Adam Britton : 40కిపైగా శునకాలను రేప్​ చేసిన వ్యక్తికి 249ఏళ్ల జైలు శిక్ష!

Adam Britton jail : అమానవీయ, క్రూరమైన ఘటనలకు ప్రసిద్ధి చెందిన ప్రముఖ జువాలజిస్ట్, బ్రిటీష్​ దేశస్థుడు​ ఆడమ్​ బ్రిట్టన్​కి ఆస్ట్రేలియా కోర్టులో కఠిన శిక్ష పడటం ఖాయంగా కనిపిస్తోంది. 42 శునకాలను రేప్​ చేయడం, వాటిల్లో 39 జంతువులను చంపడం వంటి నేరాలపై తీవ్ర ఆరోపణలు ఎదుర్కొంటున్న ఆయనకి కనీసం 249ఏళ్ల జైలు శిక్ష పడే సూచనలు కనిపిస్తున్నాయి.

జంతు- మొసళ్ల నిపుణుడిగా గుర్తింపు ఉన్న ఆడమ్​ బ్రిట్టన్​.. నేరాలు చేయడమే కాదు, వాటిని చిత్రీకరించి ఆన్​లైన్​లో కూడా పోస్ట్​ చేసేవాడు. ఫలితంగా అతడిని కఠినంగా శిక్షించాలని డిమాండ్​లు వెల్లువెత్తుతున్నాయి. 40కిపైగా శునకాల రేప్​, హత్య నేపథ్యంలో ఆస్ట్రేలియాలో ఆయనపై కేసులు ఉన్నాయి. జంతు క్రూరత్వానికి సంబంధించిన 60 కేసుల్లో గతేడాది అతను దోషిగా తేలాడు.

ఆడమ్​ బ్రిట్టన్ కేసులపై​ గత గురువారం ఆస్ట్రేలియాలోని నార్తెన్​ టెరిటరీ సుప్రీంకోర్టులో విచారణ జరిగింది. విచారణకు ముందు తన సిబ్బందిని, జంతు హక్కుల కార్యకర్తలను బయటకు పంపించారు జస్టిస్​ మైకెల్​ గ్రాంట్​. అనంతరం బ్రిట్టన్​కి సంబంధించిన వీడియోని చూశారు.

"ఈ మెటీరీయల్​ ఎవరు చూసినా వాళ్లు షాక్​ అవుతారు. సైకలాజికల్​గా దెబ్బతింటారు," అని స్వయంగా జడ్జి మైకెల్​ గ్రాంట్​.

ఈ వ్యవహారంపై గురువారమే తుది తీర్పు వస్తుందని, ఆడమ్​ బ్రిట్టన్​కి కనీసం 249ఏళ్ల జైలు శిక్ష పడుతుందని అందరు భావించారు. కానీ అతని తరఫు న్యాయవాదు ఒక కొత్త రిపోర్టు జడ్జి ముందు పెట్టి, దానిని పరిగణలోకి తీసుకోవాలని చెప్పారు. ఆ రిపోర్టు సైకాలజిస్ట్​ ట్రీట్​మెంట్​ అనంతరం జైలులో ఉన్న బ్రిట్టన్​ మానసిక పరిస్థితి అని తెలుస్తోంది.

"పశ్చ్యాతాపం అనేది రీహాబిలేషన్​కు అవకాశాలుగా పరిగణించవచ్చు. ప్రొఫెషనల్స్​తో మాట్లాడిన మొదటిసారే పశ్చ్యాతాపం కనిపించకపోవచ్చు. పలుమార్లు చికిత్స ఇచ్చిన తర్వాత అవి కనిపిస్తాయి. నా క్లైంట్​ జైలు శిక్షని తగ్గించాలని మానవి చేస్తున్నాను. చాలా చిన్న వయస్సు నుంచే అతని మానసిక స్థితి బాగోలేదు. అది అతని తప్పు కాదు. దీనిని కోర్టు పరిగణిస్తుందని ఆశిస్తున్నాను," అని బ్రిట్టన్​ తరఫు న్యాయవాది వాదించారు.

ఆడమ్​ బ్రిట్టన్​ కేసులపై ఆస్ట్రేలియా కోర్టు ఆగస్టులో విచారించనుంది. అప్పుడే తుది తీర్పు వెలువడే అవకాశం ఉంది.

పలు రిపోర్టుల ప్రకారం ఆస్ట్రేలియా డార్విన్​లో నివాసమున్న ఆడమ్​ బ్రిట్టన్​ అనేక శునకాలను కొట్టి చంపేశాడు. వాటిని రికార్డు కూడా చేశాడు. అంతేకాదు అతడి వద్ద ఒక 'టార్చర్​ రూమ్​' ఉండేదని, అది ఒక షిప్పింగ్​ కంటైనర్​ అని, దానిలో శునకాలపై లైంగిక దాడికి పాల్పడే వాడని సమాచారం.