవటంతో పోలీసులు విచారణ ప్రారంభించారు.
Man Rapes Dog in Bihar: బిహార్‌లో షాకింగ్ ఘటన జరిగింది. వీధి కుక్కపై ఓ వ్యక్తి అత్యాచారానికి పాల్పడ్డాడు. ఈనెల 8వ తేదీన హోలీ రోజున పట్నా(Patna) జిల్లాలో జరిగిన ఈ ఘటన.. తాజాగా వెలుగులోకి వచ్చింది. ఈ దారుణ చర్యకు సంబంధించిన వీడియో ఒకటి సోషల్ మీడియాలో వైరల్‍గా మారింది. ఇందుకు సంబంధించి ఓ ఎన్‍జీవో ప్రతినిధి ఫిర్యాదు చేయటంతో పోలీసులు దర్యాప్తు ప్రారంభించారు. వివరాలివే..
Man Rapes Dog in Bihar: పట్నాలోని ఫుల్వారీ షరీఫ్ ( Phulwari Sharif) పట్టణం ఫైసల్ కాలనీలో ఓ వ్యక్తి.. వీధి కుక్కపై అత్యాచారం చేశాడు. ఈ తతంగం సీసీ టీవీలో రికార్డు అయింది. ఇందుకు సంబంధించిన వీడియోను ప్రియా దోత్రే అనే వ్యక్తి ఇన్‍స్టాగ్రామ్‍లో పోస్ట్ చేశారు. ఈ ఘటనపై ఫుల్వారీ షరీఫ్ పోలీస్ స్టేషన్‍లో ఫిర్యాదు చేశానని చెప్పారు.
Man Rapes Dog in Bihar: “పట్నాలోని ఫుల్వారీ షరీఫ్ పోలీస్ స్టేషన్‍లో ఫిర్యాదు చేశాం. ఈ విషయాన్ని తీవ్రంగా పరిగణించి సమగ్ర దర్యాప్తు చేయాలని అధికారులను కోరాం. ఘోరమైన నేరానికి పాల్పడిన నిందితుడిని గుర్తించి, తగిన శిక్ష విధిస్తారని ఆశిస్తున్నాం” అని ఇన్‍స్టాగ్రామ్ పోస్టులో ఆమె పేర్కొన్నారు. బాధ్యతాయుతమైన గ్రూప్‍నకు చెందిన వ్యక్తిగా జంతువులతో పాటు అన్ని జీవుల రక్షణ తన బాధ్యత అని ఆమె తెలిపారు.
ఫిర్యాదు నమోదు కావటంతో పోలీసులు ఈ ఘటనపై విచారణ ప్రారంభించారు. నిందితుడిపై ఐపీసీతో పాటు యానిమల్ యాక్ట్ కింద చర్యలు తీసుకుంటామని ఫుల్వారీ షరీఫ్ అసిస్టెంట్ ఎస్‍పీ వెల్లడించారు. ప్రస్తుతం దర్యాప్తు చేస్తున్నామని అన్నారు.
ఢిల్లీలో..
Man Rapes Dog: ఇదే నెలలో ఢిల్లీలోనూ ఇలాంటి ఘటనే జరిగింది. ఢిల్లీలోని హరి నగర్ ప్రాంతంలోని ఓ పార్కులో ఓ వ్యక్తి.. ఓ కుక్కపై ఆత్యాచారం చేశాడు. దీంతో అతడిని పోలీసులు అరెస్టు చేశారు. ఈ దారుణానికి పాల్పడుతుండగా.. చిత్రీకరించిన వీడియో వైరల్ అయింది. ఇది పోలీసుల వరకు చేరటంతో నిందితుడిని పట్టుకున్నారు. జంతు హింస చట్టం, ఐపీసీ కింద ఎఫ్ఐఆర్ నమోదు చేసినట్టు ఢిల్లీ పోలీసులు వెల్లడించారు.
సంబంధిత కథనం