Chanakya Niti : పురుషుల్లో ఈ చెడు అలవాట్లను స్త్రీలు మంచి లక్షణాలు అనుకుంటారు-women like these bad habits in men according to chanakya niti ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Chanakya Niti : పురుషుల్లో ఈ చెడు అలవాట్లను స్త్రీలు మంచి లక్షణాలు అనుకుంటారు

Chanakya Niti : పురుషుల్లో ఈ చెడు అలవాట్లను స్త్రీలు మంచి లక్షణాలు అనుకుంటారు

Anand Sai HT Telugu
Sep 25, 2023 07:54 AM IST

Chanakya Niti : ప్రేమ, పెళ్లి గురించి చాణక్యుడు గొప్ప విషయాలు చెప్పాడు. పురుషులను స్త్రీలు ఎందుకు ఇష్టపడతారో వెల్లడించాడు. అయితే వాటిని స్త్రీలు మంచి లక్షణాలు అనుకుంటారని తన చాణక్య నీతి తెలిపాడు.

చాణక్య నీతి
చాణక్య నీతి

మానవ జీవితంలో విజయం సాధించడానికి చాణక్యుడు అనేక సలహాలు ఇచ్చాడు. ఈ సూత్రాలను అనుసరించే వ్యక్తి జీవితంలోని అనేక సమస్యల నుండి సులభంగా బయటపడవచ్చు. చాణక్యుడు తన చాణక్య నీతిలో జీవితంలోని వివిధ అంశాలు, సంబంధాలు, డబ్బు, పని, శత్రువులు, స్నేహితులు మొదలైన వాటి గురించి ముఖ్యమైన సలహాలు ఇచ్చాడు.

చాణక్య నీతిలో చాణక్యుడు విజయానికి సంబంధించిన వ్యూహాలను మాత్రమే కాకుండా సాధారణ జీవితానికి సంబంధించిన లోతైన రహస్యాలను కూడా వెల్లడించాడు. దీని ప్రకారం పురుషుల కొన్ని చెడు అలవాట్లు ప్రస్తావించాడు. కానీ స్త్రీలు ఈ అలవాట్లను మంచి లక్షణాలు భావిస్తారు.

ప్రేమ గుడ్డిదని, ప్రేమకు కళ్లు లేవని అంటుంటారు. ఎందుకంటే మీరు ప్రేమలో పడినప్పుడు మీ భాగస్వామిలోని సద్గుణాలను మాత్రమే చూస్తారు. ప్రేమలోని లోపాలను చూడలేరు. పురుషుల ఈ అలవాటును స్త్రీలు ధర్మంగా భావిస్తారని చాణక్యుడు చెప్పాడు. అయితే ఒక్కసారి ప్రేమలో చాలా దూరం వెళ్లాక అసలు నిజాలు తెలిసి గొడవలు మెుదలవుతాయి. ప్రేమలో పడిన మెుదట్లో ప్రేమే ఎక్కువగా ఉంటుంది. రాను రాను.. రియాలిటీలోకి వస్తారు.

ఒక మనిషి తాను ఇతరుల కంటే గొప్పవాడినని చూపించడానికి ఎక్కువ డబ్బు ఖర్చు చేస్తాడు. కానీ స్త్రీలు దానిని ఒక వ్యక్తి నాణ్యతగా తీసుకుంటారు. వారి ప్రేమికుడు చాలా ప్రతిభావంతుడని భావిస్తారు. ఇంత సంపాదించడం వల్లే ఇంత ఖర్చు పెట్టామని అనుకుంటారు. అయితే దీని పర్యవసానాల గురించి ఆలోచించడం లేదు.

ప్రేమలో ఒకరినొకరు అతిగా లాలించడం సహజం. పురుషులకు ఈ అలవాటు ఎక్కువగా ఉంటుంది. మహిళలు దీన్ని ఇష్టపడతారు. కానీ ఈ విషయం అలవాటుగా మారితే, చివరికి సంబంధాన్ని నిర్వహించడం కష్టం అవుతుంది. పురుషులు తమ భాగస్వాములను ఎక్కువగా చూసుకోవడం తర్వాత జీవితంలో మహిళలకు సమస్యగా మారవచ్చు. ఒకరిపై ఒకరు శ్రద్ధ వహించడం మంచిది... అతిగా లాలించడం కూడా మంచిది కాదు.

లైఫ్‌లో విజయం సాధించాలంటే కష్టపడి పనిచేయాలి. కష్టపడి పని చేసిన తర్వాత మాత్రమే మీకు ఆర్థిక ఉపశమనం లభిస్తుంది. జీవితాన్ని ఆస్వాదించడానికి ఈ రకమైన వ్యక్తిని వివాహం చేసుకుంటే, వారు విలాసాల కోసం డబ్బు ఖర్చు చేయవచ్చు. అలాంటి విజయవంతమైన పురుషులకు మహిళలు తమ హృదయాలను ఇస్తారు. కానీ కొన్ని రోజుల తర్వాత ఆ పురుషుడు మీకు కూడా టైమ్ ఇవ్వడు.. అప్పుడు ఒక్కో విషయం అర్థమవుతూ ఉంటుంది.

తరచుగా పురుషులు వారి వృత్తి లేదా పని కారణంగా వారి భార్యలకు సరిగా సమయం ఇవ్వలేరు. మహిళలు దీన్ని భర్తకు ఉన్న గొప్ప అర్హతగా భావిస్తారు. కానీ ఈ హడావుడి సహవాసం తర్వాత తర్వాత మీకు తలనొప్పిగా మారుతుంది. దీనివల్ల మహిళలు ఎక్కువ సమస్యలు ఎదుర్కొంటున్నారు. నా భర్త నాకు సమయం ఇవ్వడం లేదని బాధపడుతూ ఉంటారు.

WhatsApp channel