Geyser Mistakes : గీజర్ ఆన్ చేసి స్నానం చేస్తున్నారా? ప్రాణాలకే ప్రమాదం-you have to know these rules while using geyser otherwise you will die ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Geyser Mistakes : గీజర్ ఆన్ చేసి స్నానం చేస్తున్నారా? ప్రాణాలకే ప్రమాదం

Geyser Mistakes : గీజర్ ఆన్ చేసి స్నానం చేస్తున్నారా? ప్రాణాలకే ప్రమాదం

Anand Sai HT Telugu
Jan 18, 2024 12:00 PM IST

Geyser Mistakes : ఇప్పుడు చాలా మంది ఇళ్లలో గీజర్ ఉపయోగిస్తున్నారు. కానీ దీనిని వాడేటప్పుడు కొన్ని తప్పులు చేస్తున్నారు. దీంతో ప్రాణాల మీదకు తెచ్చుకుంటున్నారు.

గీజర్ నష్టాలు
గీజర్ నష్టాలు (Unsplash)

చాలా ఇళ్లలో ఎలక్ట్రిక్ గీజర్లను ఉంటాయి. ఈ గీజర్లకు లాభాలతో పాటు నష్టాలు కూడా ఎక్కువే. చిన్న పొరపాటు మీ ప్రాణాలను తీసుకుంటుంది. చాలా మంది గీజర్ బటన్‌ను ఆన్ చేసి స్నానం చేస్తుంటారు. అయితే ఈ తప్పు ఎంత తీవ్రంగా ఉంటుందో తెలుసా? మీరు ఊహించలేని నష్టాన్ని చూస్తారు. గీజర్లను ఉపయోగిస్తుంటే.. ఈ కింది పొరపాట్లను నివారించండి.

గీజర్‌ని ఆన్‌లో ఉంచడం వల్ల గీజర్ వేడెక్కుతుంది. అది పగిలిపోయేలా చేస్తుంది. స్నానం చేసేటప్పుడు గీజర్‌ను ఆన్‌లో ఉంచడం వల్ల బాయిలర్‌పై ఒత్తిడి పడుతుంది. ఇది గీజర్‌లో లీకేజీ సమస్యలను కలిగిస్తుంది. గీజర్‌లో ఒత్తిడి పెరగడం వల్ల కూడా ఇది పేలవచ్చు. బాయిలర్ లీకేజీ కారణంగా, వైర్ ద్వారా కరెంట్ ప్రవహిస్తుంది. ఇది మీ మరణానికి కారణమవుతుంది. అదే సమయంలో మీ గీజర్ వైర్ రాగితో చేయకపోయినా అది పేలుడుకు కారణం అయ్యే అవకాశం ఉంది.

ఈ రోజుల్లో దాదాపు అన్ని గీజర్‌లు ఆటోమేటిక్ హీట్ సెన్సార్‌ని కలిగి ఉంటాయి. అలాంటి పరిస్థితుల్లో ఈ ఆటోమేటిక్ సెన్సార్లు పనిచేయడం మానేస్తే గీజర్ పగిలిపోయే అవకాశం పెరుగుతుంది. గీజర్‌లో ఇన్‌స్టాల్ చేసిన కాయిల్ చాలా వేడిగా ఉంటే, షార్ట్ సర్క్యూట్ వచ్చే అవకాశం పెరుగుతుంది.

గీజర్లలో ఎలక్ట్రిక్ కేబుల్స్ ఉంటాయి. గీజర్ సరిగా అమర్చకపోవడం లేదా విరిగిన గీజర్ స్నానం చేసేటప్పుడు విద్యుత్ షాక్‌కు దారితీయవచ్చు. అనుభవజ్ఞుడైన ఎలక్ట్రీషియన్ ద్వారా మాత్రమే గీజర్‌ను ఇన్‌స్టాల్ చేసి రిపేర్ చేయించండి. గీజర్‌ని ఎప్పటికప్పుడు చెక్ చేసి మెయింటెయిన్ చేస్తూ ఉండండి.

గీజర్‌ను ఎల్లప్పుడూ బాగా వెంటిలేషన్ జరిగే ప్రదేశంలో ఉంచండి. స్నానం చేసేటప్పుడు గీజర్‌ని ఆన్‌లో ఉంచవద్దు. గీజర్‌లో నీటి స్థాయి ఎల్లప్పుడూ కనీసం 1/3 ఉండాలి. గీజర్‌లో నీటిని ఎక్కువగా వేడి చేయవద్దు. తడి చేతులతో వైర్‌ను ఎప్పుడూ తాకకూడదు. తడి చేతులతో గీజర్‌ను తాకకుండా ఉండండి. విద్యుత్ షాక్‌కు గురయ్యే ప్రమాదం ఉంది.

గీజర్‌ను పదేపదే ఆన్, ఆఫ్ చేయవద్దు. స్నానం చేసే ముందు గీజర్ బటన్ ఆఫ్‌లో ఉందని చెక్ చేయండి. సాధారణంగా ఇంట్లో ఏదైనా మెషిన్‌ మీద కొన్ని వస్తువులు పెట్టడం మనకు అలవాటు. గీజర్ పైన ఎలాంటి బరువైన వస్తువును ఉంచవద్దు. ఇది నష్టం కలిగించవచ్చు.

గీజర్ దగ్గర మంటలు పెట్టవద్దు. త్వరగా మంటలను అంటుకుంటుంది, ఇది తీవ్రమైన ప్రమాదానికి దారితీస్తుంది. కొన్ని నివేదికల ప్రకారం శీతాకాలంలో గీజర్ ఉష్ణోగ్రత ఎల్లప్పుడూ 60 నుండి 65 డిగ్రీల వద్ద ఉంచాలి. ఎట్టి పరిస్థితుల్లోనూ 50 డిగ్రీల కంటే తగ్గించవద్దు. వేసవిలో అవసరమైతే మీరు గీజర్‌ను 50 నుండి 55 డిగ్రీల వద్ద నడపవచ్చు.

WhatsApp channel

టాపిక్