Hubble telescope : నీరు ఉన్న రెండు గ్రహాలను గుర్తించిన శాస్త్రవేత్తలు!
Hubble telescope new discovery : భూమికి 218 కాంతి సంవత్సరాల దూరంలో ఉన్న రెండు గ్రహాలను శాస్త్రవేత్తలు గుర్తించారు. ఈ రెండింట్లో నీరు అధిక మొత్తంలో ఉందన్నారు. వీటిని హబుల్ టెలిస్కోప్ ఆధారంగా ఆవిష్కరించినట్టు స్పష్టం చేశారు.
Hubble telescope new discovery : అమెరికా అంతరిక్ష పరిశోధన సంస్థ నాసాకు చెందిన హబుల్ టెలిస్కోప్ ద్వారా రెండు కొత్త గ్రహాలను ఆవిష్కరించారు శాస్త్రవేత్తలు. నీటి జాడలున్న జంట గ్రహాలను ఈ స్పేస్ టెలిస్కోప్ సాయంతో గుర్తించారు. ఇవి ఓ నక్షత్ర మండలంలో భాగంగా ఉన్నాయని పేర్కొన్నారు.
ట్రెండింగ్ వార్తలు
218 కాంతి సంవత్సరాల దూరంలో..
యూనివర్సిటీ ఆఫ్ మాంట్రియల్లో ఇన్స్టిట్యూట్ ఫర్ రీసెర్చ్ ఆన్ ఎక్సోప్లానెట్స్ విభాగానికి చెందిన ఓ బృందం.. ఈ రెండు ఎక్సోప్లానెట్లను గుర్తించింది. ఈ బృందానికి కరోలీన్ పియాలేట్ అధ్యక్షత వహించారు. ఇందుకు సంబంధించిన స్టడీ జర్నల్ నేచర్ ఆస్ట్రానమీలో ప్రచురితమైంది.
NASA Hubble Telescope : ఈ రెండు గ్రహాలను కెప్లర్-138సీ, కెప్లర్ 138డీగా పిలుస్తున్నారు. హబుల్ టెలిస్కోప్తో పాటు స్పిట్జర్ స్పేస్ టెలిస్కోప్స్ను ఉపయోగించి.. ఈ రెండు గ్రహాలను గుర్తించారు శాస్త్రవేత్తలు. ఈ రెండు గ్రహాల్లో ఎక్కువగా నీరే ఉంటుందని భావిస్తున్నారు. ఈ రెండు గ్రహాలు భూమి పరిమాణం కన్నా ఒకటిన్నర రెట్లు పెద్దగా ఉన్నాయని శాస్త్రవేత్తలు వెల్లడించారు. ఇవి ఓ ఎర్రని మరుగుజ్జు నక్షత్రం చుట్టూ పరిభ్రమిస్తున్నట్టు వివరించారు.
అయితే.. ఈ రెండు గ్రహాలు.. లిరా నక్షత్ర మండలంలో ఉన్నట్టు, అది భూమి నుంచి 218 కాంతి సంవత్సరాల దూరంలో ఉన్నట్టు శాస్త్రవేత్తలు స్పష్టం చేశారు.
2 new planets with water found : "కెప్లర్ స్పేస్ టెలిస్కోప్తో గతంలో కెప్లర్ 138బీ గ్రహాన్ని నాసా గుర్తించింది. ఇప్పుడు గుర్తించిన రెండు గ్రహాలు ఆ గ్రహంతో పోలి ఉన్నాయి," అని శాస్త్రవేత్తలు వెల్లడించారు.
"జూపిటర్, శాటర్న్ చుట్టు యూరోపా, ఎన్సేలాడుస్ వంటి మూన్స్ తిరుగుతూ ఉంటాయి. వాటిల్లో ఎక్కవ శాతం నిరే ఉంటుంది. ఈ రెండు గ్రహాలు కూడా అదే విధంగా ఉన్నాయి. కానీ నక్షత్ర మండలిలో ఇవి చాలా దగ్గరగా ఉన్నాయి. మంచు కాకుండా వీటిల్లో నీరు ఎక్కువగా ఉండే అవకాశం ఉంది." అని శాస్త్రవేత్తలు పేర్కొన్నారు.
"కెప్లర్- 138డీలో ఉష్ణోగ్రతలు.. వాటర్ బాయిలింగ్ పాయింట్ కన్నా ఎక్కువగా ఉండొచ్చు. ఈ గ్రహంలో ఆవిరితో కూడుకున్న వాతావరణం ఉంటుందని మేము భావిస్తున్నాము. ఆవిరి వాతావరణం కింద లిక్విడ్ వాటర్ ఉండొచ్చు. అది హై ప్రైజర్లో ఉండే అవకాశం ఉంది. అది కాకపోతే.. సూపర్క్రికిటల్ ఫ్లూయిడ్ దశలోనైనా నీరు నిక్షిప్తం అయ్యి ఉండొచ్చు," అని శాస్త్రవేత్తలు స్పష్టం చేశారు. ఈ గ్రహాలపై మరింత పరిశోధనలు చేయాల్సి ఉందని, ఆ తర్వాత మరిన్ని వివరాలను బయటపెడతామని అన్నారు.
సంబంధిత కథనం