Indian Student Death in US : వారంలో మూడో భారత విద్యార్థి మృతి.. అమెరికాలో ఏం జరుగుతోంది!

Indian student found dead in Cincinnati : అమెరికాలో మరో భారతీయ విద్యార్థి ప్రాణాలు కోల్పోయాడు. శ్రేయస్​ రెడ్డి మరణ వార్త.. సిన్సినాటిలో కలకలం సృష్టిస్తోంది. అంతేకాకుండా.. అమెరికాలో భారతీయ విద్యార్థి మరణించిన వార్త.. ఇది వారం రోజుల్లో మూడోది!

అసలేం జరిగింది..?

శ్రేయస్​ రెడ్డి అనే భారతీయ విద్యార్థి.. ఒహాయోలోని సిన్సినాటిలో ఉన్న లిండర్​ స్కూల్​ ఆఫ్​ బిజినెస్​లో చదువుకుంటున్నాడు. అతని మృతదేహం పోలీసులకు లభించింది. కాగా.. అతను ఎలా మరణించాడు? ఎవరైనా హత్య చేశారా? లేక ఆరోగ్య సమస్యలతో ప్రాణాలు విడిచాడా? అన్న వివరాలపై ప్రస్తుతం స్పష్టత లేదు.

మరోవైపు.. అమెరికాలో భారతీయ విద్యార్థి మరణంపై న్యూయార్క్​లోని ఇండియన్​ కాన్సులేట్​ దిగ్భ్రాంతి వ్యక్తం చేసింది. శ్రేయస్​ రెడ్డి కుటుంబసభ్యులతో టచ్​లో ఉన్నామని చెప్పింది.

Indian student found dead US : "శ్రేయస్​ రెడ్డి బెనిగెరి అకాల మరణ వార్త విని బాధ కలిగింది. ఈ విషయంపై పోలీసుల దర్యాప్తు కొనసాగుతోంది. ప్రస్తుతానికైతే.. ఎలాంటి అనుమానాస్పద వివరాలు బయటకి రాలేదు. అతని కుటుంబంతో టచ్​లో ఉండి, అన్ని విధాలుగా సాయం చేసేందుకు ప్రయత్నిస్తున్నాము," అని ఇండియన్​ కాన్సులేట్​ ఓ ప్రకటనలో తెలిపింది.

సిన్సినాటిలో శ్రేయస్​ రెడ్డి మరణంపై దర్యాప్తు కొనసాగుతోంది. మరిన్ని వివరాలపై త్వరలో స్పష్టత వచ్చే అవకాశం ఉంది.

వారంలో మూడో కేసు..

Shreyas Reddy Ohio : అమెరికాలో భారతీయ విద్యార్థి మరణ వార్తలు ఇటీవలి కాలంలో ఆందోళనకరంగా పెరుగుతున్నాయి. మరీ ముఖ్యంగా.. శ్రేయస్​ రెడ్డితో కలుపుకుని.. గత వారం రోజుల్లో మొత్తం ముగ్గురు భారత విద్యార్థులు అమెరికాలో ప్రాణాలు కోల్పోయారు. శ్రేయస్​ కన్నా ముందు.. వివేక్​ సైని, నీల్​ ఆచార్య అనే భారత విద్యార్థులు మరణించారు.

పుర్​డ్యూ వర్సిటీలో చదువుకుంటున్న నీల్​ ఆచార్య మరణించినట్టు జనవరి 30న అక్కడి అధికారులు ప్రకటించారు. తన కుమారుడు అదృశ్యమైనట్టు.. నీల్​ తల్లి గౌరి చెప్పిన ఒక్క రోజు అనంతరం అతని మృతదేహాన్ని పోలీసులు గుర్తించారు.

America news latest : "నా కుమారుడు నీల్​ ఆచార్య.. జనవరి 28 (స్థానిక కాలమానం ప్రకారం) నుంచి కనిపించడం లేదు. చివరిగా.. ఆచార్యని ఓ ఊబర్​ క్యాబ్​ డ్రైవర్​ పుర్​డ్యూ వర్సిటీలో డ్రాప్​ చేశాడు. మరిన్ని వివరాల కోసం ప్రయత్నిస్తున్నాము. మీకేమైనా తెలిస్తే సాయం చేయండి," అని గౌరి ఆచార్య ట్వీట్​ చేశారు.

ఈ విషయంపై ఇండియన్​ కాన్సులేట్​ వెంటనే స్పందించింది. అన్ని విధాలుగా సాయం చేస్తున్నట్టు పేర్కొంది. కానీ.. ఒక్క రోజు వ్యవధిలోనే నీల్​ ఆచార్య మృతదేహం లభించింది.

ఇక జనవరి 29న.. భారతీయ విద్యార్థి వివేక్​ సైని సైతం ప్రాణాలు కోల్పోయాడు. ఓ పార్ట్​ టైమ్​ ఉద్యోగంలో ఉన్న అతడిని.. ఓ నిరాశ్రయుడు సుత్తితో పదేపదే దాడి చేసి.. హతమార్చాడు. ఈ వార్త కలకలంం సృష్టించింది. పూర్తి వివరాల కోసం ఇక్కడ క్లిక్​ చేయండి.