Smartphone addiction : తన ఫోన్​ని తండ్రి లాగేసుకున్నాడని.. 16ఏళ్ల బాలుడు ఆత్మహత్య!

Smartphone addiction kills boy : మహారాష్ట్రలో విషాదకర ఘటన చోటుచేసుకుంది. తన స్మార్ట్​ఫోన్​ని తండ్రి లాగేసుకున్నాడన్న కారణంతో.. మనస్తాపానికి గురైన ఓ 16ఏళ్ల బాలుడు.. ఆత్మహత్య చేసుకుని ప్రాణాలు తీసుకున్నాడు! ఫలితంగా.. టీనేజర్స్​లో స్మార్ట్​ఫోన్​ అడిక్షన్​ వ్యవహారం మళ్లీ చర్చనీయాంశంగా మారింది.

ఇదీ జరిగింది..

ముంబైలోని మాల్వాని ప్రాంతంలో గురువారం జరిగింది ఈ ఘటన. బాలుడి వయస్సు 16ఏళ్లు. అతడికి స్మార్ట్​ఫోన్​ అంటే పిచ్చి! అది లేకపోతే.. డిప్రెషన్​కి గురయ్యేంతగా అడిక్ట్​ అయ్యాడు ఆ మైనర్​. కానీ అతను ఎప్పుడూ స్మార్ట్​ఫోన్​ వాడుతూనే ఉంటున్నాడని.. తల్లిదండ్రులు కోపడేవారు.

ఈ నెల 16న కూడా ఇదే జరిగింది. స్మార్ట్​ఫోన్​ పట్టుకుని కనిపించిన కుమారుడిని మందలించాడు తండ్రి. ఎంతకీ వినకపోవడంతో.. ఆ ఫోన్​ని లాగేసుకున్నాడు. ఫలితంగా.. ఇద్దరి మధ్య గొడవ జరిగింది. ఆ తర్వాతే.. ఆ బాలుడు ప్రాణాలు తీసుకున్నాడు.

Boy commits suicide due to smartphone addiction : తనను ఫోన్​ నుంచి దూరం చేస్తే ఆత్మహత్య చేసుకుంటానని గతంలో చాలాసార్లు చెప్పాడు ఆ బాలుడు. కానీ ఆ మాటలను అతడి తల్లిదండ్రులు సీరియస్​గా తీసుకోలేదు. నిజంగా ఆ పని చేస్తాడనని అనుకోలేదు.

గురువారం రాత్రి.. కిచెన్​లోకి వెళ్లిన ఆ బాలుడు.. దుపట్టాతో ఉరి వేసుకుని ఆత్మహత్యకు పాల్పడ్డాడు. కొంతసేపటికి కిచెన్​కు వెళ్లిన తండ్రి.. కుమారుడిని ఆ పరిస్థితులో చూసి షాక్​ అయ్యాడు. అతడి ప్రాణాలను కాపాడేందుకు విఫలయత్నం చేశాడు. ఆసుపత్రికి తీసుకెళ్లగా.. బాలుడు అప్పటికే మరణించాడని వైద్యులు ధ్రువీకరించారు.

Mumbai crime news : ఘటనపై సమాచారం అందుకున్న పోలీసులు.. యాక్సిడెంటల్​ డెత్​ కింద కేసు నమోదు చేసుకుని విచారణ చేపట్టారు. బాలుడి మృతదేహానికి వైద్యులు పోస్టుమార్టం చేపట్టినట్టు.. రిపోర్టు కోసం ఎదురుచూస్తున్నట్టు వివరించారు.

స్మార్ట్​ఫోన్​ వ్యసనంతో జాగ్రత్త..!

Smartphone addiction : స్మార్ట్​ఫోన్​ కోసం ప్రాణాలు తీసుకుంటున్న టీనేజర్ల సంఖ్య ఆందోళనకరంగా పెరుగుతోంది. ఇలాంటివి నిత్యం వార్తల్లో నిలుస్తున్నాయి. తల్లిదండ్రులు ఆందోళనపడుతున్నారు. అయితే.. కొన్ని టిప్స్​ పాటించి, పిల్లల స్మార్ట్​ఫోన్​ అడిక్షిన్​ను తగ్గించొచ్చని నిపుణులు సూచిస్తున్నారు.

ఫోన్​ వినియోగం, స్క్రీన్​ టైమ్​ విషయంలో పిల్లలకు పెద్దలు మార్గనిర్దేశకాలు ఇవ్వాలి. భోజనం, ఆట, బెడ్​టైమ్​ను వివరించాలి.

పిల్లలను ఎప్పుడూ ఇంట్లోనే ఉంచకుండా.. బయటకు తీసుకెళ్లాలి. ఔట్​డోర్​ గేమ్స్​లో యాక్టివ్​గా ఉంచాలి.

స్క్రీన్​ టైమ్​ ఎక్కువైతే కలిగే నష్టాలను పిల్లలకు పెద్దలు వివరించాలి. పలు ఉదాహరణలతో వారికి నచ్చజెప్పాలి.