virginity auction : కన్యత్వాన్ని అమ్మకానికి పెట్టిన మహిళ! 18 కోట్లు పెట్టి కొన్న హాలీవుడ్ స్టార్..
Manchester student Laura instagram : యూకేకి చెందిన ఓ 22ఏళ్ల మహిళ చాలా కొత్త పని చేసింది! ఆమె తన కన్యత్వాన్ని ఆన్లైన్లో ఆక్షన్కి పెట్టింది. ఓ ప్రముఖ హాలీవుడ్ స్టార్ ఆమె కన్యత్వాన్ని రూ. 18కోట్లు పెట్టి కొన్నారు!
యూకేకి చెందిన ఓ 22ఏళ్ల మహిళ చేసిన పని ఇప్పుడు వార్తల్లో నిలిచింది! ఆమె తన కన్యత్వాన్ని అమ్మకానికి పెట్టింది. అంతేకాదు, ఆ మహిళ కన్యత్వాన్ని ఓ హాలీవుడ్ స్టార్ ఏకంగా 1.7 మిలియన్ యూరోలు (సుమారు రూ. 18కోట్లు) పెట్టి ఆక్షన్లో దక్కించుకున్నాడు!
అసలేం జరిగిందంటే..
మీడియా కథనాల ప్రకారం సదరు మహిళ మాంచెస్టర్ యూనివర్సిటీలో స్టూడెంట్. ఆమె పేరు లారా. 2023 డిసెంబర్లో ఆమె తన కన్యత్వాన్ని అమ్ముకోవాలని నిర్ణయించుకుంది. ఒక ఎస్కార్ట్ ఏజెన్సీలో అప్లికేషన్ వేసింది. ఆ ఏజెన్సీ, బిడ్డింగ్ ప్రక్రియ ద్వారా మహిళ కన్యత్వాన్ని విక్రయిస్తుంది. దానికన్నా ముందు, తన కన్యత్వాన్ని కొనుగోలు చేయాలని చూస్తున్న వారిని లారా కలిసింది. వారితో చాలా సేపు గడిపి, వారి గురించి తెలుసుకంది.
ఇక కొన్ని నెలల తర్వాత మహిళ కన్యత్వం బిడ్డింగ్కి వెళ్లింది. రికార్డు స్థాయిలో ఖర్చు చేసి లారా కన్యత్వాన్ని కొనుగోలు చేశారు ఓ హాలీవుడ్ స్టార్.
అయితే, తన నిర్ణయంతో తనకు ఎలాంటి బాధ లేదని లారా చెప్పుకొచ్చింది. ఆర్థిక భద్రత కోసం తాను తీసుకున్న నిర్ణయం కరెక్ట్ అని భావిస్తున్నట్టు వివరించింది.
"నేను రిగ్రెట్ అవ్వడం లేదు. చాలా మంది అమ్మాయిలు తమ కన్యత్వాన్ని కోల్పోతారు. కానీ బదులుగా వాళ్లకి ఏం రాదు. నాకు డబ్బైనా వస్తోంది. నా భవిష్యత్తు భద్రంగా ఉంది," అని లారా చెప్పింది.
"నేను ఈ నిర్ణయం తీసుకున్నందుకు సంతోషంగా ఉంది. నన్ను పెళ్లి చేసుకోని వ్యక్తితో నేను నా కన్యత్వాన్ని కోల్పోయే అవకాశం చాలా ఎక్కువగా ఉంది. అలాంటప్పుడు ఇలా చేయడంలో తప్పేముందు? అనిపించింది," అని లారా వెల్లడించింది.
బిడ్డింగ్లో తన కన్యత్వం కోసం పవర్ఫుల్ పర్సనాలిటీస్ నుంచి పోటీ ఎదురైందని 22ఏళ్ల లారా చెప్పుకొచ్చింది. రాజకీయ నాయకులు, బడా వ్యాపారవేత్తలు, సెలబ్రెటీలు ఆక్షన్లో పాల్గొన్నట్టు వెల్లడించింది. చివరికి, లాస్ ఏంజెల్స్కి చెందిన ఒక ప్రముఖ, అందరికి సుపరిచితమైన హాలీవుడ్ యాక్టర్ తన కన్యత్వాన్ని కొనుగోలు చేసినట్టు పేర్కొంది. వేలంపాటలో ఆ నటుడు.. లండన్ నేతలు, దుబాయ్కి చెందిన బడా వ్యాపారవేత్తలను ఓడించినట్టు వివరించింది.
వేలంపాట తర్వాత లారా తన ఎస్కార్ట్ టీమ్తో కలిసి లండన్లోని ఒక 5 స్టార్ హోటల్లో హాలీవుడ్ యాక్టర్ని కలిసేందుకు వెళ్లింది. ఒప్పందంలో భాగంగా, లారా కన్యత్వాన్ని నిర్ధరించేందుకు హాలీవుడ్ స్టార్ సమక్షంలో కొన్ని పరీక్షలు జరిగాయి. ఎవరి పేరు బయటకు రాకుండా ఈ విషయాన్ని చాలా రహస్యంగా చేశారు.
ఆక్షన్లో వచ్చిన డబ్బులు తన జీవితాన్ని మార్చేశాయని లారా చెప్పుకొచ్చింది. కొత్త ఇల్లు, కొత్త బట్టలు కొనుక్కునేందుకు, ట్రావెలింగ్కి ఇప్పుడు తన వద్ద డబ్బులు ఉన్నట్టు ఆమె వివరించింది. భవిష్యత్తులో ఒక ధనిక కుటుంబం నుంచి వచ్చే వ్యక్తితో రొమాంటిక్ రిలేషన్షిప్లోకి వెళ్లాలని ఉందని ఆమె స్పష్టం చేసింది.
"నా జీవితాన్ని నేను సెట్ చేసుకున్నాను. ఇప్పుడు ఆర్థిక భయాలు లేకుండా నా గోల్స్ మీద ఫోకస్ చేసుకోవచ్చు," అని లారా చెప్పింది.
ఓ మహిళ ఆన్లైన్లో తన కన్యత్వాన్ని అమ్మకానికి పెట్టిందని, దాన్ని ఓ హాలీవుడ్ స్టార్ భారీ మొత్తానికి కొనుగోలు చేశాడని వచ్చిన వార్తలు సోషల్ మీడియాలో వైరల్గా మారాయి. ఈ వార్త విన్నవారందరు షాక్కి గురవుతున్నారు.
Sharath Chitturi
సంబంధిత కథనం