Air India tickets : టికెట్ ధరల 'డిస్కౌంట్'పై ఎయిర్ ఇండియా కీలక నిర్ణయం!
Air India discount for senior citizen : వృద్ధులు, విద్యార్థులకు.. టికెట్ ధరలపై ఇచ్చే డిస్కౌంట్ల విషయంలో పలు మార్పులు చేసింది ఎయిర్ ఇండియా. డిస్కౌంట్లను సగానికిపైగా కట్ చేసింది.
Air India discount for senior citizen : టాటా గ్రూప్నకు చెందిన ఎయిర్ ఇండియా.. వృద్ధులకు, విద్యార్థులకు ఇచ్చే టికెట్ ధరల్లో డిస్కౌంట్లను సగానికి తగ్గించింది. ఈ విషయంపై ఆ సంస్థ గురువారం నిర్ణయం తీసుకుంది. సవరించిన డిస్కౌంట్లు.. గురువారం నుంచే అమల్లోకి వచ్చినట్టు ప్రకటించింది ఎయిర్ ఇండియా.
ట్రెండింగ్ వార్తలు
పలు రకాల టికెట్లపై వృద్ధులు, విద్యార్థులకు టికెట్ రేటుపై 50శాతం డిస్కౌంట్లు ఇచ్చేది ఎయిర్ ఇండియా. తాజా నిర్ణయంతో ఆ డిస్కౌంట్ 25శాతానికి పడిపోయింది. ఈ విషయంపై మరిన్ని వివరాలు ఆ సంస్థ అధికారిక వెబ్సైట్లో ఉన్నాయి.
Air India discount for students : ఇక రాయితీతో కూడిన ఛార్జీలను కూడా సవరిస్తున్నట్టు ఈ నెల 28న ప్రకటించింది ఎయిర్ ఇండియా. ఆ ఛార్జీలు కూడా గురువారమే అమల్లోకి వచ్చాయి. అయితే.. ఈ మార్పులను ఎయిర్ ఇండియా సమర్థించుకుంది.
"డిస్కౌంట్లు తగ్గించినప్పటికీ.. విద్యార్థులకు, వృద్ధులకు ఇతరులతో పోల్చుకుంటే ఎయిర్ ఇండియా టికెట్లు తక్కువ ధరకే లభిస్తాయి," అని టాటా గ్రూప్నకు చెందిన విమానయాన సంస్థ వెల్లడించింది.
Air India Tata group : విమానయాన రంగంలోని ప్రస్తుత పరిస్థితుల ఆధారంగా ఈ మార్పులు చేసినట్టు ఎయిర్ ఇండియా వెల్లడించింది. ఇండస్ట్రీ ట్రెండ్కి తగ్గట్టు ఈ నిర్ణయం ఉంటుందని స్పష్టం చేసింది.
ప్రభుత్వ ఆధీనంలో నష్టాల్లో ఎయిర్ ఇండియాను ఈ ఏడాది జనవరిలో తన సొంతం చేసుకుంది టాటా గ్రూప్. అప్పటి నుంచి సంస్థ అభివృద్ధికి వివిధ కీలక నిర్ణయాలు తీసుకుంటోంది.
సంబంధిత కథనం