Fight at wedding : పెళ్లిలో లొల్లి.. 'రసగుల్లాలు' తక్కువ అయ్యాయని కొట్టుకున్నారు!-agra 6 injured in fight over shortage of rasgullas at wedding function ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Fight At Wedding : పెళ్లిలో లొల్లి.. 'రసగుల్లాలు' తక్కువ అయ్యాయని కొట్టుకున్నారు!

Fight at wedding : పెళ్లిలో లొల్లి.. 'రసగుల్లాలు' తక్కువ అయ్యాయని కొట్టుకున్నారు!

Sharath Chitturi HT Telugu
Nov 21, 2023 07:56 AM IST

Fight at wedding : పెళ్లిలో ఏదైనా తక్కువ అయితే ఏం చేస్తారు? మహా అయితే చాడీలు చెబుతారు. కానీ యూపీలో జరిగిన ఓ పెళ్లిలో రసగుల్లాలు తక్కువ అయ్యాయని కొందరు గొడవపడ్డారు. ఈ ఘటనలో ఆరుగురు గాయపడ్డారు.

 పెళ్లిలో లొల్లి.. 'రసగుల్లాలు' తక్కువ అయ్యాయని కొట్టుకున్నారు!
పెళ్లిలో లొల్లి.. 'రసగుల్లాలు' తక్కువ అయ్యాయని కొట్టుకున్నారు!

Fight over rasgullas at wedding : ఉత్తర్​ ప్రదేశ్​లో జరిగిన ఓ షాకింగ్​ ఘటన.. ఇప్పుడు వార్తలకెక్కింది. పెళ్లి భోజనాల్లో రసగుల్లాలు తక్కువయ్యాయని.. రెండు వర్గాలు దారుణంగా కొట్టుకున్నాయి!

ఇదీ జరిగింది..

ఉత్తర్​ ప్రదేశ్​ ఆగ్రాలోని శంషాబాద్​ ప్రాంతంలో ఆదివారం రాత్రి జరిగింది ఈ ఘటన. స్థానికంగా ఓ పెళ్లి జరిగింది. అంతా ప్రశాంతంగా సాగిపోతున్న సమయంలో.. భోజనం చేసే దగ్గర గొడవ మొదలైంది. రసగుల్లాలు తక్కవ అవ్వడమే ఇందుకు కారణం.

రసగుల్లాలు తక్కవ అవ్వడంపై ఓ వ్యక్తి కామెంట్​ చేశాడు. ఈ కామెంట్లపై వచ్చిన కోపంతో మరో వర్గం వారు అతనిపై దాడి చేశారు. అతడికి మద్దతుగా.. మరికొందరు వచ్చి, గొడవలో చేరారు. ఇలా.. ఈ గొడవ పెద్దగా మారింది. ఈ ఘటనలో ఆరుగురు గాయపడ్డారు. వీరిని స్థానికులు ఆసుపత్రికి తీసుకెళ్లారు.

భగ్వాన్​ దేవి, యోగేశ్​, మనోజ్​, కైలాశ్​, ధర్మేంద్ర, పవన్​లు ఈ ఘటనలో గాయపడ్డారు.

Fight for rasgullas : "పెళ్లి భోజనాల్లో రసగుల్లాలు తక్కువ అయ్యాయని కొందరు కొట్టుకున్న ఘటన మా దృష్టికి వచ్చింది. ఘటనాస్థలానికి వెళ్లి పరిశీలించాము. గాయపడిన వారిని ఆసుత్రికి తరలించారు. ప్రస్తుతం వారు అక్కడ చికిత్స పొందుతున్నారు. వారి ప్రాణాలకేమీ ప్రమాదం లేదు. ఈ ఘటనపై కేసు నమోదు చేశాము," అని శంషాబాద్​ పోలీస్​ స్టేషన్​ ఎస్​హెచ్​ఓ అనిల్​ శర్మ మీడియాకు తెలిపారు.

ఈ వార్త సోషల్​ మీడియాలో వైరల్​గా మారింది. నెటిజన్లు విపరీతంగా కామెంట్లు పెడుతున్నారు. ‘ఏంటి.. రసగుల్లాలు తక్కువైతేనే కొట్టుకుంటారా? షాప్​కు వెళ్లి కొనుక్కోవచ్చుగా’ అని ఫన్నీ కామెంట్లు రాస్తున్నారు.

fight for rasgullas in Uttar Pradesh : ఇలా.. ఏదో ఒక విషయానికి.. పెళ్లి వేడుకల్లో కొట్టుకోవడం.. ఈ మధ్య సాధారణంగా మారిపోయింది. ఉత్తర్​ ప్రదేశ్​లోని ఈత్మాద్​పూర్​ అనే ప్రాంతంలో.. గతేడాది అక్టోబర్​లో జరిగిన ఓ పెళ్లిలో.. ఓ వ్యక్తి మరో వ్యక్తిని చంపేశాడు! పెళ్లిలో స్వీట్లు తక్కువ అయ్యాయని మొదలైన గొడవ.. చివరికి ఆ వ్యక్తి ప్రాణాలను తీసింది.

షేర్వాణీ కోసం గొడవ..

మధ్యప్రదేశ్​లో గతేడాది జరిగిన ఓ పెళ్లిలో వధువు, వరుడు తరఫు బంధువులు.. ఒకరిపై ఒకరు రాళ్లు రువ్వుకున్నారు, కర్రలతో కొట్టుకున్నారు. దీనంతటికీ కారణం ఓ 'షేర్వాణి'!

షేర్వాణి ధరించి.. పెళ్లి మండపం వద్దకు వెళ్లాడు వరుడు. అది తమ సంప్రదాయం కాదని, వెళ్లి ధోతీ-కుర్తా వేసుకోవాలని వధువు తరఫు కుటుంబసభ్యులు వరుడికి చెప్పారు. అందుకు అతను నిరాకరించాడు. పూర్తి వివరాల కోసం ఇక్కడ క్లిక్​ చేయండి.

టీ20 వరల్డ్ కప్ 2024