Australia student Visa : రెండింతలు పెరిగిన ఆస్ట్రేలియా స్టూడెంట్​ వీసా ఫీజు.. భారతీయులపై భారీ ప్రభావం!-australia student visa fees hiked more than double to effect lakhs of indians ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Australia Student Visa : రెండింతలు పెరిగిన ఆస్ట్రేలియా స్టూడెంట్​ వీసా ఫీజు.. భారతీయులపై భారీ ప్రభావం!

Australia student Visa : రెండింతలు పెరిగిన ఆస్ట్రేలియా స్టూడెంట్​ వీసా ఫీజు.. భారతీయులపై భారీ ప్రభావం!

Sharath Chitturi HT Telugu
Jul 02, 2024 07:18 AM IST

Australia student Visa fees hike : ఆస్ట్రేలియా స్టూడెంట్​ వీసా ఫీజు రెండింతల కన్నా ఎక్కువ పెరిగింది. ఇది అందరిని షాక్​కు గురిచేస్తోంది.

 రెండింతలు పెరిగిన ఆస్ట్రేలియా స్టూడెంట్​ వీసా ఫీజు..
రెండింతలు పెరిగిన ఆస్ట్రేలియా స్టూడెంట్​ వీసా ఫీజు..

ఆస్ట్రేలియాలో చదువుకోవాలని ప్లాన్​ చేసే విదేశీ విద్యార్థులకు భారీ షాక్​ ఇచ్చింది అక్కడి ప్రభుత్వం! స్టూడెంట్​ వీసా ఫీజును ఒకేసారి రెండింతల కన్నా ఎక్కువగా పంచేసింది. ఇది లక్షలాది మంది భారతీయులపై ప్రభావం చూపించనుంది.

ఆస్ట్రేలియా స్టూడెంట్​ వీసా ఫీజు పెంపు..

710 డాలర్లుగా ఉన్న ఆస్ట్రేలియా స్టూడెంట్​ వీసా ఫీజు ఇప్పుడు ఏకంగా 1600 డాలర్లు అయ్యింది. పెంచిన ధరలు జులై 1 నుంచే అమల్లోకి వచ్చాయి.

కాగా ఈ స్థాయిలో స్టూడెంట్​ విసాల ఫీజు పెంపుపై విద్యార్థుల ప్రతినిథులు మండిపడుతున్నారు. ఇలా అయితే దేశంలో చదువుకునేందుకు ఒకటికి రెండుసార్లు ఆలోచిస్తారని, ఫలితంగా పోటీదారులు లబ్ధిపొందుతారని అంటున్నారు.

అయితే ఇలా స్టూడెంట్​ వీసా ఫీజు పెంపుతో వచ్చే డబ్బులతో విద్యావ్యవస్థను మెరుగుపరుస్తామని, గ్రాడ్జ్యుయేట్​ రుణాలు కట్​ చేస్తామని, అప్రెంటీస్​లకు ఆర్థిక సాయం చేస్తామని, వలసదార వ్యూహాలను అమలు చేస్తామని ప్రభుత్వం చెబుతోంది.

"విదేశీ విద్య మన దేశ జాతీయ సంపద. అది మంచి నైణ్యతతో ఉంచడం మన బాధ్యత," అని విద్యాశాఖ మంత్రి జేసెన్​ క్లార్​ తెలిపారు.

కాన్​బేరాలోని ఇండియన్​ హై కమిషన్​ ప్రకారం 2023 ఆగస్ట్​ నాటికి ఆస్ట్రేలియాలో చదువు కోసం ఎన్​రోల్​ చేసుకున్న భారతీయ విద్యార్థుల సంఖ్య సుమరు 1,20,277గా ఉంటుంది. ఆస్ట్రేలియాలో చదువుకుంటున్న విదేశీ విద్యార్థుల సంఖ్యలో భారత్​ రెండో స్థానంలో ఉంది.

కానీ ఇలా ఆస్ట్రేలియా స్టూడెంట్​ వీసా ఫీజు పెంపుపై సర్వత్రా విమర్శలు ఎదురవుతున్నాయి. ఫీజ పెంపు, అధిక డిపాజిట్​ ఖర్చులు అనేవి విదేశీ విద్యార్థులపై పెను భారం చూపిస్తుందని కౌన్సిల్​ ఆఫ్​ ఇంటర్నేషనల్​ స్టూడెంట్స్​ ఆస్ట్రేలియా జాతీయ అధ్యక్షుడు యేగనెహ్​ సోల్​తనపోర్​ తెలిపారు.

"అంత ఖర్చు చేసి రిజెక్ట్​ అయ్యామని తెలిస్తే చాలా బాధ కలుగుతుంది. ఇది మన పోటీదారులకు మంచి చేస్తుంది," అని యేగనెహ్​ అభిప్రాయపడ్డారు.

ఇంతకన్న జరగాల్సిన నష్టం మరొకటి లేదని ఇంటర్నేషనల్​ ఎడ్జ్యుకేషన్​ అసోసియేషన్​ ఆఫ్​ ఆస్ట్రేలియా సీఈఓ ఫిల్​ హనీవుడ్​ తెలిపారు.

"ఏడాదికి 48 బిలియన్​ డాలర్లను మనం పోగొట్టుకునే ప్రమాదంలో పడ్డాము. ఆస్ట్రేలియా స్టూడెంట్​ వీసా ఫీజు పెంపు అనేది ఇండో-పెసిఫిక్​ ప్రాంతాలతో మన సంబంధాలపై భారీ ప్రభావాన్ని చూపిస్తుంది. ఇలా చేస్తే చాలా మంది యూకేకి వెళ్లిపోతారు. అక్కడ స్టూడెంట్​ వీసా ఖర్చు 900 డాలర్లు మాత్రమే!" అని హనీవుడ్​ అన్నారు.

WhatsApp channel

సంబంధిత కథనం