World Cancer Day: ప్రతి ఏడాది ఫిబ్రవరి 4నే క్యాన్సర్ దినోత్సవం ఎందుకు నిర్వహించుకుంటారు?

ప్రపంచ క్యాన్సర్ దినోత్సవం 2025 చరిత్ర: ప్రతి సంవత్సరం ఫిబ్రవరి 4 ను ప్రపంచవ్యాప్తంగా ప్రపంచ క్యాన్సర్ దినోత్సవం (2025) గా నిర్వహించుకుంటారు. క్యాన్సర్ గురించి ప్రజల్లో అవగాహన పెంచడం, ఈ వ్యాధితో పోరాడటానికి ప్రపంచవ్యాప్తంగా ప్రయత్నాలను బలోపేతం చేయడం ఈ దినోత్సవాన్ని నిర్వహించుకోవడం వెనుక ఉద్దేశ్యం. నేడు ప్రపంచవ్యాప్తంగా మరణాలకు ప్రధాన కారణాలలో క్యాన్సర్ ఒకటి. నేషనల్ క్యాన్సర్ ఇన్స్టిట్యూట్ నివేదిక ప్రకారం, 2023 సంవత్సరంలో, భారతదేశంలో 14,96,972 క్యాన్సర్ కేసులు నమోదయ్యాయి. 2040 నాటికి భారత్ లో కేన్సర్ కేసులు రెట్టింపు అవుతాయని అంచనా. ప్రపంచ క్యాన్సర్ దినోత్సవం ఉద్దేశ్యం ఈ వ్యాధి గురించి ప్రజలకు అవగాహన కల్పించడం మాత్రమే కాదు, దాని నివారణ, చికిత్స పై కూడా ప్రజలకు తెలిసేలా చేయడమే.

ప్రపంచ క్యాన్సర్ దినోత్సవం

2000 ఫిబ్రవరి 4 న పారిస్ లో ప్రారంభమైంది. క్యాన్సర్ పై పోరాటంలో ప్రముఖ అంతర్జాతీయ సంస్థ యూనియన్ ఫర్ ఇంటర్నేషనల్ క్యాన్సర్ కంట్రోల్ (యుఐసిసి) దీనిని స్థాపించింది. ఈ రోజున వివిధ క్యాన్సర్ సంబంధిత కార్యక్రమాలు, సెమినార్లు, వర్క్ షాప్ లు మరియు అవగాహన ప్రచారాలు నిర్వహిస్తారు.

ప్రపంచ క్యాన్సర్ దినోత్సవాన్ని నిర్వహించుకోవడం వెనుక ఉన్న ఉద్దేశ్యం క్యాన్సర్ తో సంబంధం ఉన్న అన్ని కారకాల గురించి ప్రజలకు అవగాహన కల్పించడం కోసమే. ఈ వ్యాధిని నివారించడానికి వారికి సరైన సమాచారం ఈ రోజున ప్రజలకు అందిస్తారు. ప్రపంచ క్యాన్సర్ దినోత్సవం ప్రాధమిక లక్ష్యం క్యాన్సర్ వల్ల కలిగే అనారోగ్యం, మరణాలను చాలావరకు తగ్గించడం.

ప్రపంచ క్యాన్సర్ దినోత్సవం 2025 థీమ్

ప్రపంచ క్యాన్సర్ దినోత్సవాన్ని పురస్కరించుకుని ప్రతి సంవత్సరం ఒక థీమ్ ను ఏర్పాటు చేస్తారు. 2025 సంవత్సరానికి థీమ్ 'యునైటెడ్ బై యూనిక్'. క్యాన్సర్ అనేది కేవలం చికిత్స ద్వారా గెలవాల్సిన పోరాటం కాదని, దాన్ని మూలాల నుండి తొలగించాల్సిన పోరాటం అని ప్రజలకు చెప్పడమే ఈ థీమ్ ఉద్దేశ్యం.

క్యాన్సర్ లో అనేక రకాలు ఉన్నాయి. ప్రజల్లో క్యాన్సర్ లక్షణాలపై కూడా ఎలాంటి అవగాహన లేదు. ప్రపంచవ్యాప్తంగా కోటి మంది ప్రతి ఏడాది క్యాన్సర్ తో మరణిస్తున్నట్టు అధికారిక లెక్కలు చెబుతున్నాయి. ఇక మనదేశం విషయానికి వస్తే ఏటా సుమారు పదకొండు లక్షల మందికి క్యాన్సర్ సోకుతున్నట్టు తెలుస్తోంది. ముఖ్యంగా రొమ్ము క్యాన్సర్, నోటి క్యాన్సర్, గర్భాశయ క్యాన్సర్, ఊపిరితిత్తుల క్యాన్సర్, బ్లడ్ క్యాన్సర్ వంటివి అధికంగా వస్తున్నాయి. క్యాన్సర్ రావడానికి వయసు పెరగడం, జన్యుపరమైన కారణాలు, రోగనిరోధక వ్యవస్థ సరిగా పనిచేయకపోవడం, మద్యపానం, ధూమపానం, చెడు ఆహారపు అలవాట్లు వంటివే కారణాలు.

(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)